68 ປີ, ກອງທັບປະຊາຊົນລາວ ເຕີບໃຫຍ່ເຂັ້ມແຂງ ເປັນກໍາລັງ ຫຼັກແຫຼ່ງປົກປັກຮັກສາໝາກ ຜົນຂອງການປະຕິວັດ

ຜ່ານຂະບວນວິວັດອັນຍືດເຍື້ອຍາວນານຕໍ່ສູ້ປົດປ່ອຍຊາດແຕ່ລະໄລຍະທີ່ລະອິດລະອ້ຽວ, ດຸເດືອດ,ຂ້ຽວຂາດ ແຕ່ມີໄຊຊະນະເລື້ອຍໆມາ, ກອງທັບປະຊາຊົນລາວ ຍິ່ງຕໍ່ສູ້ກໍ່ຍິ່ງມີບົດຮຽນ ແລະ ນັບມື້
ເຕີບໃຫຍ່ເຂັ້ມແຂງກ້າວຂຶ້ນເລື້ອຍໆ, ເມື່ອກ້າວມາເຖິງວັນຄົບຮອບ 68 ປີ ແຫ່ງວັນສ້າງຕັ້ງກອງທັບປະຊາຊົນລາວ ປີ 2016, ເປັນໄລຍະທີ່ພັກປະຊາຊົນປະຕິວັດລາວ ນໍາພາປວງຊົນລາວກ້າວສູ່ຄວາມ
ຈະເລີນຮຸ່ງເຮືອງ ໄດ້ສ້າງໜ້າປະຫວັດສາດຂອງຊາດລາວມີໂສມໜ້າໃໝ່, ເປັນປີທີ່ມີຫຼາຍເຫດການເດັ່ນຢູ່ ສປປ ລາວ ເປັນຕົ້ນແມ່ນກອງປະຊຸມໃຫຍ່ ຄັ້ງທີ X ຂອງພັກ, ການເລືອກຕັ້ງສະມາຊິກສະພາແຫ່ງຊາດ ຊຸດທີ 8, ກອງປະຊຸມລັດຖະມົນຕີປ້ອງກັນປະເທດອາຊຽນ, ກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມປິ່ນອ້ອມອື່ນໆ ທີ່ ສປປ ລາວ ເປັນເຈົ້າພາບ ໄດ້ມີຜົນສໍາເລັດຢ່າງສະຫງ່າງາມ. ທັ້ງໝົດນັ້ນ, ກອງທັບປະຊາຊົນລາວ ໄດ້ປະກອບສ່ວນ ແລະ ເປັນເຈົ້າການເສີມຂະຫຍາຍບົດບາດເປັນກໍາລັງຫຼັກແຫຼ່ງໃນການປະຕິບັດໜ້າທີ່ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ໄດ້ຕັ້ງໜ້າປັບປຸງກໍ່ສ້າງຕົນເອງໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ,ຕັ້ງໜ້າອົບຮົມຫັດແອບກຽມພ້ອມສູ້ຮົບ, ມີລະບຽບວິໄນເຂັ້ມງວດ, ຕັ້ງໜ້າແກ້ໄຂຊີວິດການເປັນຢູ່ໃຫ້ດີຂຶ້ນ, ເຂົ້າຮ່ວມການ
ຫັນລົງກໍ່ສ້າງຮາກຖານ-ພັດທະນາຊົນນະບົດ ແລະ ເປັນເຈົ້າການປະຕິບັດການຮ່ວມມືກັບຕ່າງປະເທດ ຕາມແນວທາງຂອງພັກ.ກ່ອນໜ້ານີ້, 68 ປີ ຄືວັນທີ 20 ມັງກອນ 1949, ເພື່ອຕອບສະໜອງກັບຄວາມຮຽກຮ້ອງຕ້ອງການຂອງພາລະກິດຕໍ່ສູ້ກູ້ຊາດ,
ຢູ່ເຂດທີ່ໝັ້ນຖໍ້າແມ ຂອງຕາແສງລາວຮຸ່ງ, ເມືອງຊຽງຄໍ້ ແຂວງຫົວພັນ ກອງທັບລາວອິດສະຫຼະໄດ້ຮັບການສ້າງຕັ້ງຂຶ້ນ. ໂດຍແມ່ນປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງ, ທັງເປັນຜູ້ນໍາພາ ແລະ ບັນຊາໂດຍກົງ. ນັ້ນເປັນວັນເຕົ້າໂຮມບັນ
ດາກອງປະກອບອາວຸດ ທີ່ໄດ້ສ້າງຕັ້ງຂຶ້ນຢູ່ໃນບໍລິເວນຕ່າງໆໃນທົ່ວປະເທດ ເຂົ້າເປັນກອງກໍາລັງອັນໜຶ່ງອັນດຽວ ໂດຍມີພັກນໍາພາ ແລະ ເປັນຂີດໝາຍໃໝ່ທີ່ຢັ້ງຢືນເຖິງການເຕີຍໃຫຍ່ຂະຫຍາຍຕົວຂອງກໍາລັງປະກອບອາວຸດປະຕິວັດ.
