ງາມໂຮມຊຸມນຸມໃຫຍ່ ຄົບຮອບ 70 ປີ

 ງານໂຮມຊຸມນຸມໃຫຍ່ສະເຫຼີມສະ ຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ (20 ມັງກອນ 1949-20ມັງກອນ 2019) ໄດ້ຈັດ ຂຶ້ນຢ່າງຄຶກຄື້ນໃນວັນທີ 20 ມັງກອນ 2019 ນີ້, ຢູ່ທີ່ວິທະຍາຄານກົມ ມະດໍາ. ໃນພິທີໄດ້ເປັນກຽດຢ່າງສູງທີ່ໄດ້ຕ້ອນຮັບ ການເຂົ້າຮ່ວມ ຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານ ງານສູນກາງພັກປະຊາຊົນປະຕິ ວັດລາວ, ປະທານປະເທດແຫ່ງ ສປປ ລາວ, ສະຫາຍ ຄໍາໄຕສີພັນດອນ ອະດີດປະທານພັກ ປະຊາຊົນປະຕິວັດລາວ, ປະທານ ປະເທດ ແຫ່ງ ສປປ ລາວ, ສະຫາຍຈູມມາລີ ໄຊຍະສອນ ອະດີດ ເລຂາທິການໃຫຍ່ ພັກປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ, ມີການນໍາພັກ-ລັດ, ພະນັກງານປະຕິວັດອາວຸໂສ, ວີລະຊົນແຫ່ງຊາດ, ນັກຮົບແຂ່ງ ຂັນ, ຄະນະຜູ້ແທນຈາກກອງທັບ ປະເທດເພື່ອນມິດເຊັ່ນ: ກອງທັບ ປະຊາຊົນຫວຽດນາມ, ກອງທັບ ປົດປ່ອຍປະຊາຊົນຈີນ, ກອງທັບ ຣາຊະອານາຈັກກຳປູເຈຍ, ກອງ ທັບແຫ່ງສະຫະພັນຣັດເຊຍ, ກອງ ທັບສາທາລະນະລັດ ສະຫະພາບ ມຽນມາ, ກອງທັບແຫ່ງຣາຊະ ອານາຈັກໄທ ມີບັນດາທູຕານຸທູດ ແລະ ຜູ້ຕາງຫນ້າອົງການຈັດ ຕັ້ງສາກົນປະຈໍາລາວ, ອະດີດທະ ຫານອາສາສະໝັກ ແລະ ຊ່ຽວ ຊານຫວຽດນາມ, ອະດີດຊ່ຽວ ຊານກອງທັບປົດປ່ອຍປະຊາ ຊົນຈີນ, ອະດີດຊ່ຽວຊານກອງທັບ ສະຫະພັນຣັດເຊຍ ທີ່ຊ່ວຍເຫຼືອ ລາວໃນປາງສົງ ຄາມ, ນາຍ ແລະພົນທະຫານ, ນາຍ ແລະ ພົນຕໍາ ຫຼວດ, ພະນັກງານລັດຖະກອນ ແລະ ພີ່ນ້ອງຮ່ວມຊາດ ເຂົ້າຮ່ວມ ຢ່າງຫຼວງຫຼາຍ. ກ່ອນຈະເລີ່ມເຂົ້າພິທີທາງ ການແມ່ນໄດ້ຮັບຊົມການສະແດງ ສິລະປະຈາກກອງສິລະປະກອນ ກອງທັບ ປະຊາຊົນລາວ ແລະ ຮັບຊົມການສະແດງຫັດກາຍ ມວຍ ແລະ ມວຍປ້ອງກັນຕົວຍິງ-ຊາຍຂອງເຫຼົ່າຮົບຕີພິເສດ, ຈາກ ນັ້ນ ສະຫາຍ ບຸນຍັງ ວໍລະຈິດ ເລຂາທິິການໃຫຍ່ຄະນະບໍລິຫານ ງານສູນກາງພັກ ປະທານປະ ເທດແຫ່ງ ສປປ ລາວ ໄດ້ກ່າວສູນ ທອນພົດຕໍ່ພິທີ ໂດຍບາງຕອນ ໄດ້ຍົກໃຫ້ເຫັນປະຫວັດສາດແຫ່ງ ຕົ້ນກໍາເນີດຂອງກອງທັບປະຊາ ຊົນລາວ, ເຊິ່ງກ່ອນຫນ້ານີ້ 70 ປີ ຄືວັນທີ 20 ມັງກອນ 1949 ກອງທັບລາວອິດສະຫຼະ ເຊິ່ງ ແມ່ນຕົ້ນກໍາເນີດຂອງກອງທັບ ປົດປ່ອຍໃນເມື່ອກ່ອນ ຫຼື ກອງທັບ ປະຊາຊົນລາວໃນປັດຈຸບັນ ໄດ້ຮັບການສ້າງຕັ້ງຂຶ້ນຢູ່ເຂດ ທີ່ຫມັ້ນຕາແສງລາວຮຸ່ງ-ພຽງ ສາ, ເມືອງຊຽງຄໍ້ ແຂວງຫົວພັນ ໂດຍແມ່ນປະທານໄກສອນ ພົມວິ ຫານ ເປັນຜູ້ປະກາດສ້າງຕັ້ງ ແລະ ບັນຊາໂດຍກົງນັ້ນເປັນເຫດການ ສໍາຄັນອັນຫນຶ່ງ, ເປັນບາດລ້ຽວ ທີ່ເປັນລັກສະນະຕັດສິນໃນພາລະ ກິດຕໍ່ສູ້ປົດປ່ອຍຊາດພາຍໃຕ້ການ ນໍາພາຂອງພັກເຮົາ, ພາຍຫຼັງໄດ້ ຮັບການສ້າງຕັ້ງຂຶ້ນກອງທັບ ເຮົາກໍໄດ້ຜະເຊີນຫນ້າກັບສັດຕູ ໂຕຮ້າຍກາດທີ່ມີກໍາລັງແຮງ ເໜືອກວ່າ ນັບທັງດ້ານກຳລັງ ພົນອາວຸດຍຸດໂທປະກອນທີ່ທັນ ສະໄຫມກວ່າແຕ່ດ້ວຍນໍ້າໃຈຮັກ ຊາດອັນສູງສົ່ງ ແລະ ການສືບ ທອດມູນເຊື້ອພິລາດອາດຫານ ບໍ່ຍອມຈໍານົນຂອງບັນພະບູລຸດ ແລະ ຊົນເຊື້ອຊາດລາວກອງ ທັບເຮົາໄດ້ດໍາເນີນການຕໍ່ສູ້ຢ່າງ ພິລາດອາດຫານ ແລະ ຍາດໄດ້ ໄຊຊະນະເປັນກ້າວໆມາ, ຜ່ານ ການເຝິກຝົນຫຼໍ່ຫຼອມ ແລະ ທົດ ສອບໃນແປວໄຟສົງຄາມຕໍ່ສູ້ເພື່ອ ຍາດເອົາເອກະລາດແຫ່ງຊາດ, ໃນສະພາບແວດລ້ອມ ແລະ ເງື່ອນ ໄຂຫຍຸ້ງຍາກລໍາບາກທີ່ສຸດນັ້ນ ກອງທັບເຮົາໄດ້ສ້າງວີລະກຳ ອັນລໍ້າເລີດຫຼາຍປະການ, ສ້າງ ປະຫວັດສາດຍຸກໃຫມ່ ແລະ ມູນເຊື້ອວີລະຊົນຂອງຊາດລາວວີ ລະຊົນຢ່າງສະຫງ່າງາມ. ຕະຫຼອດໄລຍະ 70 ປີຜ່ານມາ ພັກໄດ້ເອົາໃຈໃສ່ນໍາພາ ແລະ ສຶກ ສາອົບຮົມກໍ່ສ້າງກອງທັບເຮົາ, ວາງແນວທາງຍຸດທະສາດ, ຍຸດ ໂທບາຍຢ່າງປະດິດສ້າງສອດ ຄ່ອງກັບສະພາບການໃນແຕ່ລະ ໄລຍະແທດເໝາະກັບເງື່ອນໄຂ, ຈຸດພິເສດຂອງກອງທັບເຮົາ, ຕາມ ແນວທາງການທະຫານຂອງ ພັກ, ອັນສໍາຄັນແມ່ນໄດ້ວາງຍຸດ ທະສາດການຕໍ່ສູ້ຢ່າງຖືກຕ້ອງ ແລະ ຍຸດໂທບາຍທີ່ຄ່ອງແຄ່ວ, ມີໄຫວພິກ, ນໍາໃຊ້ ແລະ ສົມທົບບັນດາຮູບການຕໍ່ສູ້ຢ່າງ ຊໍານິຊໍານານ, ພວກເຮົາເອກອ້າງທະນົງໃຈ ທີ່ເຫັນວ່າພາຍໃຕ້ການນໍາພາຂອງພັກ,ພະນັກງານ-ນັກຮົບໃນກອງທັບປະຊາຊົນ ລາວໄດ້ເສີມຂະຫຍາຍມູນເຊື້ອ ຕໍ່ສູ້ເດັດດ່ຽວ, ພິລາດອາດຫານບໍ່ຍອມຈໍານົນ “ຍາກປານໃດ ກໍບຸກ, ທຸກປານໃດກໍສູ້, ເຖິງຈະ ເສຍສະຫຼະກໍບໍ່ຫວາດຫວັ່ນ, ຍາມໃດກໍຕອບສະໜອງຕາມ ຄວາມຮຽກຮ້ອງຂອງພັກດ້ວຍ ຄວາມຈົງຮັກພັກດີ, ຊື່ສັດບໍລິສຸດ ແລະ ເດັດດ່ຽວໜຽວແໜ້ນ”, ກອງທັບເຮົາຍາມໃດກໍອີງໃສ່ປະ ຊາຊົນ, ເຮັດທຸກສິ່ງທຸກຢ່າງເພື່ອ ຜົນປະໂຫຍດຂອງປະຊາຊົນດ້ວຍ ຄວາມບໍລິສຸດໃຈ, ຍ້ອນແນວນັ້ນ ຈຶ່ງໄດ້ຮັບຄວາມເອົາໃຈໃສ່ເບິ່ງ ແຍງ, ຖະໜອມຫອມຮັກ ແລະ ອູ້ມຊູຊ່ວຍເຫຼືອຈາກປະຊາຊົນບັນ ດາເຜົ່າ ອັນໄດ້ເປັນບໍ່ເກີດຂອງກໍາ ລັງແຮງທີ່ບໍ່ເຫືອດແຫ້ງຈັກເທື່ອ “ກອງທັບປະຊາຊົນລາວສົມ ແລ້ວທີ່ເປັນກອງທັບວີລະຊົນ ຂອງຊາດລາວວີລະຊົນ”. ຈາກນັ້ນກໍໄດ້ເລີ່ມພິທີສວນສະ ໜາມຂອງກ້ອນກຳລັງ ແລະ ພາ ຫະນະຕ່າງໆຂອງແຕ່ລະເຫຼົ່າ ຮົບໃນກອງທັບປະຊາຊົນລາວ, ໂດຍເລີ່ມຈາກຂະບວນລົດຂອງ ພະນັກງານປະຕິວັດອາວຸໂສ, ຕາມດ້ວຍກ້ອນທຸງໄຊກອງທັບ ປະຊາຊົນລາວ, ກ້ອນກອງທັບ ລາວອິດສະຫຼະ, ກ້ອນກຳລັງກອງ ທັບປົດປ່ອຍປະຊາຊົນລາວ, ກ້ອນ ກຳລັງໄຟເພດຍິງ 769, ກ້ອນ ນາຍທະຫານບົກ, ກ້ອນນາຍ ທະຫານອາກາດ, ກ້ອນນາຍທະຫານຊາຍແດນ, ກ້ອນທະຫານ ຮາບ, ກ້ອນທະຫານຕີພິເສດ, ກ້ອນທະຫານລົດຕັງ-ຍານເກາະ, ກ້ອນທະຫານປືນໃຫຍ່ໜ້າດິນ, ກ້ອນທະຫານປ້ອງກັນອາກາດ, ກ້ອນທະຫານຊ່າງແສງ, ກ້ອນທະ ຫານສື່ສານ, ເຫຼົ່າຮົບເສນາຮັກ, ກ້ອນທະຫານທ້ອງຖິ່ນ, ກ້ອນກຳ ລັງກອງຫຼອນ, ກ້ອນກຳລັງປ້ອງ ກັນຕົວ ແລະ ຂະບວນພາຫະນະ ປະກອບເຫຼົ່າຮົບຕ່າງໆເຊັ່ນ:ຂະບວນລົດທະຫານຮາບ-ຍານ ເກາະ, ຂະບວນລົດເຫຼົ່າຮົບລົດ ຕັງ-ຍານເກາະ, ຂະບວນລົດເຫຼົ່າ ຮົບປືນໃຫຍ່ໜ້າດິນ, ຂະບວນ ລົດເຫຼົ່າຮົບປ້ອງກັນອາກາດ, ຂະບວນລົດເຫຼົ່າຮົບຊ່າງແສງແລະ ກ້ອນກອງແກວົງກອງ ທັບປະຊາຊົນລາວ. ສ່ວນການສະ ແດງທາງອາກາດມີການສະ ແດງຝູງບິນ Mi-17 ຈຳນວນ 3 ລຳປະກອບທຸງຊາດ, ທຸງພັກ ແລະ ທຸງກາ 70 ປີກອງທັບປະ ຊາຊົນລາວ, ຝູງບິນ LE-500 ຈຳນວນ 5 ລຳ, Yark 130 ຈໍາ ນວນ 3 ລໍາ ແລະ ການສະແດງ ໂດດຈ້ອງທາງອາກາດມີທະຫານ ໂດດຈ້ອງ ຈຳນວນ 50 ກວ່າສະ ຫາຍ, ເຊິ່ງແຕ່ລະກ້ອນກໍາລັງ ສວນສະໜາມຂອງແຕ່ລະເຫຼົ່າຮົບ ແມ່ນມີຄວາມເປັນເອກະພາບ ສວຍງາມ, ມີຄວາມເຂັ້ມແຂງຈຶກ ຈັກສະແດງໃຫ້ເຫັນເຖິງຄວາມ ເຂັ້ມແຂງແລະການເຕີບໃຫຍ່ຂະ ຫຍາຍຕົວຂອງແຕ່ລະເຫຼົ່າຮົບ ໃນກອງທັບປະຊາຊົນລາວເຮົາ ໂດຍຜ່ານການຊຸບຫຼໍ່ກໍ່ສ້າງໃຫ້ ກາຍເປັນກອງທັບປະຕິວັດ, ມີແບບແຜນ ແລະ ທັນສະໄໝ, ປະກອບ ສ່ວນຢ່າງຕັ້ງໜ້າເຂົ້າໃນພາລະ ກິດປົກປັກຮັກສາ ແລະ ສ້າງສາພັດທະນາປະເທດຊາດ ກ້າວຂຶ້ນຕາມເສັ້ນທາງສູ່ຈຸດໝາຍສັງຄົມນິຍົມຢ່າງໜັກແໜ້ນ. ໂດຍ: ນ. ຍ້ອມເພັດ