ວາລະສານປ້ອງກັນຊາດ “ ວາລະສານ​ທິດ​ສະ​ດີ ​ແລະ​ ພຶດຕິ​ກຳ ” ເປັນກະບອກສຽງຄະນະພັກກະຊວງປ້ອງກັນປະເທດ

ບາງຕອນສໍາຄັນ: ບົດໂອ້ລົມຂອງສະຫາຍພົນຕີ ວິໄລ ຫຼ້າຄໍາຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບຕໍ່ກອງວາລະສານປ້ອງກັນຊາດ ໃນໂອກາດສະຫຼຸບປີ 2016 ແລະ ພ້ອມທັງຂຶ້ນຫ້ອງການໃໝ່  ( ວັນທີ 3.2.2017 ).    ໃນປີ 2016 ທີ່ຜ່ານມານີ້, ຄະນະພັກ-ຄະນະບັນຊາກອງວາລະສານປ້ອງກັນຊາດ ໄດ້ພະຍາຍາມສຸມທຸກກໍາລັງແຮງດ້ວຍຄວາມຕັ້ງ
ໜ້າຜັນຂະຫຍາຍເນື້ອໃນຈິດໃຈມະຕິກອງປະ ຊຸມໃຫຍ່ ຄັ້ງທີ X ຂອງສູນກາງພັກ ກໍ່ຄືມະຕິກອງ ປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງ ປ້ອງກັນປະເທດ, ວ່າດ້ວຍ 4 ໜ້າທີ່ ໃຫຍ່ ແລະ 26 ແຜນງານຂອງຄະນະພັກກະຊວງປ້ອງກັນປະ ເທດວາງອອກ ໄດ້ປະຕິບັດຖືກຕ້ອງ ແລະ ແທດ ເໝາະກັບຕົວຈິງ. ກອງວາລະສານປ້ອງກັນຊາດ ຜ່ານມາໄດ້ຕັ້ງໜ້າເຄື່ອນໄຫວໜ້າທີ່ການເມືອງຂອງຕົນ, ເປັນກະບອກສຽງຂອງພັກ, ລັດໃນ ການໂຄສະນາເຜີຍແຜ່ແນວທາງນະໂຍບາຍ, ມະຕິຄໍາສັ່ງ ກໍ່ຄືຜົນງານຂອງກອງທັບໃນໄລຍະທີ່ຜ່ານມາ ເຊິ່ງເປັນການປະກອບສ່ວນເຂົ້າໃນ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເປັນຢ່າງດີ, ເຖິງວ່າໄລຍະຜ່ານມາມີຄວາມຫຍຸ້ງຍາກຫຼາຍ ເປັນຕົ້ນດ້ານພາຫະນະ, ດ້ານວັດຖຸອຸປະກອນຕ່າງໆ ລວມທັງເປັນການຫາກໍ່ກໍາເນີດເຕີບໃຫຍ່ ບົດຮຽນກໍ່ຍັງບໍ່ທັນສູງລວມທັງບ່ອນເຮັດວຽກ ຫ້ອງການເຮັດວຽກກໍ່ບໍ່ ທັນມີ ແຕ່ບັນດາສະຫາຍກໍ່ໄດ້ມີຄວາມພະຍາ ຍາມສູ້ຊົນບຸກບືນຜ່ານຜ່າບັນດາອຸປະສັກຕ່າງໆຖືວ່າໄດ້ແກ້ໄຂໄປຕາມລະບຽບການ ຜ່ານຜ່າ ຜ່ານພົ້ນມາໄດ້ ແລະ ມີຄວາມຮັບຜິດຊອບ ເຄື່ອນໄຫວເຮັດໜ້າທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງ
