ວຽກງານວິຊາສະເພາະໂຄສະນາ ມີບົດບາດສຳຄັນໃນສະໜາມຮົບການ ເມືອງນຳພາແນວຄິດ-ວັດທະນະທຳ

29.3.2018. ກອງປະຊຸມສະຫຼຸບຖອດຖອນບົດຮຽນວຽກງານວິຊາສະເພາະໂຄສະນາປີ 2017 ແລະ ທິດທາງວຽກງານປີ 2018  ໃນຂົງເຂດວຽກງານແນວຄິດ-ວັດທະນະທຳ ໄຂຂຶ້ນທີ່ກະຊວງປ້ອງກັນປະເທດ ພາຍໃຕ້ການເປັນປະທານ ແລະໃຫ້ກຽດໂອ້ລົມຂອງ ທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ເຂົ້າຮ່ວມກອງປະຊຸມມີ ທ່ານ ພົນໂທ ວິໄລ ຫຼ້າຄຳຟອງ ເລຂາທິການສູນ

ກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ ມີ 8 ບັນດາກົມກອງເຫຼົ່າຮົບວິຊາສະເພາະໃນອົງການກົມໃຫຍ່ການເມືອງກອງທັບເຂົ້າຮ່ວມຢ່າງພ້ອມພຽງ.

ໃນກອງປະຊຸມ ທ່ານ ພົນຕີ ສອນທອງ ພົມລາວົງ ກຳມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ ໄດ້ຍົກໃຫ້ ເຫັນດ້ານດີ, ດ້ານອ່ອນຂໍ້ຄົງຄ້າງ, ວຽກງານວິຊາສະເພາະໂຄສະນາ ເປັນປັດໄຈພື້ນຖານໃນການພັກດັນ ແລະ ປຸກລະດົມເຮັດໃຫ້ປະຊາຊົນບັນດາເຜົ່າຮູ້ແຈ້ງຕໍ່ແນວທາງປ່ຽນແປງໃໝ່ຂອງພັກເຮົາ, ມີຄວາມສຳຄັນເປັນພາຫະນະອາວຸດອັນແຫຼມຄົມຂອງພັກຕໍ່ສະໜາມຮົບການເມືອງນຳພາແນວຄິດໃນການຕອບຕ້ານຕໍ່ອິດທິກຳລັງປໍລະປັກໃສ່ຮ້າຍປາຍສີຕໍ່ພັກ-ລັດເຮົາ ກໍ່ຄືກອງທັບ. ແຕ່ເຖິງຢ່າງໃດກໍຕາມການເຮັດວຽກງານໂຄສະນາປຸກລະດົມໃນກອງທັບ, ກໍຍັງເປັນລະບົບ ຕໍ່ເນື່ອງ ແລະ ສາມາດຕີລາຄາໄດ້ວ່າພະນັກງານ-ນັກຮົບໃນ ທົ່ວກອງທັບຍັງມີຄວາມຈູບຈ້າວຫ້າວຫັນຟົດຟື້ນປະຕິວັດ, ຈົງຮັກພັກດີຕໍ່ພັກຕໍ່ປະເທດຊາດ ແລະ ປະຊາຊົນບັນດາເຜົ່າຍັງເປັນກຳລັງຫຼັກແຫຼ່ງໃນພາລະກິດປົກປັກຮັກສາປະເທດຊາດ, ທຸກເຫຼົ່າຮົບ, ທຸກກົມກອງຍັງຮັກສາມູນເຊື້ອອັນພິລາດອາດຫານທົນທານໜຽວແໜ້ນຜ່ານຜ່າອຸປະສັກນາໆ ປະການ, ມີສະຕິຕໍ່ ການຈັດຕັ້ງ, ເຄົາລົບລະບຽບວິໄນກອງທັບ ກຽມພ້ອມເຮັດສຳເລັດໜ້າທີ່, ທີ່ຂັ້ນເທິງມອໝາຍໃຫ້.

ໃນໂອກາດນີ້, ທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ໂອ້ລົມບາງຕອນສຳຄັນວ່າ: ພະນັກງານຜູ້ທີ່

