55 ປີ ເຫຼົ່າຮົບລົດຕັງ-ຍານເກາະກ້າວຂຶ້ນ

        ເຫຼົ່າຮົບລົດຕັງ-ຍານເກາະ ແມ່ນໜຶ່ງໃນບັນດາເຫຼົ່າຮົບກອງທັບປະຊາຊົນລາວສ້າງຕັ້ງຂຶ້ນໃນວັນທີ 1/10/1961 ໂດຍໃຕ້ການນຳພາອັນປີຊາສາມາດ ແລະ ສະຫຼາດສ່ອງໃສ ຂອງພັກປະຊາຊົນປະຕິວັດລາວ, ເມື່ອຫວນ ຄືນຫຼັງ ກ່ອນໜ້ານີ້ ໃນໄລຍະຕໍ່ສູ້ປົດປ່ອຍຊາດ ກອງຮ້ອຍວິລະຊົນ 161 ເຊິ່ງເປັນກົມກອງທຳ
ອິດຂອງເຫຼົ່າຮົບໄດ້ເຮັດສຳເລັດໜ້າທີ່ຂອງຕົນຢ່າງສະຫງ່າງາມ ໃນການຕີຕ້ານສົງຄາມ ຮຸກຮານຂອງຈັກກະພັດອາເມລິກາ ແລະ ລູກແຫຼ່ງຕີນມືຂອງພວກເຂົາໃຫ້ປະລາໄຊລົງຢ່າງອັບອາຍຂາຍໜ້າ, ໄດ້ປົດປ່ອຍປະເທດຊາດແລະ ສະຖາປະນາສາທາລະນະລັດ ປະຊາທິ ປະໄຕ ປະຊາຊົນລາວ ໃນວັນທີ 2 ທັນວາ ປີ 1975 ຢ່າງມີໄຊ.
    55 ປີ ຜ່ານມາ, ເຫຼົ່າຮົບລົດຕັງ-ຍານ ເກາະ ໄດ້ຜ່ານການທົດສອບໃນແປວໄຟສົງ ຄາມອັນດຸເດືອດຂ້ຽວຂາດ ແລະ ເຕັມໄປດ້ວຍ ການເສຍສະຫຼະອັນສູງສົ່ງເຮັດສຳເລັດໜ້າທີ່-ທີ່ພັກ ແລະ ປະຊາຊົນມອບໝາຍໃຫ້, ສ້າງໄດ້ວິລະກຳອັນລ້ຳເລີດຈາລຶກໄວ້ໃນປຶ້ມປະຫວັດສາດຂອງຊາດ ຂອງກອງທັບຢ່າງສະງ່າງາມ.
    ພາຍຫຼັງປະເທດຊາດໄດ້ຮັບການປົດປ່ອຍເປັນຕົ້ນມາ, ເຫຼົ່າຮົບລົດຕັງ-ຍານເກາະໄດ້ເພີ່ມທະວີການປັບປຸງກໍ່ສ້າງກຳລັງຂອງຕົນ
ໃຫ້ເຕີບໃຫຍ່ເຂັ້ມແຂງທາງດ້ານຈຳນວນ ແລະຄຸນນະພາບ, ການປະກອບພາຫະນະກໍ່ທັນສະ ໄໝເປັນກ້າວໆ ຈາກໜຶ່ງກອງຮ້ອຍໃນເມື່ອ ກ່ອນໄດ້ຂະຫຍາຍອອກເປັນຫຼາຍຫົວໜ່ວຍ ກົມກອງ, ປະກອບເປັນກຳລັງເພີ່ມທະວີຊ່ວຍ ໜູນໃຫ້ແກ່ທຸກກຳລັງເຫຼົ່າຮົບ ນັບທັງກຳລັງ