ອອກມີ ຜົນສໍາເລັດຫຼາຍດ້ານ ເປັນຕົ້ນແມ່ນໜ້າທີ່ຕົ້ນຕໍ ແມ່ນສ້າງສື່ສິ່ງພິມ ທຸກໆຮູບການທີ່ພິມ, ເປັນຕົ້ນ ແມ່ນຮູບພາບ, ປຶ້ມວາລະສານກໍ່ໄດ້ເຮັດ ຢ່າງຖືກຕ້ອງ ເຊິ່ງເປັນສື່ສິ່ງພິມທີ່ມີຫຼາຍອັນກໍ່ໄດ້ມີສີສັນ, ມີລັກສະນະວິທະຍາສາດ, ຄວາມຈົບງາມດ້ວຍການຖອດຖອນບົດຮຽນຈາກຫຼາຍພາກ ສ່ວນ ແລະ ປະສົບການຕົວຈິງຂອງວິທະຍາ ສາດ. ໃນປັດຈຸບັນດ້ວຍເຕັກໂນໂລຢີທີ່ທັນສະໄໝ ແລະ ການຈັດວາງຕ່າງໆກໍ່ເໝາະສົມຖືກ
ຕ້ອງ ແລະ ບໍ່ສະເພາະແຕ່ເຮັດໜ້າທີ່ສື່ສິ່ງພິມ ກໍ່ຍັງໄດ້ເຮັດໜ້າທີ່ວຽກງານເອເລັກໂຕຣນິກ ເຊິ່ງເປັນຂໍ້ມູນຂ່າວສານວ່ອງໄວ ເພື່ອເຮັດໃຫ້ພະນັກ ງານ-ນັກຮົບໃນທົ່ວກອງທັບໄດ້ຮັບຮູ້ ແລະ ກໍາໄດ້ສະພາບການຕ່າງໆທີ່ເກີດຂຶ້ນ ເວົ້າລວມແມ່ນ ທັງໝົດໄດ້ເປັນເຄື່ອງມືໜຶ່ງ ເປັນກະບອກສຽງໃຫ້
ແກ່ຄະນະພັກກະຊວງປ້ອງກັນປະເທດ, ເປັນເຈົ້າການຄົ້ນຄວ້າໝູນໃຊ້ທິດສະດີມາກ-ເລ ນິນ ໂຄສະນາແນວທາງນະໂຍບາຍຂອງພັກ, ເພື່ອໂຄສະນາມະຕິຄໍາສັ່ງຂອງພັກ, ໂຄສະນາ ເຜີຍແຜ່ແນວທາງທິດສະດີ ແລະ ພຶດຕິກໍາຂອງ ພັກ, ແນວທາງການເມືອງ, ການທະຫານ ລວມໄປ
ເຖິງລະບຽບວິໄນຂອງກອງທັບ, ກົດໝາຍຂອງ ລັດ, ແນວທາງປ້ອງນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ແລະ ລວມທັງການ ເສີມຂະຫຍາຍມູນເຊື້ອອັນດີງາມຂອງພັກ, ຂອງລັດ ແລະຂອງກອງທັບ. ອັນນີ້, ຖືວ່າເປັນວຽກໜຶ່ງ ທີ່ມີຄວາມຕ້ອງການ ແລະ ຮີບດ່ວນທີ່ສຸດໃນຍຸກ ປັດຈຸບັນ ຂອງກອງທັບປະຊາຊົນລາວທີ່ຈະຕ້ອງ ໄດ້ມີ, ທີ່ຈະຕ້ອງໄດ້ເຮັດ ແລະ ກໍ່ມີຄວາມຮຽກ ຮ້ອງຕ້ອງການ ແລະ ໃນຫຼາຍສະໄໝທີ່ການນໍາ ຂອງກະຊວງປ້ອງກັນປະເທດ ກໍ່ໄດ້ມີຄວາມພະຍາຍາມຢາກໃຫ້ເກີດ ຢາກໃຫ້ມີບໍ່ໃຫ້ຂາດ ເກີດມີມາແລ້ວຈໍານວນໜຶ່ງ ກໍ່ໄດ້ຮັບການປັບປຸງຢ່າງ ເຕັມສ່ວນ ເປັນຕົ້ນແມ່ນການຈັດຕັ້ງ ລວມທັງວັດຖຸອຸປະກອນ, ລວມທັງພາຫະນະຕ່າງໆທີ່ຍັງບໍ່ທັນພຽງພໍ ດຽວນີ້ກໍ່ຄົບຊຸດແລະ ຄົບຖ້ວນພໍສົມຄວນ. ທັງໝົດນັ້ນ, ແນໃສ່ຮັບໃຊ້ໃຫ້ແກ່ຂົງເຂດວຽກ ງານສຶກສາອົບຮົມການເມືອງນໍາພາແນວຄິດ,ວຽກງານກໍ່ສ້າງພັກ, ສ້າງພະນັກງານ, ວຽກງານ
ກໍ່ສ້າງອົງການຈັດຕັ້ງມະຫາຊົນ ຖືວ່າໄດ້ເຄື່ອນໄຫວຕາມພາລະບົດບາດ ຕິດພັນກັບຂະບວນການກໍ່ສ້າງກອງແຂງ-ໜ່ວຍພັກຮູ້ນໍາພາຮອບ ດ້ານ. ເຖິງວ່າເສດຖະກິດການເງິນ, ຄວາມຫຍຸ້ງ ຍາກດ້ານສະພາບແວດລ້ອມ, ຄ່າຄອງຊີບມາເຖິງປັດຈຸບັນແມ່ນຝືດເຄືອງນັບມື້ນັບສູງຂຶ້ນ
ແຕ່ວ່າພະນັກງານ, ນາຍທະຫານ, ພົນທະຫານຢູ່ໃນກົມກອງໄດ້ມີແນວຄິດອຸ່ນອຽນທຸ່ນທ່ຽງດີ,ມີຄວາມຫ້າວຫັນປະຕິບັດໜ້າທີ່ວຽກງານ
ສ່ວນຫຼາຍແມ່ນໄດ້ຕັ້ງໜ້າບຸກບືນປະຕິບັດທັງເປັນແບບຢ່າງ ທັງມີຈິດໃຈສຸມໃສ່ໜ້າທີ່ວິຊາ ສະເພາະ ເຮັດວຽກມີຈຸດສຸມ ມີການໃກ້ຊິດຕິດ
ແທດຊີ້ນໍາ-ນໍາພາ, ລົງເລິກຕົວຈິງ. ອັນນີ້ແມ່ນໜ້າຍ້ອງຍໍສັນລະເສີນ. ຈາກນັ້ນ, ແມ່ນຂົງເຂດວິຊາ ສະເພາະ ກອງວາລະສານປ້ອງກັນຊາດ ແມ່ນ
ວຽກໜຶ່ງທີ່ເປັນສະໜາມຮົບການເມືອງ ເປັນ ການຕໍ່ສູ້ທາງດ້ານການເມືອງທີ່ຕິດພັນກັບຫຼາຍ ຂົງເຂດຂອງວຽກງານໂຄສະນາ ຂອງວຽກງານ
ສຶກສາອົບຮົມຂອງວຽກງານກໍ່ສ້າງທາງດ້ານແນວຄິດ ເອີ້ນວ່າສະໜາມຮົບແນວຄິດ ຕິດພັນກັບ ວຽກງານແນວຄິດທິດສະດີຂອງພັກ ຖືວ່າຄົບ