ພໍແຕ່ໄດ້ສ້າງຕັ້ງຂຶ້ນ, ກອງທັບປະຊາຊົນລາວກໍ່ໄດ້ປະເຊີນໜ້າໂດຍກົງກັບສັດຕູທີ່ມີກໍາລັງແຮງເໜືອກວ່າຕັ້ງຫຼາຍເທົ່າທາງດ້ານເສດຖະກິດ, ດ້ານກໍາລັງພົນ ແລະ ອາວຸດຍຸດໂທປະກອນ, ແຕ່ດ້ວຍການເສີມຂະຫຍາຍນໍ້າໃຈຮັກຊາດອັນດູດດື່ມ ແລະ
ການສືບທອດມູນເຊື້ອຕໍ່ສູ້ບໍ່ຍອມຈໍານົນຂອງບັນພະບູລຸດ ແລະ ຂອງປະຊາຊົນ. ໂດຍຜ່ານການຝຶກຝົນທົດສອບໃນແປວໄຟແຫ່ງການຕໍ່ສູ້ກູ້ຊາດ ໃນເງື່ອນໄຂທີ່ຫຍຸ້ງຍາກລໍາບາກທີ່ສຸດນັ້ນ, ກອງທັບປະຊາຊົນລາວໄດ້ສ້າງວິລະກໍາອັນລໍ້າເລີດຈາລຶກ
ໄວ້ໃນໜ້າຄໍາປະຫວັດສາດຂອງກອງທັບ ແລະ ຂອງຊາດລາວຕະຫຼອດມາ. ຈາກກອງໂຄສະນາປະກອບອາວຸດທີ່ສ້າງຕັ້ງຂຶ້ນໃນທ້ອງຖິ່ນຕ່າງໆ ແລະ ມີອາວຸດຍຸດໂທປະກອນທີ່ປະຖົມປະຖານ, ກອງທັບປະຊາຊົນລາວໄດ້ເຕີບໃຫຍ່ຂະຫຍາຍຕົວຢ່າງ
ວ່ອງໄວ ທັງດ້ານປະລິມານ ແລະ ຄຸນນະພາບ, ກາຍເປັນກອງທັບປະຕິວັດທີ່ມີບັນດາກົມກອງເຫຼົ່າຮົບ, ໄດ້ພ້ອມກັບປະຊາຊົນລາວຜູ້ຮັກຊາດ ສູ້ຮົບເດັດດ່ຽວພິລະອາດຫານ, ຍິ່ງສູ້ຮົບກໍ່ຍິ່ງເຕີບໃຫຍ່ເຂັ້ມແຂງ, ຍິ່ງຕີກໍ່ຍິ່ງອົງອາດກ້າແກ່ນ ແລະ ຍາດ
ໄດ້ໄຊຊະນະອັນໃຫຍ່ຫຼວງຂຶ້ນເລື້ອຍໆ, ຄຽງຄູ່ກັບການຂົນຂວາຍມະຫາຊົນກໍ່ສ້າງຮາກຖານການເມືອງ ແລະ ເພີ່ມພູນຜະລິດຜົນແກ້ໄຂຊີວິດການເປັນຢູ່. ພາຍໃຕ້ການນໍາພາ ເດັດຂາດ, ໂດຍກົງ ແລະ ຮອບດ້ານຂອງພັກປະຊາຊົນປະຕິວັດລາວ ກອງ
