ສະເຫຼີມສະຫຼອງວັນສ້າງຕັ້ງກອງ ກ 1 ຄົບຮອບ 30 ປີ ຢ່າງຍິ່ງໃຫຍ່

ວັນທີ 12/2/2015, ກອງ ກ 1 ຈັດຕັ້ງພິທີສະເຫຼີມສະຫຼອງວັນສ້າງຕັ້ງ ຄົບຮອບ 30 ປີ ຢ່າງຍິ່ງໃຫຍ່ (12/2/1985-12/2/2015) ໂດຍເປັນກຽດເຂົ້າຮ່ວມ ສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີວ່າ ການະຊວງການຕ່າງປະເທດ,  ມີສະຫາຍ ພົນໂທ ແສງນວນ ໄຊຍະລາດ ເລຂາທິການສູນກາງພັກ ລັດຖະມົນຕີວ່າການກະຊວງປ້ອງກັນປະເທດ, ມີບັນດາລັດຖະມົນຕີວ່າການ, ເຈົ້າແຂວງ,​ ບັນດາກົມກອງອ້ອມຂ້າງ, ພະນັກງານອາວຸໂສບຳນານ, ຕະຫຼອດຮອດພະນັກງານ-ນັກຮົບ ແລະ ອຳນາດການປົກຄອງ, ພໍ່ແມ່ປະຊາຊົນອ້ອມຂ້າງກົມກອງເຂົ້າຮ່ວມຢ່າງຫຼວງຫຼາຍ.

ໃນພິທີ ສະຫາຍ ພັນເອກ ວົງສອນ ອິນປານພິມ ຫົວໜ້າການເມືອງກອງ ກ 1 ໄດ້ຂຶ້ນກ່າວ ບົດລາຍງານກ່ຽວກັບປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍຕົວຂອງກອງ ກ 1 ໄລຍະ 30 ປີທີ່ຜ່ານມາ, ຊຶ່ງກອງ ກ 1 ໄດ້ສ້າງຕັ້ງຂຶ້ນໃນວັນ ທີ 12 ກຸມພາ 1985 ຢູ່ທີ່ຄ້າຍ ໜອງທາເໜືອ ເມືອງຈັນທະບູລີ ນະຄອນຫຼວງວຽງຈັນ ໂດຍໄດ້ເຕົ້າໂຮມເອົາບັນດາກົມກອງທີ່ເຄີຍມີມູນເຊື້ອສູ້ຮົບພິລະອາດຫານ, ທົນທານ ໜຽວແໜ້ນ ແລະ ມີຜົນງານອັນໂດດເດັ່ນ ໃນການປົກປັກຮັກສາເຂດທີ່ໝັ້ນຊຳເໜືອ ແຂວງຫົວພັນ, ຊຽງຂວາງ, ຫຼວງພະບາງ,​ ວຽງຈັນ ແລະ ບ່ອນອື່ນໆອີກ. ການກຳເນີດເກີດຂຶ້ນຂອງກອງ ກ 1 ເປັນເຫດການການເມືອງທີ່ສາໍຄັນໃນປະຫວັດສາດຂອງຊາດ ແລະ ກອງທັບເປັນຂີດໝາຍສະແດງໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ, ພາຍຫຼັງປະກາດສ້າງຕັ້ງຂຶ້ນແລ້ວ ກອງ ກ 1 ກໍໄດ້ຮັບໜ້າທີ່ອັນໜັກໜ່ວງ ແລະ ມີກຽດສະຫງ່າທີ່ພັກ-ລັດ ແລະ ກະຊວງປ້ອງກັນປະເທດ ກໍຄືປະຊາຊົນມອບໝາຍໃຫ້, ເປັນກຳລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ ແລະ ປະກອບສ່ວນເຂົ້າໃນການ ປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບ ເຮັດ ສຳເລັດໜ້າທີ່ການເມືອງຂອງຕົນເປັນກ້າວໆມາ.

30 ປີ ແຫ່ງການກໍ່ຕັ້ງເຄື່ອນໄຫວເຮັດໜ້າທ່ີການ ເມືອງຂອງກົມກອງທ່ີພັກ-ລັດ, ປະເທດຊາດ ແລະ ປະຊາຊົນມອບໝາຍໃຫ້ນັ້ນໄດ້ປາກົດມີຫົວໜ່ວຍການ ຈັດຕັ້ງກົມກອງ ແລະ ບຸກຄົນພົ້ນເດັ່ນຂຶ້ນຢ່າງຫຼວງຫຼາຍ ເຊ່ິງໄດ້ຮັບການຍ້ອງຍໍສັນລະເສີນຈາກພັກ-ລັດ, ການຈັດຕັ້ງຂັ້ນເທິງຫຼາຍລະດັບຢ່າງສົມກຽດ ໃນນີ້ມີ 13 ຫົວໜ່ວຍກົມກອງໄດ້ຮັບນາມມະຍົດເປັນກອງວິ ລະຊົນ, ມີ 9 ສະຫາຍໄດ້ຮັບນາມມະຍົດເປັນວິລະຊົນແຫ່ງຊາດ, ມີ 26 ສະຫາຍໄດ້ຮັບນາມມະຍົດເປັນ ນັກຮົບແຂ່ງຂັນ, ນອກນີ້ກໍ່ມີບັນດາຫົວໜ່ວຍການຈັດຕັ້ງກົມກອງ ແລະ ບຸກຄົນທ່ີໄດ້ຮັບການຍ້ອງຍໍຫຼຽນ ໄຊປະເພດຕ່າງໆ ແລະ ຫຼຍນກາ ຈໍານວນ 4.438 ໜ່ວຍ, ໃບຍ້ອງຍໍຂັ້ນຕ່າງ ຈໍານວນ 19.480 ໃບ.