ໝົດທຸກພາບທີ່ບັນດາສະຫາຍຖ່າຍພາບອອກມາ, ທຸກບົດແນະນໍາ ບົດຄໍາເຫັນຕ່າງໆລ້ວນແລ້ວແຕ່ໄດ້ຮັບການກວດກາ, ກວດແກ້ ຖືກຕ້ອງແທດ ເໝາະ, ເນື້ອໃນຖືວ່າສອດຄ່ອງກັບແນວທາງນະໂຍບາຍຂອງພັກ ຖືກກັບກົດໝາຍຂອງລັດ ຖືກ ກັບນິຕິກໍາຕ່າງໆ. ອັນພົ້ນເດັ່ນ ແມ່ນໄດ້ສ້າງເວັບ ໄຊວາລະສານ www.mps.gov.la ເຊິ່ງໄດ້ມີຜູ້ ເຂົ້າຊົມ ແລະ ອ່ານເປັນຈໍານວນຫຼວງຫຼາຍ ອັນນີ້ໄດ້ເປັນເງື່ອນໄຂສະດວກວ່ອງໄວໃຫ້ແກ່ພວກ ເຮົາ ເພາະຍຸກດຽວນີ້ເຮົາຕ້ອງໄດ້ເບິ່ງເອເລັກໂຕຣນິກທີ່ທັນສະໄໝ ບໍ່ຈໍາເປັນຕ້ອງຖືປຶ້ມຖືສໍອ່ານກໍ່ໄດ້. ຈາກນັ້ນ, ດ້ວຍຄວາມເອົາໃຈໃສ່ ດ້ວຍຄວາມ
ດຸໝັ່ນຫ້າວຫັນບຸກບືນຂອງບັນດາສະຫາຍ, ພັກ-ລັດ ກໍ່ຄືກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ຍາມໃດກໍ່ໄດ້ຕີລາຄາສູງຕໍ່
ການຕັ້ງໜ້າປະກອບສ່ວນອັນສໍາຄັນທີ່ໃຫຍ່ຫຼວງຂອງຖັນແຖວພະນັກງານ-ນັກຮົບຂອງວາລະສານປ້ອງກັນຊາດໃນພາລະກິດລວມຂອງຊາດທີ່ໄດ້ມີຄວາມບຸກບືນ. ສະນັ້ນ, ຕາງໜ້າໃຫ້ຄະນະນໍາກົມໃຫຍ່ການເມືອງກອງທັບ ກໍ່ຄືກະຊວງ ປ້ອງກັນປະເທດ ກໍ່ຂໍສະແດງຄວາມຍ້ອງຍໍຊົມ ເຊີຍຕໍ່ຜົນສໍາເລັດທີ່ບັນດາສະຫາຍຍາດມາໄດ້ໃນໄລຍະທີ່ຜ່ານມາຢ່າງ ສຸກອົກສຸດໃຈ !.            ຄຽງຄູ່ກັບຈຸດດີ, ຜົນງານຂອງພວກສະ ຫາຍທີ່ຍາດມາໄດ້ນັ້ນ ພວກເຮົາຍັງຈະມີໜ້າທີ່ ອັນໜັກໜ່ວງໃນຕໍ່ໜ້າ ແລະ ສິ່ງທີ່ຍັງຂາດຕົກບົກ ຜ່ອງ ສິ່ງທີ່ພວກເຮົາຍັງເຮັດບໍ່ໄດ້ຈໍານວນໜຶ່ງນັ້ນ
ພວກເຮົາຈະຕ້ອງໄດ້ປັບປຸງແກ້ໄຂສິ່ງນັ້ນມັນບໍ່ຖືວ່າເປັນສິ່ງທີ່ບົກຜ່ອງ ເປັນສິ່ງທີ່ຖືກຜົນກະທົບ ຈາກສະພາບແວດລ້ອມ ແລະ ເງື່ອນໄຂທີ່ເຮົາຍັງ ໜຸ່ມນ້ອຍ ຍັງບໍ່ທັນພຽງພໍ ຫຼືວ່າຍັງທຸກຍາກເຊິ່ງຈະຕ້ອງໄດ້ແກ້ໄຂຄື:   1).   ເພີ່ມທະວີຄວາມຮັບຜິດ ຊອບຕໍ່ໜ້າທີ່ການເມືອງເຫຼົ່າວິຊາສະເພາະ