ທັບປະຊາຊົນລາວໄດ້ປະກອບສ່ວນຢ່າງໃຫຍ່ຫຼວງເຂົ້າໃນໄຊຊະນະລວມຂອງພາລະກິດຕໍ່ສູ້ ເພື່ອຄວາມເປັນເອກະລາດຂອງປະເທດຊາດ, ເພື່ອອິດສະຫຼະພາບ ແລະ ຄວາມຢູ່ເຢັນເປັນສຸກຂອງປະຊາຊົນບັນດາເຜົ່າ ໄດ້ເຮັດສໍາເລັດພາລະກໍາປະ
ຫວັດສາດ ທີ່ພັກ ແລະ ປະຊາຊົນມອບໝາຍໃຫ້, ນັ້ນກໍ່ຄືຕີເອົາຊະນະກັບສັດຕູຜູ້ຮຸກຮານ, ປົດປ່ອຍປະເທດຊາດຢ່າງສົມບູນແລະ ສະຖາປະນາ ສປປ ລາວ ຂຶ້ນໃນວັນທີ 2 ທັນວາ ປີ 1975 ຢ່າງສະຫງ່່າຜ່າເຜີຍ.
ພາຍຫຼັງປະເທດຊາດປະເທດຊາດໄດ້ຮັບການປົດປ່ອຍ, ໂດຍກໍາແໜ້ນ 2 ໜ້າທີ່ຍຸດທະສາດຂອງພັກຄື: ປົກປັກຮັກສາແລະ ສ້າງສາປະເທດຊາດ. ກອງທັບປະຊາຊົນລາວໄດ້ເສີມຂະຫຍາຍທາດແທ້ ແລະ ມູນເຊື້ອຂອງຕົນ, ອອກແຮງປັບປຸງກໍ່
ສ້າງລະບົບປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຍາມໃດກໍ່ໄດ້ເຊີດຊູສະຕິລະວັງຕົວ, ຝຶກແອບຮໍ່າຮຽນ, ກຽມພ້ອມສູ້ຮົບເປັນກໍາລັງຫຼັກແຫຼ່ງ ສະກັດກັ້ນ ແລະ ທັບມ້າງທຸກກົນອຸບາຍຂອງພວກອິດທິກໍາລັງປໍລະປັກທີ່ຫວັງມ້າງ
ເພທໍາລາຍ ເກາະຜິດດ້ວຍອາວຸດບຽດຢຶດຊາຍແດນເບື້ອງຕາເວັນຕົກຂອງປະເທດຊາດໄດ້ຢ່າງທັນການ, ດ້ວຍນໍ້າໃຈພິລະອາດຫານເດັດດ່ຽວມີໄຊ, ປົກປັກຮັກສາເອກະລາດ, ອໍານາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ
ໄວ້ໄດ້ຢ່າງໝັ້ນຄົງ, ຮັບປະກັນສະຖຽນລະພາບ ແລະ ຄວາມສະຫງົບທາງດ້ານການເມືອງໄວ້ໄດ້ຢ່າງໜັກແໜ້ນ, ປະກອບສ່ວນຢ່າງໃຫຍ່ຫຼວງເຂົ້າໃນການພັດທະນາເສດຖະກິດ-ສັງຄົມຂອງຊາດຢ່າງສົມກຽດ.
ຜົນງານ ແລະ ໄຊຊະນະອັນໃຫຍ່ຫຼວງເປັນປະຫວັດສາດຂອງກອງທັບ ທີ່ຍາດມາໄດ້ໃນໄລຍະ 68 ປີ ທີ່ຜ່ານມານັ້ນ, ກ່ອນອື່ນໝົດ ແມ່ນໄດ້ມາຈາກການນໍາພາອັນຖືກຕ້ອງສະຫຼາດສ່ອງໃສຂອງພັກປະຊາຊົນປະຕິວັດລາວ; ພັກເປັນຜູ້ສ້າງຕັ້ງນໍາພາ
ແລະ ສຶກສາອົບຮົມ, ພັກໄດ້ວາງແນວທາງລວມ ແລະ ແນວທາງການທະຫານຢ່າງປະດິດສ້າງ ແທດເໝາະກັບສະພາບການແຕ່ລະໄລຍະ, ໄດ້ວາງຍຸດທະສາດການຕໍ່ສູ້ທີ່ຖືກຕ້ອງ ແລະ ຍຸດໂທບາຍທີ່ຄ່ອງແຄ້ວ, ມີໄຫວພິບ, ໄດ້ນໍາໃຊ້ ແລະ ສົມທົບບັນ
ດາຮູບການຕໍ່ສູ້ຢ່າງຊໍານິຊໍານານ, ເສີມຂະຫຍາຍທຸກກໍາລັງແຮງບົ່ມຊ້ອນພາຍໃນປະເທດ ໂດຍສົມທົບຢ່າງແໜ້ນແຟ້ນກັບກໍາລັງແຮງຂອງຍຸກສະໄໝ, ຮ່ວມສໍາພັນສູ້ຮົບກັບກອງທັບ ແລະ ປະຊາຊົນຫວຽດນາມອ້າຍນ້ອງ ຍາດແຍ່ງເອົາການສະໜັບສະ
ໜູນຈາກເພື່ອນມິດ ແລະ ບັນດາກໍາລັງທີ່ກ້າວໜ້າໃນທົ່ວໂລກ. ເຖິງວ່າສະພາບການຫັນປ່ຽນໄປໃນທິດທາງໃດກໍ່ຕາມ, ກອງທັບປະຊາຊົນລາວ ພ້ອມກັບປະຊາຊົນລາວທຸກເຜົ່າດໍາເນີນການຕໍ່ສູ້ຢ່າງອົງອາດກ້າຫານ, ທົນທານໜຽວແໜ້ນ ແລະ ບໍ່ຍອມ
ຈໍານົນ ເຮັດໃຫ້ການປະຕິວັດລາວໄດ້ຮັບໄຊຊະນະອັນສະຫງ່າງາມຕະຫຼອດມາ. ຕະຫຼອດໄລຍະແຫ່ງການກໍາເນີດ, ເຕີບໃຫຍ່ເຂັ້ມແຂງ, ສູ້ຮົບມີໄຊ ແລະ ການທົດສອບໃນແປວໄຟສົງຄາມອັນດຸເດືອດຂ້ຽວຂາດ, ເຕັມໄປດ້ວຍການເສຍສະຫຼະນັ້ນ, ບໍ່ວ່າ
ສະໜາມຮົບໃດໃນສະໄໝສົງຄາມຕໍ່ສູ້ກັບພວກລ່າເມືອງຂຶ້ນແບບເກົ່າ ແລະ ໃໝ່ຢູ່ບົນແຜ່ນດິນລາວຂອງພວກເຮົາກໍ່ລ້ວນແຕ່ມີການປະກອບສ່ວນຢ່າງໝົດຈິດໝົດໃຈ ແລະ ບໍ່ຄິດໄລ່ຄ່າຕອບແທນໃດໆ ຂອງພະນັກງານ-ນັກຮົບທະຫານອາສາສະໝັກ
ຫວຽດນາມ ແລະ ຊ່ຽວຊານຫວຽດນາມ, ເປັນຕົ້ນກໍ່ແມ່ນ: ບັ້ນຮົບປົດປ່ອຍແຂວງຫົວພັນ, ບັ້ນຮົບປົດປ່ອຍແຂວງຫຼວງນໍ້າທາ,ບັ້ນຮົບປົດປ່ອຍນໍ້າບາກ, ບັ້ນຮົບຜາຖີ່, ບັ້ນຮົບກູ້ກຽດ, ບັ້ນຮົບລາມເຊິນ 719 ແລະ ອື່ນໆ, ຕະຫຼອດໄລຍະແຫ່ງການຕໍ່ສູ້ກູ້
