ກົມໃຫຍ່ພະລາທິການກອງທັບ ຮັບປະກັນການລ້ຽງດູທັບ

ຜ່ານພຶດຕິກໍາຕົວຈິງຕະຫຼອດໄລຍະຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານແບບເກົ່າ ແລະແບບໃໝ່ ( ຝຣັ່ງ-ອາເມລິກາ ) ໃນເມື່ອກ່ອນນັ້ນພັກເຮົາສຸດທີ່ຖືສໍາຄັນການກໍ່ສ້າງພື້ນຖານເສດຖະກິດ-ການຜະລິດ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃນກໍາລັງປະກອບອາ

ວຸດເຮົາ ເພື່ອຕອບສະໜອງຮັບໃຊ້ພາລະກິດຕໍ່ສູ້ປົດປ່ອຍຊາດ ດ້ວຍວິທີການກໍ່ສ້າງຖານທີ່ໝັ້ນຂອງການປະຕິວັດ ແລະ ຖືເອົາເຂດປົດປ່ອຍເປັນບ່ອນທໍາການຜະລິດ ເພື່ອຕອບສະໜອງສະບຽງອາຫານໃຫ້ແກ່ແນວໜ້າ, ຕາມຄໍາຂວັນທີ່ວ່າ: “ທຸກສິ່ງທຸກຢ່າງເພື່ອແນວໜ້າ, ທຸກສິ່ງທຸກຢ່າງ ເພື່ອເອົາຊະນະສັດຕູ”.

ການຮັບປະກັນພະລາທິການຂອງ ກອງທັບເຮົາແມ່ນອີງໃສ່ພື້ນຖານປະຊາຊົນເປັນຈຸດໜັກ ສຳລັບກອງທັບເຮົາແມ່ນໄດ້ອີງໃສ່ 4 ແຫຼ່ງເປັນຕົ້ນຕໍຄື:
1. ເພິ່ງຕົນເອງ, ຊອກຫາກຸ້ມຕົນເອງ, ກົມກອງຕັ້ງທັບຢູ່ບ່ອນໃດ ຕ້ອງໄດ້ສູ້ຊົນເຮັດໜ້າ ທີ່ໂຄສະນາປຸກລະດົມກໍ່ສ້າງຮາກຖານການ
ເມືອງ ແລະ ເພີ່ມພູນຜະລິດຜົນຫາລ້ຽງກຸ້ມຕົນເອງ, ດ້ວຍການປູກພືດກິນໃບ, ກິນຫົວ, ກິນໝາກ,ເຮັດໄຮ່ເຮັດນາ, ຈັດຕັ້ງໜ່ວຍຫາປາ, ລ່າເນື້ອ ແລະ ຊ່ວຍປະຊາຊົນທໍາການຜະລິດ.
2. ແຫຼ່ງຊ່ວຍເຫຼືອຈາກປະຊາຊົນ: ເຊິ່ງແມ່ນແຫຼ່ງສະໜອງອັນໃຫຍ່ຫຼວງ, ເຊິ່ງກອງທະຫານ ເຮົາເຄື່ອນໄຫວພັກທັບຢູ່ບ່ອນໃດ ແມ່ນໄດ້
ອີງໃສ່ປະຊາຊົນເປັນຜູ້ເບິ່ງແຍງລ້ຽງດູ, ບ່ອນໃດມີເງື່ອນໄຂແມ່ນໄດ້ຈັດແບ່ງກໍາລັງຢາຍຢູ່ນໍາຄອບຄົວຂອງປະຊາຊົນ ເຮືອນໜຶ່ງ 2-3 ຄົນ ປະຕິບັດຄໍາຂວັນ “3 ຮ່ວມ” ຄື: ຮ່ວມຢູ່-ຮ່ວມກິນແລະ ຮ່ວມເຮັດວຽກ ທຸກຢ່າງເໝືອນລູກຫຼານໃນ ຄອບຄົວນັ້ນໆ. ເວລາໄປເຄື່ອນໄຫວຕີສັດຕູ ແມ່ນໄດ້ປຸກລະດົມເອົາເຂົ້າ ສະບຽງອາຫານນໍາ ປະຊາຊົນແຕ່ລະບ້ານ, ໃນນີ້ ກໍາລັງທີ່ປະກອບ ສ່ວນຕົ້ນຕໍແມ່ນອົງການຈັດຕັ້ງຍຸວັນນາລີ ( ສະ ຫະພັນແມ່ຍິງລາວໃນປັດຈຸບັນ ) ເປັນຜູ້ລະດົມ ສະບຽງອາຫານ ແຕ່ງຢູ່ຄົວກິນ, ຕໍາເຂົ້າ, ເຮັດອາ ຫານແຫ້ງ, ເຮັດເຂົ້າຕົ້ມ ເຂົ້າຫຼາມ ແລະ ອື່ນໆ.
3. ຢຶດເອົາຂອງສັດຕູມາປະກອບ ແລະລ້ຽງດູກໍາລັງ: ໝາຍຄວາມວ່າຢຶດເອົາເຄື່ອງຂອງສັດຕູມາປະກອບ ແລະ ລ້ຽງດູກໍາລັງຂອງ ຕົນ, ເປັນຕົ້ນແມ່ນອາວຸດ, ກະສຸນ. ແລະ ເຄື່ອງອຸປະໂພກ, ບໍລິໂພກ,
4. ແຫຼ່ງຊ່ວຍເຫຼືອຈາກຫວຽດນາມ: ບັນດາກົມກອງເຄື່ອນໄຫວສູ້ຮົບໄດ້ເປັນເຈົ້າການປະສານສົມທົບກັບກໍາລັງຂອງເພື່ອນຫວຽດ
ນາມ ແລະ ໄດ້ຮັບການຊ່ວຍເຫຼືອຈາກເພື່ອນຫວຽດນາມ ປະເພດເຄື່ອງນຸ່ງຫົ່ມ, ຢາປົວພະຍາດ, ອາວຸດ, ລູກກະສຸນ ແລະອື່ນໆ .