ເຮັດວຽກງານການເມືອງແນວຄິດ-ວັດທະນະທຳກອງທັບ ຕ້ອງເອົາໃຈໃສ່ສຶກສາອົບຮົມ ເປັນເຈົ້າການຍົກສູງຄວາມຮັບຜິດຊອບຕໍ່ໜ້າທີ່ວຽກງານວິຊາສະເພາະຂອງຕົນ, ທຸກສະຫາຍຕ້ອງເຊື່ອມຊຶມກຳແໜ້ນແນວທາງນະໂຍບາຍຂອງພັກ, ກົດໝາຍ ຂອງລັດ ແລະ ຂໍ້ກຳນົດກົດລະບຽບຂອງກອງທັບ, ມີໄຫວພິກປະດິດສ້າງ ແລະ ໝູນໃຊ້ວຽກງານດັ່ງກ່າວເຂົ້າສູ່ວຽກງານຕົວຈິງຂອງ ກົມກອງຂອງຕົນ, ໃຫ້ສົມກັບພາລະບົດບາດ ທີ່ເປັນກະບອກສຽງ ແລະ ອາວຸດອັນແຫຼມຄົມຂອງພັກ, ຂອງຄະນະພັກກະຊວງປ້ອງກັນປະເທດ, ເປັນພາຫະນະສຶກສາອົບຮົມທີ່ມີຊີວິດຊີວາຂອງກອງທັບ, ເພາະສະນັ້ນມັນຮຽກຮ້ອງພະນັກງານຫຼັກແຫຼ່ງຂັ້ນຊີ້ນຳ-ບັນຊາຕ້ອງເອົາໃຈໃສ່ອອກແຮງໂຄສະນາບັນດາເນື້ອໃນວຽກງານຂະບວນການສ້າງຜົນງານ, ການຈັດຕັ້ງປະຕິບັດຂໍ້ແຂ່ງຂັນຕ່າງໆ ເປັນຕົ້ນ ວັນປະຫວັດສາດສຳຄັນຕ່າງໆຂອງຊາດ-ຂອງພັກ ແລະ ຂອງກອງທັບໃຫ້ເລິກເຊິ່ງ ກວ້າງຂວາງ,  ແນໃສ່ປັບປຸງກໍ່ສ້າງກອງທັບໃຫ້ເຕີບໃຫຍ່ເຂັັ້ມແຂງ ໂດຍຕິດແໜ້ນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍຄັ້ງທີ X ຂອງພັກ, ແຜນພັດທະນາເສດຖະກິດ 5 ປີ ເທື່ອທີ VIII ຂອງລັດ, ມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງປ້ອງກັນປະເທດໃຫ້ມີຂະບວນການຟົດຟື້ນກວ້າງຂວາງ, ຕັ້ງໜ້າໂຄສະນາອົບຮົມການເມືອງນຳພາແນວຄິດໃຫ້ພະນັກງານ-ນັກຮົບ ມີນໍ້າໃຈຟົດຟື້ນປະຕິວັດ, ຂຸດຄົ້ນແນວຄິດຮັກເຊື້ອແພງຊາດ, ຮັກບ້ານເກີດເມືອງນອນ, ຮັກລະບອບໃໝ່, ສ້າງໃຫ້ມີຄວາມອົດທົນພະຍາຍາມບົນຈິດໃຈບຸກທະລຸ ກ້າຄິດ, ກ້າເຮັດ, ກ້າຮັບຜິດຊອບ ແລະ ກ້າເສຍສະຫຼະເພື່ອປະເທດຊາດ ແລະ ປະຊາຊົນ ເຫັນດີເຫັນພ້ອມນຳແນວທາງ ຂອງພັກເຮົາ, ຢາກເຮັດໄດ້ຄືແນວນັ້ນ ບັນດາຄະນະພັກ-ຄະນະບັນຊາ ບັນດາກົມກອງຕ້ອງຍົກສູງ ຄວາມເປັນເຈົ້າການຮັບຜິດຊອບຕໍ່ໜ້າທີ່ວຽງານຂອງຕົນ, ຍົກສູງຄວາມຮັບຜິດຊອບຕໍ່ອົງ ການຈັດ

ຕັ້ງພັກ-ລັດ ກໍຄືຂັ້ນເທິງຂອງຕົນ, ເປັນແບບຢ່າງນຳໜ້າໃຫ້ແກ່ທຸກຂົງເຂດວຽກງານ, ເອົາໃຈ

ໃສ່ຊີ້ນຳ-ນຳພາການເມືອງນຳພາແນວຄິດຂອງພະນັກງານ-ນັກຮົບໃຫ້ມີຄວາມໜັກແໜ້ນທາງດ້ານການເມືອງຍົກສູງຄວາມຮັບຜິດຊອບຕໍ່ວຽກງານວິຊາສະເພາະຂອງ ຕົນ, ຍົກສູງຫຼັກການລວມສູນປະຊາທິປະໄຕໃນການປະຕິ ບັດວຽກງານເປັນເຈົ້າການປັບ ປຸງບູລະນະການຈັດຕັ້ງຂອງຕົນໃຫ້ເຂັ້ມແຂງ, ສ້າງພະນັກງານໃຫ້ມີຄຸນະພາບທາງດ້ານວິຊາສະເພາະ ແລະ ເອົາໃຈໃສ່ປັບປຸງ ພາຫະນະໂຄສະນາໃຫ້ແຫຼມຄົມເພື່ອຕອບສະໜອງຄວາມຮຽກ ຮ້ອງການຂອງໜ້າທີການເມືອງ ໃນໄລຍະໃໝ່ຂອງກອງທັບເຮົາ.

ບັນດາກົມກອງວິຊາສະເພາະໂຄສະນາໃນອົງການກົມໃຫຍ່ການເມືອງກອງທັບທີເຂົ້າຮ່ວມກອງປະຊຸມຄັ້ງນີ້ 8 ກົມກອງຄື: ກົມໂຄສະນາ, ໜັງສືພິມກອງທັບ, ວິທະຍຸ-ໂທລະພາບກອງທັບ, ວາລະສານປ້ອງກັນຊາດ, ສິລະປະກອນກອງທັບ, ຫໍພິພິທະພັນກອງທັບ, ຫໍສະໝຸດກອງທັບ ແລະ ໂຮງພິມກອງທັບ.