ຫຼວງ ແລະ ກຳລັງທ້ອງຖິ່ນໃນຂອບເຂດທົ່ວປະ ເທດ, ເສີມຂະຫຍາຍບົດບາດກໍ່ສ້າງປັບປຸງຕົນເອງນັບມື້ເຂັ້ມແຂງຢ່າງບໍ່ຢຸດຢັ້ງ ແລະ ກ້າວຂຶ້ນ
ຕາມທິດນໍາຂອງພັກ ກໍ່ສ້າງກຳລັງປະກອບອາວຸດກາຍເປັນກອງທັບປະຕິວັດມີແບບແຜນ ທັນສະໄໝ.    ຜ່ານການປັບປຸງກໍ່ສ້າງກຳລັງ ຕະຫຼອດ
ໄລຍະ 55 ປີຜ່ານມາ, ເຫຼົ່າຮົບລົດຕັງ-ຍານ ເກາະ ມີການພັດທະນາດ້ານກຳລັງການຈັດຕັ້ງປະກອບເປັນລະບົບໜຶ່ງທີ່ມີລະບົບກົງຈັກ ການຈັດຕັ້ງບັນຊາທີ່ແໜ້ນໜາຄົບຊຸດ ແລະ ມີແບບແຜນການຊີ້ນຳ-ບັນຊາກົນໄກຕໍ່ເນື່ອງນັບແຕ່ຂັ້ນເທິງລົງຮອດຮາກຖານກົມກອງແຕ່
ລະຂັ້ນ, ອັນໄດ້ເຮັດໃຫ້ທຸກການເຄື່ອນໄຫວວຽກງານຂອງເຫຼົ່າຮົບມີຄວາມເປັນເອກະພາບພ້ອມພຽງກັນກ້າວຂຶ້ນຢ່າງສະໝໍ່າສະ
ເໝີ.ໂດຍໄດ້ຮັບການກໍ່ສ້າງ ແລະ ຝືກຝົນຫຼໍ່ ຫຼອມຈາກພັກປະຊາຊົນປະຕິວັດລາວ, ບັນດາອົງການຈັດຕັ້ງຮາກຖານພັກແຕ່ລະຂັ້ນໄດ້
ເປັນເຈົ້າການຍົກສູງບົດບາດຂອງຕົນເປັນແກນນຳໃນການປັບປຸງກໍ່ສ້າງກົມກອງເຫຼົ່າຮົບແຕ່ລະໄລຍະ, ຊີ້ນຳ-ນຳພາ ການເມືອງແນວຄິດ ແລະ ວຽກງານການປັບປຸງກໍ່ສ້າງກຳລັງຮອບ ດ້ານ ເຮັດໃຫ້ກົມກອງເຫຼົ່າຮົບຫັນປ່ຽນຢ່າງຕັ້ງໜ້າ. ມາຮອດປະຈຸບັນ, ທົ່ວເຫຼົ່າຮົບມີອົງການ ຈັດຕັ້ງຮາກຖານພັກ 41 ໜ່ວຍ, ມີສະມາຊິກພັກທັງໝົດ 593 ສະຫາຍ, ເຊິ່ງກວມອັດຕາ ສ່ວນນຳພາທັງໝົດ  29.26% ຖ້າທຽບໃສ່ໄລ ຍະ 10 ປີ ຜ່ານມາ, ອັດຕາສ່ວນການຂະຫຍາຍ ຕົວຂອງສະມາຊິກພັກເພີ່ມຂຶ້ນ 4.89%, ນັ້ນ ໄດ້ສະແດງເຖິງການເຕີບໃຫຍ່ເຂັ້ມແຂງຂອງອົງການຈັດຕັ້ງນຳພາຂອງພັກ ເຊິ່ງເປັນແກນນຳຢູ່ໃນທຸກລະບົບຕາໜ່າງການບັນຊາຂອງ ເຫຼົ່າຮົບຢ່າງໜັກແໜ້ນ.
