mps.gov.la ວາລະສານປ້ອງກັນຊາດ
ວັນທີ 23-24 ພະຈິກ 2017, ກະຊວງປ້ອງກັນປະເທດຈັດຕັ້ງເຊື່ອມຊຶມມະຕິ 5 ສະໄໝທີ X ຂອງຄະນະບໍລິຫານງານສູນກາງພັກ, ໂດຍການເປັນປະທານຂອງສະຫາຍ ພົນໂທ ວິໄລ ຫຼ້າຄຳຟອງ ເລຂາ ທິການສູນກາງພັກ, ຮອງລັດ ຖະມົນຕີກະຊວງປ້ອງກັນປະ ເທດ, ຫົວໜ້າກົມໃຫຍ່ການເມືອງກອງທັບ, ມີພະນັກງານ-ສະມາຊິກພັກຫຼັກແຫຼ່ງຂັ້ນກະຊວງ ແລະ ກຳລັງຫຼວງ ເຂົ້າຮ່ວມຢ່າງພ້ອມພຽງ.ພົນໂທ ວິໄລ ຫຼ້າຄຳຟອງກ່າວບາງຕອນວ່າ: ການເປີດກອງປະຊຸມໃນຄັ້ງນີແມ່ນສຸດທີ່ມີຄວາມໝາຍຄວາມສຳຄັນ, ຄວາມຈຳເປັນ ພາວະວິໄສ ເພື່ອເຮັດໃຫ້ຄະນະພັກ-ຄະນະບັນຊາ, ພະນັກງານ-ສະມາຊິກພັກ ແລະ ນັກຮົບທຸກຄົນໄດ້ເຂົ້າຮ່ວມຄົ້ນຄວ້າເຊື່ອມຊຶມ, ກຳແໜ້ນ ແລະ ເອກະພາບຕໍບັນດາເນື້ອໃນຈິດໃຈ ເປັນ ເຈົ້າການຜັນຂະຫຍາຍຈັດຕັ້ງປະຕິບັດວຽກງານອັນລະອຽດຂອງອົງຄະນະພັກແຕ່ລະຂັ້ນຍົກສູງ ຄວາມເປັນເຈົ້ການໃນການຈັດຕັ້ງນຳພາ-ບັນຊາຂອງພັກຕໍ່ອົງການ ແລະ ທັງເປັນການຍົກສູງຫຼັກໝັ້ນ ການເມືອງນຳພາແນວຄິດຂອງພະນັກງານ-ສະມາຊິກພັກຫຼັກ ແຫຼ່ງຂັ້ນກະຊວງ ລວມທັງກຳ ລັງຫຼວງ ແລະ ກຳລັງທ້ອງຖິ່ນໃຫ້ເກີດຜົນຕົວຈິງ.ບັນດາສະຫາຍຈົ່ງຍົກສູງຄວາມຮັບຜິດຊອບ, ເອົາໃຈໃສ່ການຄົ້ນຄວ້າເຊື່ອມຊືມ ແລະ ກໍາໄດ້ບັນດາເນື້ອໃນຈິດໃຈຂອງມະຕິດັ່ງກ່າວ ເພື່ອນຳໄປຈັດຕັ້ງຜັນຂະຫຍາຍຢູ່ອົງ ການ, ກົມກອງຂອງຕົນໃຫ້ມີປະສິດທິຜົນ, ຟົດຟື້ນແຂງແຮງຕໍ່ເນື່ອງ ແລະ ເຂົ້າສູ່ລວງເລິກໃນການປັບປຸງລະບົບການຈັດຕັ້ງ, ແບບແຜນວິທີເຮັດວຽກ, ແບບແຜນການດຳລົງຊິວິດ ແລະ ແກ້ ໄຂປາກົດການຫຍໍ້ທໍ້ຕ່າງໆ ໃນ ຖັນແຖວພະນັກງານ-ນັກຮົບໃຫ້ດີຂື້ນ.
