mps.gov.la ວາລະສານປ້ອງກັນຊາດ
ໃນວັນທີ 18 ມັງກອນ 2018, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 69 ປີ, ທ່ານ ທອງລຸນ ສີສຸລິດ ກໍາມະການກົມການເມືອງສູນກາງພັກ,ນາຍົກລັດຖະມົນຕີແຫ່ງ ສປປ ລາວ ເຊິ່ງມີທ່ານ ພົນຕີ ສອນ ທອງ ພົມລາວົງ ກໍາມະການຄະນະປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ,ມີທ່ານເຈົ້າ ແຂວງໆ ວຽງຈັນ, ມີບັນດາທ່ານລັດຖະມົນຕີ, ຮອງລັດຖະມົນ, ບັນດາທ່ານເຈົ້າເມືອງ, ອໍານາດການປົກຄອງບ້ານອ້ອມຂ້າງ, ພະນັກງານຫລັກແຫລ່ງທົ່ວກອງພົນທີ1 ແລະ ພາກສ່ວນຕ່າງໆ.
ໃນເວລາໂອ້ລົມທ່ານ ທອງລຸນ ສີສຸລິດ ກໍາມະການກົມການເມືອງສູນກາງພັກ,ນາຍົກລັດຖະມົນຕີແຫ່ງ ສປປ ລາວ ເນັ້ນໃຫ້ຄະນະພັກ-ຄະນະບັນຊາພະນັກງານຫລັກແຫຼ່ງທົ່ວກອງພົນທີ 1 ແລະ ກົມກອງເພື່ອນອ້ອມຂ້າງສືບຕໍ່ເຝິກຝົນສິລະປະຍຸດ-ຍຸດທະວິທີໃຫ້ ນັບມື້ເຂັ້ມແຂງໄປພ້ອມກັບເຮັດວຽກງານສຶກສາອົບຮົມການເມືອງນໍາພາແນວຄິດ ໃຫ້ພະນັກ ງານ-ນັກຮົບ ໃຫ້ໜັກແໜ້ນເຂັ້ມແຂງເຊີດຊູໄດ້ນໍ້າໃຈຮັກຊາດ, ຮັກບ້ານເກີດເມືອງນອນ, ເສີມຂະຫຍາຍມູນເຊື້ອອັນດີງາມຂອງກອງທັບປະຊາຊົນລາວ ເວົ້າລວມ, ເວົ້າສະເພາະກໍແມ່ນມູນເຊື້ອບົດຮຽນທີ່ ດີຂອງກົມກອງຍາດມາໄດ້ໃນໄລຍະຜ່ານມາ, ພ້ອມນັ້ນກໍຕ້ອງ ເອົາໃຈໃສ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບຫັນລົງກໍ່ສ້າງຮາກຖານ ການເມືອງຕິດພັນກັບວຽກງານ 3 ສ້າງຢ່າງຕໍ່ເນື່ອງ,ສືບຕໍ່ກໍ່ສ້າງ ແລະປັບປຸງຕາໜ່າງປ້ອງກັນ ຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຢູ່ຮາກຖານໃຫ້ເຂັ້ມແຂງ ແລະ ທົ່ວເຖິງ, ເປັນເຈົ້າການໃນການປົກປັກຮັກສາທ້ອງຖິ່ນ, ຕ້ານ ແລະ ສະກັດ ກັ້ນທຸກການເຄື່ອນໄຫວຂອງອິດທິກຳລັງປໍລະປັກ ແລະກຸ່ມຄົນບໍ່ຫວັງດີ, ສືບຕໍ່ເຮັດວຽກງານລ້ຽງດູທັບຕາມທ່າແຮງບົ່ມຊ້ອນຂອງກົມກອງເພື່ອຮັບກັນການກິນຢູ່ຂອງພະນັກງານ-ນັກຮົບ, ໄປພ້ອມກັນນັ້ນກໍຕ້ອງປັບປຸງແບບແຜນວິທີເຮັດວຽກໃຫ້ມີທັດສະນະບຸກ, ມີວິທະຍາສາດ, ແທດຕົວຈິງ ແລະໂປ່ງໃສ, ມີການແບ່ງງານ, ມອບໝາຍຄວາມຮັບຜິດຊອບຢ່າງຈະແຈ້ງ, ສົມທົບແໜ້ນ ລະຫວ່າງບົດບາດຄວາມສາມາດນໍາພາຂອງໝູ່ຄະນະກັບບຸກຄົນໃນຄະນະ, ປັບປຸງລະບອບ ຄຸ້ມຄອງບັນຊາໂດຍຖືເອົາຄຸນະພາບເປັນຕົ້ນຕໍ, ເອົາໃຈໃສ່ຍົກສູງລະດັບວິຊາສະເພາະໃຫ້ພະນັກງານ-ນັກຮົບມີຄວາມສາມາດທາງດ້ານສິລະປະຍຸດ-ຍຸດທະວິທີໃຫ້ສູງຂຶ້ນ.
ໃນໂອກາດມາຢ້ຽມຢາມກອງ ພົນທີ 1 ຄັ້ງນີ້ ທ່ານນາຍົກລັດຖະມົນຕີຍັງໄດ້ນຳເອົາເຄື່ອງໃຊ້ ຫ້ອງການ, ເຄື່ອງກີລາຈໍານວນ ໜຶ່ງ ແລະ ເງິນຈໍານວນ 100 ລ້ານກວ່າກີບ ມາມອບໃຫ້ກອງ ພົນທີ 1 ເພື່ອໄປນໍາໃຊ້ເຂົ້າໃນວຽກງານລວມກົມກອງຂອງຕົນ.