ຊາດນັ້ນ, ອາດເວົ້າໄດ້ວ່າທຸກຮ່ອມຫ້ວຍພູເຂົາຂອງດິນແດນປະເທດລາວ ລ້ວນແຕ່ມີຮອຍຕີນຂອງພະນັກງານ-ນັກຮົບ ທະຫານອາສາສະໝັກ ແລະ ຊ່ຽວຊານຫວຽດນາມໄດ້ຄຽງບ່າຄຽງໄຫຼ່ກັບນັກຮົບປົດປ່ອຍລາວ ເພື່ອພາລະກິດຕໍ່ສູ້ປົດປ່ອຍຊາດ
ຂອງປະຊາຊົນລາວ ຈົນກາຍມາເປັນມໍລະດົກທີ່ລໍ້າຄ່າສໍາລັບ 2 ຊາດ 2 ກອງທັບ ລາວ ແລະ ຫວຽດນາມ. ຜ່ານໄລຍະປະຫວັດສາດຂອງຕົນ ກອງທັບປະຊາຊົນລາວໄດ້ມີມູນເຊື້ອທີ່ສະຫງ່າງາມຂອງຕົນ ມັນກໍ່ຄືມູນເຊື້ອຄວາມຈົງຮັກ
ພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ ແລະ ອຸດົມການສັງຄົມນິຍົມ; ມູນເຊື້ອຕໍ່ສູ້ພິລະອາດຫານ, ກ້າແກ່ນ ໜຽວແໜ້ນແລະ ມີໄຫວພິບ; ມູນເຊື້ອດຸໝັ່ນຂະຫຍັນພຽນໃນການອອກແຮງງານເພີ່ມພູນຜະລິດຜົນ ແລະ ປະຢັດມັດທະຍັດ; ມູນເຊື້ອ
ຄວາມສາມັກຄີອັນແໜ້ນແຟ້ນກັບປະຊາຊົນບັນດາເຜົ່າ; ມູນເຊື້ອສາມັກຄີກັບກອງທັບກັບປະເທດສັງຄົມນິຍົມອ້າຍນ້ອງແລະ ບັນດາປະເທດເພື່ອນມິດທີ່ກ້າວໜ້າໃນໂລກ, ໂດຍສະເພາະແມ່ນສາມັກຄີຮ່ວມສໍາພັນສູ້ຮົບແບບພິເສດກັບກອງທັບ
ປະຊາຊົນຫວຽດນາມອ້າຍນ້ອງ.ເພື່ອຕອບສະໜອງກັບຄວາມຮຽກຮ້ອງຕ້ອງການຂອງສະພາບການ ແລະ ໜ້າທີ່ການເມືອງໃນໄລຍະໃໝ່ ທີ່ພັກ-ລັດ ແລະປະຊາຊົນມອບໝາຍໃຫ້, ໜ້າທີ່ໃຫຍ່ຂອງກອງທັບປະຊາຊົນລາວໃນຊຸມປີຕໍ່ໜ້ານີ້ແມ່ນ: 1. ວຽກງານຮັບປະກັນເຮັດໃຫ້ປະເທດຊາດມີຄວາມສະຫງົບ; 2. ວຽກງານກໍ່ສ້າງປັບປຸງກໍາລັງ; 3. ວຽກງານຮັບປະກັນດ້ານພະລາທິການ-ເຕັກນິກ; 4. ວຽກງານພົວພັນ ແລະ ຮ່ວມມືກັບສາກົນ. ສືບຕໍ່ສ້າງກອງທັບປະຊາຊົນລາວໃຫ້ກາຍເປັນກອງທັບປະຕິວັດມີແບບແຜນ ແລະ ທັນສະໄໝ, ເສີມຂະຫຍາຍມູນເຊື້ອທີ່ສະຫງ່າອົງອາດຂອງຕົນ, ບໍ່ຫວັ່ນໄຫວຄອນແຄນຕໍ່ສະພາບການ ແລະ ຂໍ້ຫຍຸ້ງຍາກໃດໆ, ຍາມ