    ດ້ານການກໍ່ສ້າງກຳລັງກໍ່ມີການພັດ ທະນາຍົກສູງດ້ານຄຸນນະພາບ, ລະດັບວິຊາ ການທະຫານໃຫ້ສູງຂຶ້ນເລື້ອຍໆ ເພື່ອໃຫ້ແທດ
ເໝາະກັບສະພາບຄວາມຕ້ອງການຂອງສະ ພາບການໄລຍະໃໝ່ ໂດຍສະເພາະແມ່ນວຽກ ງານອົບຮົມຫັດແອບການທະຫານ, ໃນແຕ່ລະ ປີ ບັນດາກົມກອງເຫຼົ່າຮົບໄດ້ມີການຈັດຕັ້ງຝຶກແອບຮ່ຳຮຽນສິລະປະຍຸດ-ຍຸດທະວິທີ ແລະ ວິຊາສະເພາະຕ່າງໆຢ່າງຕໍ່ເນື່ອງ ເພື່ອເຮັດໃຫ້ ນາຍ ແລະ ພົນ ທະຫານສາມາດນຳໃຊ້ພາຫະນະອາວຸດເຂົ້າໃນການສູ້ຮົບຢ່າງຊຳນິຊຳນານຄ່ອງແຄ້ວ, ໄປພ້ອມກັບການຝຶກອົບຮົມກັບທີ່ຢູ່ກົມກອງແລ້ວ, ນາຍ ແລະ ພົນທະຫານຍັງ ໄດ້ໄປຝືກອົບຮົມກໍ່ສ້າງວິຊາການຕ່າງໆຢູ່ພາຍໃນ ແລະ ຕ່າງປະເທດ ເປັນຈຳນວນຫຼາຍ  ເພື່ອ ສ້າງເປັນພະນັກງານສືບທອດໃນອະນາຄົດ, ມາຮອດປະຈຸບັນ ທົ່ວເຫຼົ່າຮົບມີນາຍທະຫານ ຈົບວິຊາສະເພາະ ຊັ້ນກາງຫາຊັ້ນສູງ  565 ສະ ຫາຍ, ຈົບປະລິນຍາຕີຂຶ້ນໄປ 102 ສະຫາຍ. ຖ້າທຽບໃສ່ໄລຍະ 10 ປີຄືນຫຼັງຜ່ານມາ ລະດັບເຕັກນິກວິຊາການຂອງນາຍ ແລະ ພົນທະຫານ ທົ່ວເຫຼົ່າຮົບເພີ່ມຂຶ້ນ 10%.    ດ້ານການປະກອບພາຫະນະອາວຸດ ຍຸດໂທປະກອນຕ່າງໆ, ເຖິງວ່າຈະບໍ່ທັນໄດ້ນຳ ເຂົ້າພາຫະນະຊະນິດໃໝ່ປະກອບໃຫ້ແກ່ເຫຼົ່າ ຮົບກໍ່ຕາມ ແຕ່ບັນດາກົມກອງກໍ່ໄດ້ຕັ້ງໜ້າປົກ ປັກຮັກສາ, ບົວລະບັດພັດເຊັດພາຫະນະ, ອາວຸດຕ່າງໆໃຫ້ຢູ່ໃນສະພາບດີ ແລະ ກຽມພ້ອມ ສູ້ຮົບໄດ້ທຸກເວລາ, ເອົາການບົວລະບັດ-ບຳລຸງຮັກສາໄປຄຽງຄູ່ກັບການສ້ອມແປງຟື້ນຟູຍົກລະດັບສະມັດຕະພາບຄືນໃໝ່ເຮັດໃຫ້ ພາຫະນະສາມາດນຳໃຊ້ໄດ້ຍາວນານ. ຕະ ຫຼອດໄລຍະຜ່ານມາ ເຫັນວ່າບັນດາກົມກອງ ເຫຼົ່າຮົບສາມາດປົກປັກຮັກສາພາຫະນະຮັບປະກັນໃຫ້ແກ່ວຽກງານກຽມພ້ອມສູ້ຮົບເປັນ