ຕ່າງໆ ຖືວ່າວາລະສານສື່ສິ່ງພິມ, ວາລະສານຂໍ ໃຫ້ລົງເລິກ ໃຫ້ມີເນື້ອໃນ ມີສີສັນດີກວ່າເກົ່າ ຄັກກວ່າເກົ່າ ແລະ ໃຫ້ຖືກກັບຍຸກປັດຈຸບັນນີ້ ແລະ
ຖືກກັບແນວທາງນະໂຍບາຍຂອງພັກ ຖືກກັບມະຕິກອງປະຊຸມໃຫຍ່ຂອງພັກວາງອອກ ມັນຈຶ່ງແທດເຖິງ, ວາລະສານ ຕ້ອງຮັບໃຊ້ໜ້າທີ່ກອງປະ ຊຸມໃຫຍ່ ແລະ ຮັບໃຊ້ມະຕິກອງປະຊຸມໃຫຍ່ຂອງ ກະຊວງປ້ອງກັນປະເທດ ໄປຕາມລວງດຽວກັນ ເພື່ອບໍ່ໃຫ້ມັນສວນທາງກັນ ອັນນີ້ໃຫ້ກວດກາເບິ່ງ
ຕື່ມ ຖືວ່າໃຫ້ມີລັກສະນະເລິກເຊິ່ງກວ່າເກົ່າ ເປັນການປຸກລະດົມຊຸກຍູ້ ແລະ ເສີມຂະຫຍາຍໃຫ້ແກ່ ເຂົາເຈົ້າ ບໍ່ວ່າຢູ່ໃນຂົງເຂດໃດກໍ່ຕາມ ບໍ່ວ່າຂົງ ເຂດອຸດສາຫະກໍາ-ການຄ້າ, ຂົງເຂດກະສິກໍາ ຕິດພັນຂະບວນການເພີ່ມພູນຜະລິດຜົນ ຫຼື ວ່າຂະບວນການກໍ່ສ້າງກົມກອງຕ່າງໆໃຫ້ມັນສອດ ຫ້ອຍເຂົ້າໃນທຸກຂົງເຂດວຽກງານໂຄສະນາ ໃຫ້ມີຄວາມໜັກແໜ້ນກວ່າເກົ່າ, ເຂັ້ມແຂງກວ່າເກົ່າ, ວ່ອງໄວ ທັນໃຈກວ່າເກົ່າ ແລະ ມີຄວາມຊັດເຈນ ສູງ, ຂໍ້ມູນຂ່າວສານກໍ່ຂໍໃຫ້ຜູ້ອ່ານ ຜູ້ຊົມໄດ້ເຂົ້າໃຈ ແລະ ຮູ້ໄດ້ເຖິງເນື້ອແທ້ ແລະ ທາດແທ້ຂອງມັນ. ສ່ວນວ່າການປະກອບຮູບພາບ ສີສັນ
ໃຫ້ຈົບງາມ ແລະ ກໍ່ໃຫ້ມັນຖືກຕ້ອງເໝາະສົມ ເພື່ອເຮັດໃຫ້ຜູ້ອ່ານປະເອີບໃຈ ເພິ່ງພໍໃຈໃນສິ່ງ ທີ່ເຮົາມີ ອັນນີ້ໃຫ້ຄົ້ນຄວ້າຕື່ມ ໂດຍຜ່ານຄອມ
ພິວເຕີຜ່ານຂໍ້ມູນຕ່າງໆ;   2). ໃຫ້ພວກສະຫາຍເອົາໃຈໃສ່ຄຸ້ມຄອງກໍາແໜ້ນສະພາບແນວຄິດຜູ້ທີ່ເຮັດຕົວຈິງ, ທັງພະນັກງານວິຊາການ ວິຊາ
ສະເພາະໝົດທຸກຄົນຕ້ອງມີສະຕິຕໍ່ການຈັດຕັ້ງປະຕິບັດລະບຽບວິໄນ ປະຕິບັດຂໍ້ກໍານົດກອງທັບ,ວ່ອງໄວພົບເຫັນ ແລະ ເດັດດ່ຽວແກ້ໄຂບໍ່ໃຫ້