ໃດກໍ່ຍົກສູງສະຕິກຽມພ້ອມຕອບຕ້ານ ແລະ ແກ້ໄຂທຸກກໍລະນີທີ່ແຕະຕ້ອງເຖິງບົດບາດການນຳພາຂອງພັກ, ເຖິງຄວາມເປັນເອກະລາດ, ອຳນາດອະທິປະໄຕຂອງ ຊາດ ແລະ ຜົນປະໂຫຍດຂອງປະຊາຊົນ, ຕັ້ງໜ້າອົບຮົມຫັດແອບຍົກລະດັບຍຸດທະ
ສິນໃຫ້ມີຄວາມຊໍານິຊໍານານ, ຍົກລະດັບຄວາມຮູ້ດ້ານທິດສະດີ ແລະ ວິທະຍາສາດເຕັກນິກ ໃຫ້ທຽບທັນກັບການຂະຫຍາຍຕົວຂອງຍຸກສະໄໝ, ເຊີດຊູນໍ້າໃຈ “ກຸ້ມຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ແລະ ປະຢັດມັດທະຍັດ”
ຊອກທຸກວິທີການ ເຮັດໃຫ້ຊີວິດການເປັນຢູ່ຂອງກອງທັບໃຫ້ນັບມື້ດີຂຶ້ນ.ກອງທັບປະຊາຊົນລາວ, ຍາມໃດກໍ່ຕ້ອງຮັບປະກັນຄວາມຕັ້ງຕໍ່ບໍລິສຸດ, ຈົງຮັກພັກດີຢ່າງສຸດຊຶ້ງຕໍ່ພັກ, ຕໍ່ປະເທດຊາດ ແລະ ຕໍ່
ລະບອບປະຊາທິປະໄຕປະຊາຊົນ, ປະຕິບັດຕາມຄໍາສັ່ງສອນຂອງບັນດາຜູ້ນໍາຂອງພັກຢູ່ສະເໝີ “ຍາກປານໃດກໍ່ຈະບຸກ, ທຸກປານໃດກໍ່ຜ່ານຜ່າ, ເຖິງຈະເສຍສະຫຼະກໍ່ບໍ່ຢ້ານບໍ່ກົວ” ພ້ອມແລ້ວທີ່ຈະເສຍສະຫຼະ ເພື່ອປົກປ້ອງຄວາມເປັນເອກະລາດ, ອຳ
ນາດອະທິປະໄຕ ແລະ ລະບອບໃໝ່ໄວ້ຢ່າງໝັ້ນຄົງ, ຮັບປະກັນໃຫ້ພັກນໍາພາກອງທັບເດັດຂາດ, ໂດຍກົງ ແລະ ຮອບດ້ານ,ສູ້ຊົນສ້າງກອງຮາກຖານເຂັ້ມແຂງ-ໜ່ວຍພັກຮູ້ນຳພາຮອບດ້ານ, ສ້າງກອງປອດໃສ, ປອດໄພ, ປອດຄະດີ ແລະ ສ້າງກອງ
ວັດທະນະທໍາ-ນັກຮົບວັດທະນະທໍາ, ສືບຕໍ່ພາລະກິດປ່ຽນແປງໃໝ່, ບູລະນະລະບອບປະຊາທິປະໄຕປະຊາຊົນ ຕາມຈຸດໝາຍສັງຄົມນິຍົມ, ເພີ່ມທະວີຄວາມສາມັກຄີ ແລະ ການພົວພັນຮ່ວມມືຮອບດ້ານກັບກອງທັບບັນດາປະເທດເພື່ອນມິດຍຸດທະສາດ
ອ້າຍນ້ອງ, ພົວພັນຮ່ວມມືກັບບັນດາປະເທດໃກ້ຄຽງ, ກັບບັນດາປະເທດໃນສະມາຄົມອາຊຽນ ເພື່ອເສີມສ້າງສັນຕິພາບ, ມິດຕະພາບ ແລະ ຄວາມໄວ້ເນື້ອເຊື່ອໃຈເຊິ່ງກັນ  ແລະ ກັນ.