ຢ່າງດີ ແລະ ອັນທີ່ພົ້ນເດັ່ນຜ່ານມາ ແມ່ນວຽກງານສ້ອມແປງຟື້ນຟູພາຫະນະ ໃນ 5 ປີຜ່ານມາ,ໂດຍໄດ້ຮັບການຮ່ວມມືດ້ານເຕັກນິກການທະ
ຫານຈາກສະຫະພັນລັດເຊຍ ທາງກະຊວງປ້ອງກັນປະເທດໄດ້ອະນຸຍາດໃຫ້ກົມລົດຕັງ-ຍານເກາະນຳເອົາລົດຫຸ້ມເກາະທີ່ເປ່ເພຈຳ ນວນໜຶ່ງ ເຂົ້າສ້ອມແປງ-ດັດແປງຍົກສະມັດຕະພາບດ້ານເຕັກນິກຄືນໃໝ່ໂດຍນຳໃຊ້ກຳ ລັງແຮງງານນັກວິຊາການເຕັກນິກຂອງເຫຼົ່າ ຮົບສົມທົບກັບຊ່ຽວຊານຈາກ ສ.ລັດເຊຍ ສາມາດສ້ອມແປງຟື້ນຟູລົດຫຸ້ມເກາະທີ່ເປ່ເພໄດ້ສຳເລັດ ຈຳນວນ 10 ຄັນ. ຈາກຜົນງານດັ່ງກ່າວ, ກໍ່ເປັນສິ່ງຢັ້ງຢືນວ່ານັກວິຊາການເຕັກນິກຂອງ ເຫຼົ່າຮົບລົດຕັງ-ຍານເກາະມີຄວາມສາມາດ ແລະ ປະດິດສ້າງ ພ້ອມທັງມີນ້ຳໃຈດຸໝັ່ນກິ້ງເກືອກລີເລືອຢູ່ກັບພາຫະນະສູ້ຮົບຂອງຕົນຕະຫຼອດເວລາ ແລະ ຕໍ່ຜົນສຳເລັດດັ່ງກ່າວນັ້ນ, ໄດ້
ເປັນການປະກອບສ່ວນອັນໃຫຍ່ຫຼວງໃຫ້ແກ່ ປະເທດຊາດ ຊ່ວຍປະຢັດຫຼຸດຜ່ອນງົບປະມານ ໃນການຊື້ພາຫະນະອັນໃໝ່ມາປ່ຽນແທນ.
    ດ້ານການກໍ່ສ້າງພະລາທິການ ກໍ່ມີການປັບປຸງແກ້ໄຂດ້ານຊີວິດການເປັນຢູ່ໃຫ້ມີລະດັບດີຂຶ້ນໂດຍເອົາການພັດທະນາກົມກອງ
ຕາມທິດທາງເພິ່ງຕົນເອງກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ ກ້າວຂຶ້ນກຸ້ມຕົນເອງຮອບດ້ານ ໂດຍສະເພາະດ້ານສະບຽງ ອາຫານ ແລະ ການປັບປຸງພື້ນຖານໂຄງລ່າງ ຕ່າງໆ, ຖ້າທຽບໃສ່ໄລຍະກ່ອນ ແຕ່ລະກົມກອງມີອັນຫັນປ່ຽນຢ່າງຕັ້ງໜ້າ, ຈາກອັນເກົ່າເປັນ ອັນໃໝ່, ຈາກອັນບໍ່ມີໃນເມື່ອກ່ອນມາດຽວນີ້ ແຕ່ລະກົມກອງໄດ້ມີການພັດທະນາ ໄດ້ສູ້ຊົນສຳເລັດໃນຫຼາຍດ້ານເຊັ່ນ: ການປັບປຸງສະຖານ
ຄ້າຍຄູ ແລະ ທີ່ຢູ່ອາໄສຕ່າງໆ ມີການປົວແປງ ແລະ ປຸກສ້າງຂຶ້ນຕື່ມໃຫ້ມີຄວາມເປັນລະບຽບຮຽບຮ້ອຍຄົບຊຸດ.    