ປ່ອຍປະບັນດາເຫດການຕ່າງໆເກີດຂຶ້ນ ເພາະຖ້າຫາກວ່າມີຄວາມສັບສົນ ຖ້າຫາກບໍ່ໜັກແໜ້ນແນວຄິດບໍ່ອຸ່ນອຽນຖືວ່າເຮັດວຽກງານນີ້ບໍ່ໄດ້ອັນ
ນີ້ເອີ້ນວ່າສະໜາມຮົບແນວຄິດ; 3). ໃຫ້ປະຕິບັດຢ່າງເຂັ້ມງວດຫຼັກການລວມສູນປະຊາທິປະໄຕເຮັດວຽກກໍ່ຂໍໃຫ້ມີການແບ່ງງານຄົບຖ້ວນ
ເຮັດວຽກເປັນໝູ່ ຄະນະບໍ່ໃຫ້ມີຂໍ້ຂັດຂ້ອງໝອງໃຈກັນເຮັດວຽກໃຫ້ໄປຕາມລວງດຽວກັນເອກະພາບກັນ ອັນນີ້ຂໍໃຫ້ຫຼີກເວັ້ນແທ້ໆ ຖ້າເຮັດວຽກງານ
ນີ້ບໍ່ໄດ້ເຖິງວ່າຊິລົງທຶນມະຫາສານປານໃດກໍ່ຕາມແຕ່ສຸດທ້າຍກໍ່ບໍ່ມີຄວາມໝາຍ ບໍ່ມີຜົນໄດ້ຮັບຖ້າພວກເຮົາບໍ່ມີຄວາມສາມັກຄີກັນດີ ອັນນີ້
ເປັນສິ່ງທີ່ຮຽກຮ້ອງທີ່ສຸດ, ສືບຕໍ່ຜັນຂະຫຍາຍອັນນີ້ຂໍໃຫ້ເບິ່ງຄືນຢ່າງເລິກເຊິ່ງເພື່ອເປັນທິດເພື່ອຄວາມກ້າວໜ້າຕໍ່ໄປ.
          ສໍາລັບໃນປີ 2017ເປັນປີທີ່ພວກເຮົາສຸມໃສ່ຈັດຕັ້ງຜັນຂະຫຍາຍເນື້ອໃນມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະ
ຊຸມໃຫຍ່ ຄັ້ງທີ IV ຂອງອົງຄະນະພັກກະຊວງປ້ອງກັນປະ ເທດ ແລະ ກໍ່ເປັນປີທີ່ພວກເຮົາກະກຽມສະເຫຼີມສະຫຼອງວັນສໍາຄັນຕ່າງໆ, ກຽມໃສ
່70 ປີ ກອງທັບປະຊາຊົນລາວໃນປີ 2019 ເປັນປິທີ່ພວກເຮົາ ສະເຫຼີມສະຫຼອງໃຫຍ່ ແລະໃນເດືອນທີ 7 ຫາ ເດືອນທີ 9 ພວກເຮົາຈະສະ
ເຫຼີມສະຫຼອງ 2 ວັນ ປະຫວັດສາດ ຄວາມສາມັກຄີມິດຕະພາບການຮ່ວມມືຮອບດ້ານກັບຫວຽດນາມ, ໃນນັ້ນ ມີວັນສົນທິສັນຍາຮ່ວມມື
ແລະ ວັນການທູດ. ນີ້ແມ່ນມີ ຄວາມໝາຍສໍາຄັນທີ່ສຸດສິ່ງຕ່າງໆຈະຕ້ອງໄດ້ເຄື່ອນໄຫວທັງໝົດລະຫວ່າງສອງປະເທດພວກເຮົາຈະຈັດກິດ
ຈະກໍາຕ່າງໆເພື່ອເຄື່ອນໄຫວວຽກດັ່ງກ່າວນີ້ໃຫ້ມີບັນຍາກາດຟົດຟື້ນ, ເອົາໃຈໃສ່ສືບຕໍ່ເຮັດໃຫ້ທຸກຄົນເປັນເສນາທິການ ເປັນປາກກະບອກສຽງ
