mps.gov.la ວາລະສານປ້ອງກັນຊາດ
ສະຫຼຸບຖອດຖອນບົດຮຽນວຽກງານສື່ມວນຊົນກອງທັບປະຈຳປີ 2017
ວັນທີ 27 ທັນວາ 2017, ກົມໂຄສະນາອົບຮົມກົມໃຫຍ່ການເມືອງກອງທັບໄດ້ຈັດກອງ ປະຊຸມສະຫລຸບຖອດຖອນບົດຮຽນວຽກງານສື່ມວນຊົນໃນກອງທັບປະຈຳປີ 2017 ແລະ
ວາງທິດທາງແຜນການ ປີ 2018 ທີ່ຫ້ອງປະຊຸມກອງວາລະສານປ້ອງກັນຊາດ ໂດຍການເປັນປະທານຂອງ ທ່ານ ພົນຕີ ສອນທອງ ພົມລາວົງ ກຳມະການຄະນະພັກກະຊວງປ້ອງກັນປະເທດ, ຮອງຫົວຫນ້າກົມໃຫຍ່ການເມືອງກອງທັບ ເຊິ່ງມີບັນດາຫົວຫນ້າກົມ, ຫ້ອງການ, ບັນດາກອງ ແລະ ຄະນະບັນນາທິການ ສື່ມວນຊົນຂະແຫນງການຕ່າງໆພາຍໃນກອງທັບ ແລະ ແຂກຖືກເຊີນເຂົ້າຮ່ມວມ.
ພັນເອກ ປອ ສີພອນ ແກ້ວສະໄໝ ຮອງກົມໂຄສະນາອົບຮົມກົມ ໃຫຍ່ການເມືອງກອງທັບໄດ້ຂຶ້ນ ຜ່ານບົດສະຫລຸບຕີລາຄາສະ ພາບການຈັດຕັ້ງປະຕິບັດວຽກ ງານວິຊາສະເພາະຂອງບັນດາ ອົງການສື່ມວນຊົນໃນກອງທັບ ປະຈຳປີ 2017 ຜ່ານມາ, ຍົກ ໃຫ້ເຫັນດ້ານດີທີ່ຕັ້ງຫນ້າ ແລະ ດ້ານອ່ອນຄົງຄ້າງທີ່ຈະໄດ້ສຸມ ໃສ່ແກ້ໄຂໃນຕໍ່ຫນ້າ ລວມທັງບົດ ຮຽນທີ່ຖອດຖອນໄດ້ ຈາກພຶດຕິກຳຕົວຈິງໃນຜ່ານມາ, ພ້ອມທັງໄດ້ຜ່ານທິດທາງແຜນການ ວຽກງານສື່ມວນຊົນປະຈຳປີ 2018 ແລະ ບັນດາວຽກທີ່ຈະໄດ້ສຸມໃສ່ຈັດຕັ້ງປະຕິບັດໃນຕໍ່ຫນ້າ ເພື່ອເຮັດໃຫ້ວຽກງານສື່ມວນຊົນໃນກອງທັບມີການພັດທະນາທີ່ຕັ້ງຫນ້າແຫຼມຄົມກວ່າເກົ່າ ສອດຄ່ອງກັບແນວທາງນະໂຍບາຍຂອງພັກ-ລັດ, ສົມເປັນກະບອກສຽງຂອງຄະນະພັກ ແລະ ກະຊວງປ້ອງກັນປະເທດ ໃນການໂຄສະນາຂົງເຂດຕ່າງໆ ໂດຍສະເພາະ ແມ່ນດ້ານວຽກງານແນວຄິດ-ວັດທະນະທຳ ແລະ ວຽກງານພັກ-ວຽກງານການເມືອງ, ໃນວະລະດຳເນີນກອງປະຊຸມຍັງໄດ້ຮັບຟັງການປະກອບຄຳຄິດເຫັນເພື່ອປຶກສາຫາລືແລກປ່ຽນບົດຮຽນຍົກໃຫ້ເຫັນບາງບັນຫາທີ່ຍັງຄົງຄ້າງ, ດ້ານທີ່ເປັນບົດຮຽນ ຊອກວິທີການປັບປຸງ ແກ້ໄຂໃນຕໍ່ຫນ້າ ບົນຈິດໃຈສູ້ຊົນ ຫັນເອົາສື່ມວນຊົນຂະແຫນງ ການຕ່າງໆໃຫ້ມີປະສິດທິພາບ ກ້າວຂຶ້ນຕາມທິດຫັນເປັນທັນສະໄໝ ເທື່ອລະກ້າວ.
ໃນກອງປະຊຸມຍັງໄດ້ຮັບຟັງຄຳເຫັນໂອ້ລົມຂອງທ່ານ ພົນຕີ ສອນທອງ ພົມລາວົງ ເຊິ່ງທ່ານ ໄດ້ເນັ້ນຫນັກຫລາຍບັນຫາສຳຄັນເປັນທິດຊີ້ນຳໃຫ້ແກ່ຄະນະພັກ-ຄະນະບັນຊາ, ບັນນາທິ
ການ, ຖັນແຖວນັກຂ່າວ-ນັກຂຽນ ແລະ ພະນັກງານວິຊາສະເພາະເຕັກນິກຕ່າງໆ ໃນຂົງເຂດວຽກງານແນວຄິດ-ວັດທະນະທຳ ເປັນເຈົ້າ ການປັບປຸງພັດທະນາຕົນເອງ ດ້ວຍຈິດໃຈບຸກທະລຸ ເພື່ອຍົກສູງ ບົດບາດຄວາມຮັບຜິດຊອບໜ້າທີ່ການເມືອງຂອງຕົນ, ທີ່ພັກມອບໝາຍ.