          ວຽກງານເພີ່ມພູນຜະລິດຜົນສ້າງແຫຼ່ງ ລາຍຮັບແກ້ໄຂຊີວິດການເປັນຢູ່ຂອງກົມກອງກໍ່ມີການປັບປຸງໃຫ້ດີຂຶ້ນເປັນກ້າວໆ ເປັນຕົ້ນ
ແມ່ນວຽກງານຄຸ້ມຄອງລ້ຽງດູກຳລັງຮັບປະກັນໃຫ້ແກ່ນາຍ ແລະ ພົນທະຫານ ກິນອີ່ມນຸ່ງອຸ່ນ ແລະ ມີກຳລັງວັງຊາເຮັດວຽກງານສຳເລັດໜ້າ ທີ່, ແຕ່ລະກົມກອງໄດ້ມີແຜນການຈັດຕັ້ງປະຕິບັດວຽກງານດັ່ງກ່າວ ສຸມທຸກກຳລັງເຂົ້າໃນການເພີ່ມພູນຜະລິດຜົນ 4 ປູກ 4 ລ້ຽງຢ່າງແຂງແຮງ ຈົນສາມາດກຸ້ມຕົນເອງໃນດ້ານສະບຽງອາ ຫານເຊັ່ນ: ເຂົ້າ, ຊີ້ນ, ປາອາຫານພຽງພໍ ແລະເຫຼືອກິນອອກຈຳໜ່າຍເປັນລາຍຮັບໃຫ້ແກ່ກົມ ກອງຫຼາຍຂຶ້ນ, ລວມຍອດຜະລິດຕະພັນໄດ້ ຈາກການເພີ່ມພູນຜະລິດຜົນປູກຝັງລ້ຽງສັດຕ່າງໆ ຜ່ານມາ, ຜະລິດເຂົ້າ ແລະ ທາດແປ້ງໄດ້ 12.701 ກິໂລ, ປູກພືດຜັກກິນໝາກກິນໃບ ທຸກຊະນິດ 23.300 ກິໂລ, ປູກຕົ້ນໄມ້ອຸດສາ ຫະກຳ 505.300 ຕົ້ນ, ລ້ຽງສັດປີກທຸກປະເພດ 12.292 ໂຕ, ລ້ຽງໝູ, ແບ້, ງົວ, ຄວາຍ 363 ໂຕ, ລວມຍອດລາຍຮັບທັງໝົດ 3.814.903.410 ກີບ ທຽບໃສ່ໄລຍະ10 ປີຜ່ານມາ ເພີ່ມຂຶ້ນ 72%.
    ຜ່ານການປັບປຸງກໍ່ສ້າງກຳລັງໄດ້ຢັ້ງ ຢືນໃຫ້ເຫັນວ່າພະນັກງານ-ນັກຮົບເຫຼົ່າຮົບລົດຕັງ-ຍານເກາະຮັກສາໄດ້ມູນເຊື້ອອັນສະຫງ່າ ງາມຂອງກອງທັບໄວ້ຢ່າງໝັ້ນຄົງ ເປັນຕົ້ນ ແມ່ນມູນເຊື້ອແຫ່ງການຕໍ່ສູ້ບໍຍອມຈຳນົນ,ມູນເຊື້ອສາມັກຄີເປັນປຶກແຜ່ນ ແລະ ມູນເຊື້ອດຸ
ໝັ່ນຂະຫຍັນພຽນໃນການອອກແຮງງານເພີ່ມພູນຄູນສ້າງຢູ່ຕະຫຼອດເວລາ,ສົມແລ້ວທີ່ການຈັດຕັ້ງພັກ-ລັດຂັ້ນເທິງ ໄດ້ໃຫ້ການຍ້ອງຍໍສັນລະເສີນເຫຼົ່າຮົບລົດຕັງ-ຍານເກາະ ແລະພ້ອມ ທັງມອບຫຼຽນໄຊ ແລະ ໃບຍ້ອງຍໍຕ່າງໆໃຫ້ແກ່
ພະນັກງານ-ນັກຮົບເປັນຈຳນວນຫຼວງຫຼາຍ ແລະ  ຜົນງານດັ່ງກ່າວນັ້ນ ໄດ້ຈາລຶກໄວ້ໃນປຶ້ມປະຫວັດສາດຂອງ ກອງທັບຕະຫຼອດໄປ. ❖