ເອົາໃຈໃສ່ເຂັ້ມແຂງຮອບດ້ານເພີ່ມທະວີນໍາພາຢູ່ໃນທຸກຂົງເຂດວຽກງານ, ສືບຕໍ່ເປັນຫຼັກ ແລະພິເສດທີ່ສຸດອີງໃສ່ສະພາບປັດຈຸບັນອີງໃສ່
ເງື່ອນໄຂເສດຖະກິດ ແລະ ຄ່າຄອງຊີບໃນປັດຈຸບັນ ຫຼື ວ່າອີງໃສ່ສະພາບເສດຖະກິດຂອງໂລກກໍາລັງຖົດຖອຍຈະຕ້ອງພະຍາຍາມສູ້ຊົນຊອກ
ແຫຼ່ງລາຍຮັບດ້ວຍທຸກວິທີທາງເມື່ອມີລາຍຮັບແລ້ວ ການຈັດຕັ້ງຜັນຂະຫຍາຍວຽກດັ່ງກ່າວເພື່ອເຮັດວຽກດັ່ງກ່າວບໍ່ໄດ້ຢຸດສະງັກ ບໍ່ໃຫ້ວ່າບໍ່
ມີທຶນບໍ່ມີຮອນ ຫຼືວ່າຂາດງົບປະມານ; ວິທີທາງຊ່ວຍເພື່ອຜັນຂະຫຍາຍໂຄສະນາຜ່ານວິທະຍຸ-ໂທລະພາບຕື່ມ ໃນການສ້າງຕັ້ງກອງ. ອັນຕໍ່ມາ
ແມ່ນພົວພັນກັບອົງການຕ່າງໆຂອງພັກຂອງລັດເພື່ອຈໍາໜ່າຍເປັນການຕະຫຼາດ, ສືບຕໍ່ຮັບເອົາການລົງໂຄສະນາຕ່າງໆລົງ ໃນໜ້າປຶ້ມວາລະ
ສານ ເພື່ອໃຫ້ວາລະສານເຮົາສາມາດຍືນຍົງຄົງຕົວ ແລະ ຂະຫຍາຍຕົວ; ສືບຕໍ່ເປັນບູລິມະສິດໃນການຈັດພິມໃບຂ່າວພາບຕ່າງໆ ເຮັດໃຫ້ມັນ
ອອກມາດີທີ່ສຸດເພື່ອຈັດຕັ້ງຜັນຂະຫຍາຍ. ນອກຈາກນັ້ນແລ້ວບັນຫາອື່ນທີ່ຈະຊອກແຫຼ່ງລາຍຮັບນັ້ນແມ່ນຈະຕ້ອງໄດ້ອີງຕາມທິດກຸ້ມຕົນ
ເອງ ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,  ຫຼັງຈາກທີ່ມີຫ້ອງການໃໝ່ ກໍ່ສຸດທີ່ຍ້ອງຍໍຊົມເຊີຍ,  ຂໍໃຫ້ທາງວາລະສານ ປົກປັກຮັກ
ສານໍາໃຊ້ໃຫ້ເປັນປະໂຫຍດສູງສຸດສິ່ງໃດທີ່ມັນບໍ່ຈົບບໍ່ງາມກໍ່ຂໍໃຫ້ມີສີສັນຂຶ້ນ ຕື່ມປັບປຸງຂຶ້ນຕື່ມເປັນຕົ້ນແມ່ນ ສວນດອກໄມ້ຮົ້ວຮາວປ້າຍຊີ້ບອກ
 ປ້າຍຄໍາຂວັນຕ່າງໆ ອັນນີ້ຂໍໃຫ້ສືບຕໍ່ປັບປຸງຕື່ມ,ປົກປັກຮັກສາ ແລະ ເຄື່ອນໄຫວໃຫ້ຖືກຕ້ອງ ແລະຮັບປະກັນຄຸນນະພາບຮູ້ປະຢັດນໍ້າ, ໄຟ, ຮູ້ປົວ
ແປງອະນາໄມຕ້ອງມີແຜນການປົກປັກຮັກສານໍາໃຊ້ໃຫ້ມີຜົນປະໂຫຍດສູງສຸດ. ❖