ໃນຊຸມປີຜ່ານມາ ເຖິງແມ່ນວ່າສະພາບການຂອງໂລກ ແລະ ພາກພື້ນຈະສືບຕໍ່ຜັນແປໄປຢ່າງໄວວາມີທັງທ່າອຽງສັນຕິພາບ,ການຮ່ວມມືເພື່ອຄວາມໝັ້ນຄົງ ແລະ ການພັດທະນາທີ່ມີທັງສິ່ງທົດສອບທ້າທາຍ, ບວກກັບອິດທິກໍາລັງຈັກກະພັດ, ອິດທິ
ກໍາລັງປໍລະປັກ ແລະ ພວກກຸ່ມຄົນບໍ່ດີຍັງບໍ່ປະລະ ແລະ ຍັງສືບຕໍ່ຍູ້ແຮງປະຕິບັດຍຸດທະສາດຫັນປ່ຽນໂດຍສັນຕິ ເພື່ອຫວັງມ້າງເພລະບອບໃໝ່ຂອງລາວ. ໂດຍເສີມຂະຫຍາຍມູນເຊື້ອອັນດີງາມ, ກອງທັບປະຊາຊົນລາວໄດ້ເປັນກໍາລັງຫຼັກແຫຼ່ງໃນ
ການເຄື່ອນໄຫວປົກປັກຮັກສາປະເທດຊາດ ສາມາດສະກັດກັ້ນ ແລະ ຕີຖອຍກ້າວໜຶ່ງຍຸດທະສາດຫັນປ່ຽນໂດຍສັນຕິຂອງອິດທິກໍາລັງປໍລະປັກ. ກອງທັບໄດ້ຕັ້ງໜ້າຫັນກໍາລັງລົງກໍ່ສ້າງຮາກຖານການເມືອງເປັນຕົ້ນຢູ່ເຂດພູດອຍຊົນເຜົ່າ, ໂດຍຖືເອົາ
ການປ້ອງກັນຊາດ-ປ້ອງກັນຄວາມສະຫງົບຕິດພັນກັບການປົວແປງຊີວິດການເປັນຢູ່ຂອງປະຊາຊົນ ໄດ້ປະກອບສ່ວນສຶກສາອົບຮົມໃຫ້ປະຊາຊົນມີຄວາມຕື່ນຕົວປະຕິບັດແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ, ເຮັດໃຫ້ປະເທດ
ຊາດຢູ່ໃນຄວາມສະຫງົບ ແລະ ມີສະຖຽນລະພາບທາງດ້ານການເມືອງ.ບັນດາກົມກອງເຫຼົ່າຮົບຕ່າງໆ ໃນທົ່ວກອງທັບໄດ້ເອົາໃຈໃສ່ຕໍ່ການເສີມຂະຫຍາຍມູນເຊື້ອສ້າງພະລາທິການກັບທີ່ຂອງຕົນ,
ປະກອບສ່ວນກັບທົ່ວສັງຄົມເພີ່ມພູນຜະລິດຜົນ, ປູກຝັງ, ລ້ຽງສັດ, ຜະລິດສິນຄ້າຮັບໃຊ້ຊີວິດການເປັນຢູ່ຂອງປະຊາຊົນ ກໍ່ຄືການປັບປຸງ ແລະ ຍົກລະດັບຊີວິດການເປັນຢູ່ຂອງນາຍ ແລະ ພົນທະຫານໃຫ້ດີຂຶ້ນເປັນກ້າວໆ.
ໂຄງປະກອບການຈັດຕັ້ງພາຍໃນກອງທັບກໍ່ໄດ້ຮັບການປັບປຸງ, ຄະນະພັກ-ຄະນະບັນຊາທຸກຂັ້ນໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ແນໃສ່ສ້າງພະນັກງານ-ນັກຮົບ ເປັນຜູ້ຈົງຮັກພັກດີຕໍ່ຊາດ ແລະ ຕໍ່ປະຊາຊົນ, ເດັດດ່ຽວຕໍ່ສູ້
ຕ້ານສັດຕູຂອງຊາດ, ຂອງການປະຕິວັດ ແລະ ເດັດຂາດເຂັ້ມງວດຕໍ່ຕ້ານ ແລະ ສະກັດກັ້ນບັນດາປະກົດການຫຍໍ້ທໍ້ຢູ່ໃນກອງທັບກໍ່ຄືໃນສັງຄົມ, ຕັ້ງໜ້າຝຶກແອບຮໍ່າຮຽນສິລະປະຍຸດ-ຍຸດທະວິທີ, ຍົກສູງການກຽມພ້ອມສູ້ຮົບ ແລະ ກໍາລັງສູ້ຮົບຂອງກອງ
ທະຫານໃຫ້ໜັກແໜ້ນເຂັ້ມແຂງຂຶ້ນເລື້ອຍໆ.