ກ່າວຄໍາເຫັນຕໍ່ງານໂຮມຊຸມນຸມໃຫຍ່, ສະຫາຍ ພົນໂທ ແສງນວນ ໄຊຍະລາດ ໄດ້ຕາງນ້າໃຫ້ ການນໍາພັກ-ລັດ ກະຊວງປ້ອງກັນປະເທດ ສັນລະເສີນຢ່າງສຸດໃຈ. ຜົນງານໄຊຊະນະ ແລະ ມູນເຊື້ອຂອງ ກົມກອງທ່ີສ້າງມາໄດ້ຕະຫຼອດໄລຍະ 30 ປີຜ່ານມາ ບາງຕອນສະຫາຍໄດ້ເນັ້ນວ່າ: ຕະຫຼອດ 30 ປີ ແຫ່ງ ການສ້າງ6ັ້ງເຄື່ອນໄຫວສູ້ຮົບ ແລະ ປັບປຸງກໍ່ສ້າງກໍາລັງຂອງກົມກອງ ເຖິ່ງແມ່ນຈະນອນຢູ່ໃນສະພາບ ເງື່ອນໄຂທ່ີຫຍ້ງຍາກສັບສົນ ເຕັມໄປດ້ວຍການທົດສອບອັນລະອິດລະອ້ຽວ ແລະ ທຸລະກັນດານປານໃດກໍ່ ຕາມ, ພາຍໃຕ້ຮ່ົມທຸງໄຊຂອງພັກ ແລະ ການຕິດແທດຊ້ີນໍາເປັນປະຈໍາແທດເຖິງຈາກຄະນະພັກກະຊວງ ປ້ອງກັນປະເທດນັ້ນ, ກົມກອງໄດ້ສ້າງຄວາມຕັດສິນໃນຜ່ານຜ່າດ້ວຍນໍ້າໃຈສູ້ຮົບ ພິລະອາດຫານ, ດຸໝັ່ນ ອອກແຮງງານເຮັດສໍາເລັດພາລະກໍາປະຫວັດສາດອັນໃຫຍ໋ລວງທ່ີພັກ-ລັດ, ປະເທດຊາດ ແລະ ປະຊາຊົນ ມອບໝາຍໃຫ້ຢ່າງສະຫງ່າງາມ ສົມແລ້ວທ່ີເປັນກົມກອງຍຸດທະສາດໝາຍເລກ 1 ຂອງກອງທັບປະຊາຊົນ ລາວອັນແທ້ຈິງ.

ໂອກາດອັນສະຫງ່າລາສີນີ້, ຄະນະນໍາກອງ “ກ 1” ຍັງໄດ້ຈັດຕັ້ງຍ້ອງຍໍຜົນງານແກ່ບັນດາຫົວ ໜ່ວຍການຈັດຕັ້ງ, ກົມກອງ ແລະ ບຸກຄົນທ່ີດີເດັ່ນ ມີຜົນງານປະກອບສ່ວນເຂົ້າໃນການເຄື່ອນໄຫວເຮັດ ໜ້າທ່ີ ແລະ ປັບປຸງກໍ່ສ້າງກົມກອງຕະຫຼອດໄລຍະຜ່ານມາຢ່າງສົມກຽດ ຈາກນັ້ນບັນດາແຂກຂັ້ນເທິງ, ແຂກທ່ີຖືກເຊີນຈາກບັນດາພາກສ່ວນຕ່າງໆ ແລະ ມວນຊົນອ້ອມຂ້າງເຂົ້າຮ່ວມງານໂຮມຊຸມນຸມໃຫຍ່ກໍ່ໄດ້ ຮັບຊົມການວນສະໜາມ ສະແດງກໍາລັງຈາກກ້ອນພາກສ່ວນຕ່າງໆໃນທ່ົວກົມກອງ ສະແດງເຖິງຄວາມ ເຕີມໃຫຍ່ເຂັ້ມແຂງ, ຄວາມລະບຽບວິໄນເຂັ້ມງວມຂອງກົມກອງ ບົນຍ່ານທາງ 30 ປີ, ຊົມການສະແດງ ກິດຈະກໍາຫັດແອບມວຍປ້ອງກັນຕົວ, ຊົມການໂດດຈ້ອງຈາກນັກກິລາໂດດຈ້ອງຂອງກອງ “ຂ 703” ຊົມ ການສະແດງຍິງປືນຍຸດທະວິທີບາງປະເພດ, ຊົມການຍິງບັ້ງໄຟດອກ ແລະ ຊົມການສະແດງສິລະປະວັນ ນະຄະດີ ແລະ ມ່ວນຊື່ນແບບມວນຊົນ ສ້າງບັນຍາການຟົດຟື້ນສະເຫຼີມສະຫຼອງວັນສ້າງຕັ້ງກົມກອງ ຄົບຮອບ 30 ປີຢ່າງຍິ່ງໃຫຍ່.