ສູນທອນພົດ: ຂອງ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ

ຄະນະປະທານທີ່ນັບຖື !. ບັນດາແຂກເພື່ອນມິດຕ່າງປະເທດທີ່ນັບຖື !. ບັນດາສະຫາຍພະນັກງານ-ນັກຮົບ, ພີ່ນ້ອງຮ່ວມ ຊາດທີ່ຮັກແພງທັງຫຼາຍ. ມື້ນີ້, ທົ່ວພັກ, ທົ່ວກອງທັບ ແລະ ປວງຊົນລາວ ບັນດາເຜົ່າ ມີຄວາມເບີກບານມ່ວນຊື່ນ ແລະ ພາກ ພູມໃຈເປັນຢ່າງຍິ່ງ ທີ່ໄດ້ພ້ອມກັນສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ. ເຊິ່ງເປັນວັນສຳຄັນປະຫວັດສາດຂອງພາລະກິດ ປະຕິວັດ ແລະ ຂອງຊາດລາວເຮົາ. ໃນນາມຄະນະບໍລິຫານງານສູນກາງພັກ ແລະ ລັດຖະບານ, ຂ້າພະເຈົ້າຂໍສະແດງຄວາມຂໍ່ານັບຊົມເຊີຍ ບັນດາສະຫາຍການນຳ ແລະ ອະດີດການນຳຂອງພັກ, ລັດ ແລະ ກອງທັບ, ຜູ້ບັງຄັບບັນຊາ ຮຸ່ນອາວຸໂສ, ການນຳ ແລະ ຜູ້ບັນ ຊາການທີ່ເປັນຕົວແທນຂອງເຫຼົ່າ ຮົບ, ກົມກອງທົ່ວກຳລັງປະກອບ ອາວຸດ, ຕົວແທນຊາວໜຸ່ມ, ນັກ ຮຽນ, ນັກສຶກສາ, ປັນຍາຊົນ ແລະ ຕົວແທນຈາກປະຊາຊົນບັນ ດາເຜົ່າທີ່ມາຮ່ວມພິທີໂຮມຊຸມນຸມ ໃຫຍ່ອັນຄຶກຂຶມໃນມື້ນີ້, ພ້ອມນີ້ຂໍ ຝາກຄວາມຊົມເຊີຍ, ຄວາມສາ ມັກຄີຮັກແພງ ອັນອົບອຸ່ນ ແລະ ຄວາມເຊື່ອໝັ້ນ-ໄວ້ວາງໃຈອັນ ເລິກເຊິ່ງ, ໜັກແໜ້ນຂອງພັກ, ຂອງລັດໄປຍັງພະນັກງານ-ນັກ ຮົບທີ່ພວມປະຕິບັດໜ້າທີ່ອັນມີ ກຽດສະຫງ່າຂອງຕົນໃນຂະນະ ນີ້ ແລະ ບັນດສະຫາຍຜູ້ອອກພັກ ຜ່ອນຮັບເບ້ຍບຳນານ, ຜູ້ທີ່ພວມ ປິ່ນປົວຢູ່ໂຮງໝໍແຫ່ງຕ່າງໆ,ຕະ ຫຼອດເຖິງຄອບຄົວຂອງພະນັກ ງານ-ນັກຮົບທີ່ເສຍສະຫຼະຊີວິດ ເພື່ອປົກປ້ອງຄວາມເປັນເອກະ ລາດຂອງ ຊາດ, ປົກປ້ອງລະ ບອບປະຊາທິປະໄຕ ປະຊາຊົນ ແລະ ຄວາມຢູ່ເຢັນເປັນສຸກຂອງ ປະຊາຊົນລາວບັນດາເຜົ່າຢ່າງ ສຸດອົກສຸດໃຈ ມານະໂອກາດນີ້ ດ້ວຍ ( ຂໍຊົມເຊີຍ ). ໃນໂອກາດວັນປະຫວັດສາດ ທີ່ມີຄວາມໝາຍສຳຄັນນີ້, ພວກ ເຮົາຍັງຮູ້ສຶກປຶ້ມປິຕິຢ່າງຍິ່ງທີ່ໄດ້ ຕ້ອນຮັບຜູ້ແທນຈາກກອງທັບ ຂອງບັນດາປະເທດເພື່ອນມິດມາ ຮ່ວມພິທີສະຫຼອງວັນປະຫວັດ ສາດອັນ ສຳຄັນໃນມື້ນີ້, ຂໍສະແດງ ຄວາມຊົມເຊີຍມານະໂອກາດນີ້ ຢ່າງສຸດອົກສຸດໃຈ. ບັນດາສະຫາຍ ແລະ ເພື່ອນ ມິດທັງຫຼາຍ !. ກ່ອນໜ້ານີ້ 70 ປີ, ຄືໃນວັນທີ 20 ມັງກອນ ປີ 1949, ກອງທັບ ລາວອິດສະຫຼະທີ່ມີຊື່ວ່າ ກອງ ລາດຊະວົງໄດ້ຮັບການສ້າງຕັ້ງ ຂຶ້ນຢູ່ເຂດທີ່ໝັ້ນລາວຮຸ່ງ-ພຽງ ສາ, ເມືອງຊຽງຄໍ້ແຂວງຫົວພັນ ໂດຍ ແມ່ນປະທານໄກສອນ ພົມວິ ຫານທີ່ເຄົາລົບຮັກເປັນຜູ້ປະກາດ ສ້າງຕັ້ງ ແລະ ບັນຊາການໂດຍ ກົງ. ການກຳເນີດຂຶ້ນຂອງກອງ ລາດຊະວົງ ຫລື ກອງທັບລາວອິດ ສະຫຼະ ໄດ້ກາຍເປັນຂີດໝາຍປະ ຫວັດສາດໃນການເຕົ້າໂຮມ, ປັບ ປຸງບັນດາກຳລັງຕໍ່ຕ້ານປະກອບ ອາວຸດຂອງປະຊາຊົນຢູ່ພາກ ຕ່າງໆຂອງປະເທດໃຫ້ເປັນເອ ກະພາບ ແລະ ສືບຕໍ່ຂະຫຍາຍ ກຳລັງ, ຈັດ ຕັ້ງສູ້ຮົບພາຍໃຕ້ການ ນຳພາໂດຍກົງຂອງພັກ. ກອງທັບລາວອິດສະຫຼະ, ເຊິ່ງຕໍ່ມາກາຍເປັນກອງທັບປົດ ປ່ອຍປະຊາຊົນລາວ ແລະ ກອງ ທັບປະຊາຊົນລາວໃນປັດຈຸບັນໄດ້ ເກີດຂຶ້ນ ແລະ ເຕີບໃຫຍ່ຂະຫຍາຍ ຕົວຈາກຂະບວນການຕໍ່ສູ້ຂອງ ປະຊາຊົນບັນດາເຜົ່າ. ຜ່ານການ ຮຸກຮານຂອງອິດທິລ່າເມືອງຂຶ້ນ ແບບເກົ່າ ແລະ ໃໝ່, ໄດ້ເສີມສ້າງ ມະນະຈິດຈາກນໍ້າໃຈຮັກຊາດອັນ ສູງສົ່ງ ແລະ ການສືບທອດມູນ ເຊື້ອຕໍ່ສູ້ອັນອົງອາດກ້າແກ່ນຂອງ ບັນພະບູລຸດແຫ່ງຊົນເຊື້ອຊາດ ລາວເຜົ່າຕ່າງ, ບວກກັບການນຳ ພາອັນປີຊາສາມາດຂອງພັກເຮົາ. ດ້ວຍເຫດນັ້ນ ພາຍຫຼັງໄດ້ຮັບການ ສ້າງຕັ້ງຂຶ້ນກອງທັບເຮົາກໍພ້ອມ ຜະເຊີນໜ້າກັບສັດຕູທີ່ມີກຳລັງ ດ້ານເສດຖະກິດ, ກຳລັງພົນ, ອາ ວຸດ-ຍຸດໂທປະກອນເໜືອ ກວ່າ ຕັ້ງຫຼາຍໆເທົ່າ, ສິ່ງທີ່ແຂງແກ່ນ ກວ່າໝູ່ຂອງກອງທັບປະຊາ ຊົນລາວຄື ຄວາມຈົງຮັກພັກດີຕໍ່ ປະເທດຊາດ, ຕໍ່ປະຊາຊົນ ແລະ ເປັນກອງທັບປະຕິວັດທີ່ມີຄວາມ ຈົງຮັກພັກດີຕໍ່ອຸດົມການຂອງພັກ, ປົກປ້ອງປະເທດຊາດ ແລະ ໝາກ ຜົນຂອງການປະຕິວັດ. ໃນແປວໄຟແຫ່ງສົງຄາມຕໍ່ສູ້ ເພື່ອຄວາມເປັນເອກະລາດແຫ່ງ ຊາດທີ່ແສນຫຍຸ້ງຍາກລຳບາກ ແລະ ເຕັມໄປດ້ວຍການເສຍສະ ຫຼະນັ້ນ, ກອງທັບຂອງພວກເຮົາ ໄດ້ຮັບການເຝິກຝົນ ແລະ ທົດ ສອບຢ່າງຕໍ່ເນື່ອງ. ທັງຕໍ່ສູ້ທັງ ຂະຫຍາຍກຳລັງ, ໄດ້ເຕີບໃຫຍ່ ຈາກຖານະທີ່ເປັນກອງໂຄສະນາ ປະກອບອາວຸດກະແຈກກະຈາຍ ຕາມທ້ອງຖິ່ນຕ່າງໆ ເຊິ່ງມີອາວຸດ ຍຸດໂທ-ປະກອນປະຖົມປະຖານ ໄດ້ ເຕີບໃຫຍ່ໄວວາ ທາງດ້ານຈຳ ນວນພົນ ແລະ ການປະກອບອາ ວຸດ, ໄດ້ກາຍເປັນກອງທັບທີ່ມີບັນ ດາກົມກອງ-ເຫຼົ່າຮົບອັນເຂັ້ມ ແຂງເຄື່ອນໄຫວສູ້ຮົບຢ່າງອາດ ຫານເດັດດ່ຽວ, ຍິ່ງຕີຍິ່ງເຕີບໃຫຍ່ ແລະ ໄຊຊະນະແຕ່ລະຄັ້ງຍິ່ງສ້າງ ກຳລັງໃຈຕໍ່ສູ້ອັນກ້າແກ່ນຍິ່ງຂຶ້ນ. ກອງທັບຂອງພວກເຮົາເປັນ ກອງທັບທີ່ເກີດຈາກປະຊາຊົນ, ຜົນສຳເລັດອັນໃຫຍ່ຫຼວງກ່ອນ ອື່ນເກີດຈາກມີຄວາມສາມາດໃນ ການຂົນຂວາຍທາງການເມືອງ, ສ້າງລະບົບການຈັດຕັ້ງປະຕິວັດ ໃນໝູ່ປະຊາຊົນ, ຂະຫຍາຍກຳລັງ ຈາກຫຼັກແຫຼ່ງທີ່ມີຄວາມຕື່ນຕົວ ໃນໝູ່ປະຊາຊົນບັນດາເຜົ່າ ແລະ ຈັດຕັ້ງນຳພາຂະບວນການ ຂອງປະຊາຊົນເຂົ້າຮ່ວມການ ເພີ່ມພູນຜະລິດຜົນ, ປັບປຸງຊີວິດ ການເປັນຢູ່, ການຈັດຕັ້ງກຳລັງ ປ້ອງກັນຕົວ ເພື່ອກຽມພ້ອມສູ້ຮົບ ກໍຄືການພັດທະນາເສດຖະກິດ- ສັງຄົມຢູ່ຮາກຖານ; ສົມທົບແໜ້ນ ແຟ້ນລະຫວ່າງກຳລັງຫຼວງ, ກຳ ລັງທ້ອງຖິ່ນ ແລະ ເສີມຂະຫຍາຍ ເຕັມປ່ຽມກຳລັງແຮງທຸກດ້ານ ຂອງປະຊາຊົນຢູ່ຮາກຖານ, ນັບ ທັງການນຳໃຊ້ທຸກຮູບການ ແລະ ວິທີການຕໍ່ສູ້ທີ່ມີລັກສະນະປະດິດ ສ້າງຂອງປະຊາຊົນບັນດາເຜົ່າ. ອັນໄດ້ສະສົມບົດຮຽນອັນລໍ້າຄ່າ ແຫ່ງສົງຄາມປະຊາຊົນທີ່ຢູ່ພາຍ ໃຕ້ການນຳພາຂອງພັກ. ກອງທັບປະຊາຊົນລາວ ຢຶດໝັ້ນ ແລະ ປະຕິບັດແນວທາງການຕ່າງ ປະເທດອັນຖືກຕ້ອງຂອງພັກ, ສາ ມາດສ້າງ ແລະ ຂະຫຍາຍສາຍ ພົວພັນອັນສະໜິດແໜ້ນກັບກອງ ທັບຂອງບັນດາປະເທດເພື່ອນມິດ; ພັດທະນາການພົວພັນອັນກວ້າງ ຂວາງກັບກອງທັບຂອງບັນດາ ປະເທດໃນພາກພື້ນ; ພິເສດແມ່ນ ການສ້າງສາຍສຳພັນສູ້ຮົບແບບ ພິເສດກັບກອງທັບປະຊາຊົນ ຫວຽດນາມ ເຊິ່ງໄດ້ກາຍເປັນໜຶ່ງ ໃນບັນດາປັດໄຈສຳຄັນທີ່ສຸດ ເພື່ອ ເອົາຊະນະສັດຕູໃນສະໜາມຮົບ, ສ້າງເງື່ອນໄຂອັນສະດວກເພື່ອ ຮັບປະກັນຜົນສຳເລັດໃນການຕໍ່ ສູ້ທາງດ້ານການເມືອງທຸກລະ ດັບ, ປະກອບສ່ວນສຳຄັນໃນການ ສົມທົບລະຫວ່າງກຳລັງແຮງ ຂອງຊາດກັບກຳລັງແຮງຂອງ ຍຸກສະໄໝ ເພື່ອບັນລຸໄຊຊະນະ ຂອງພາລະກິດປົດປ່ອຍຊາດ ແລະ ຜົນສຳເລັດໃນການປົກປັກ ຮັກສາປະເທດຊາດ. ພວກເຮົາສຸດທີ່ເອກອ້າງທະ ນົງໃຈເປັນຢ່າງຍິ່ງທີ່ເຫັນວ່າພາຍ ໃຕ້ການນຳພາຂອງພັກເຮົາ, ພະ ນັກງານ-ນັກຮົບໃນກອງທັບປະ ຊາຊົນລາວໄດ້ເສີມຂະຫຍາຍມູນ ເຊື້ອຕໍ່ສູ້ເດັດດ່ຽວ, ພິລາດອາດ ຫານ,​ ບໍ່ຍອມຈຳນົນຂອງປະຊາ ຊົນເຮົາ, “ຍາກປານໃດກໍບຸກ, ທຸກປານໃດກໍສູ້, ເຖິງຈະເສຍສະ ຫຼະກໍບໍ່ຫວາດຫວັ່ນ” ຈົງຮັກພັກ ດີຕໍ່ປະເທດຊາດ, ຕໍ່ພັກ ແລະ ຕໍ່ ຜົນປະໂຫຍດຂອງປະຊາຊົນ, “ຍາມໃດກໍຕອບສະໜອງຕາມ ຄວາມຮຽກຮ້ອງຂອງພັກດ້ວຍ ຄວາມຈົງຮັກພັກດີ, ຊື່ສັດບໍລິສຸດ ແລະ ເດັດດ່ຽວໜຽວແໜ້ນ”, ຍາມໃດກໍອີງໃສ່ປະຊາຊົນ ແລະ ເຮັດທຸກສິ່ງທຸກຢ່າງເພື່ອຜົນປະ ໂຫຍດຂອງປະຊາຊົນດ້ວຍຄວາມ ບໍລິສຸດໃຈ, ສະນັ້ນ, ຈຶ່ງໄດ້ຮັບ ຄວາມເອົາໃຈໃສ່ເບິ່ງແຍງ, ຖະ ໜອມຫອມຮັກ ແລະ ອູ້ມຊູຊ່ວຍ ເຫຼືອຈາກປະຊາຊົນບັນດາເຜົ່າ, ອັນໄດ້ເປັນບໍ່ເກີດຂອງກຳລັງ ແຮງທີ່ບໍ່ເຫືອດແຫ້ງຈັກເທື່ອ, ກອງທັບປະຊາຊົນລາວເປັນກອງ ທັບທີ່ໄດ້ສ້າງວີລະກຳອັນລໍ້າເລີດ ໃນພາລະກິດປົດປ່ອຍຊາດ ກໍຄື ໃນພາລະກິດປົກປັກຮັກສາ, ສ້າງ ສາປະເທດຊາດ, ຜ່ານແປວໄຟ ແຫ່ງສົງຄາມຕໍ່ສູ້ເພື່ອປົດປ່ອຍ ຊາດກອງທັບເຮົາ ກາຍເປັນເບົ້າ ຫຼໍ່ທີ່ພາໃຫ້ເກີດວີລະຊົນ, ນັກຮົບ ແຂ່ງຂັນຫຼາຍຮ້ອຍ ຫຼາຍພັນສະ ຫາຍ, ດັ່ງນັ້ນ, “ກອງທັບປະຊາ ຊົນລາວ ສົມແລ້ວເປັນກອງທັບ ວີລະຊົນຂອງຊາດລາວວີລະ ຊົນ”. ພາຍຫຼັງປະເທດຊາດໄດ້ຮັບ ການປົດປ່ອຍຢ່າງສົມບູນປີ 1975, ສະຖາປະນາລະບອບໃໝ່ ປະຊາທິປະໄຕ ປະຊາຊົນລາວ, ກອງທັບປະຊາຊົນລາວ ກໍໄດ້ເສີມ ຂະຫຍາຍທາດແທ້ ແລະ ມູນເຊື້ອ ອັນສະຫງ່າງາມຂອງຕົນ, ຍາມ ໃດກໍເຊີດຊູສະຕິລະວັງຕົວກຽມ ພ້ອມສູ້ຮົບ, ເປັນກຳລັງຫຼັກແຫຼ່ງ ເຮັດໜ້າທີ່ປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບ ດ້ານຂອງພັກ ປົກປັກຮັກສາເອ ກະລາດ, ອະທິປະໄຕ ແລະ ຜືນ ແຜ່ນດິນອັນຄົບຖ້ວນຂອງຊາດ ໄວ້ໄດ້ຢ່າງໝັ້ນຄົງ, ຮັບປະກັນ ໄດ້ສະຖຽນລະພາບທາງດ້ານ ການເມືອງຢ່າງໜັກແໜ້ນ, ສັງ ຄົມມີຄວາມສະຫງົບປອດໄພ, ປະ ກອບສ່ວນຢ່າງຕັ້ງໜ້າໃນການ ພັດທະນາເສດຖະກິດ-ສັງຄົມ ຂອງຊາດ ຂະຫຍາຍຕົວຢ່າງຕໍ່ ເນື່ອງ. ໃນມື້ຄົບຮອບ 70 ປີ ແຫ່ງວັນ ປະຫວັດສາດສຳຄັນນີ້, ພວກເຮົາ ສຸດທີ່ອາໄລຮັກ ແລະ ຮູ້ບຸນຄຸນ ຢ່າງລົ້ນເຫຼືອຕໍ່ປະທານ ໄກສອນ ພົມວິຫານ ທີ່ເຄົາລົບຮັກທີ່ໄດ້ກໍ່ ຕັ້ງ, ສຶກສາອົບຮົມ, ບຳລຸງ-ກໍ່ ສ້າງ ແລະ ຊີ້ນຳ-ນຳພາກອງທັບ ເຮົາມີຄວາມເຕີບໃຫຍ່ເຂັ້ມແຂງ ມາຮອດສູ່ມື້ນີ້. ນະໂອກາດນີ້, ໃນນາມພັກ-ລັດ ຂໍສະແດງຄວາມຮູ້ບຸນຄຸນອັນລົ້ນ ເຫລືອຕໍ່ວີລະຊົນແຫ່ງຊາດ, ນັກ ຮົບແຂ່ງຂັນ, ຕໍ່ຜູ້ເສຍອົງຄະ, ຕໍ່ ຄອບຄົວ ແລະ ຜູ້ທີ່ເສຍສະຫລະ ຊີວິດ ເພື່ອຄວາມເປັນເອກະລາດ ຂອງຊາດ, ເພື່ອອິດສະຫລະພາບ ແລະ ຄວາມຜາສຸກຂອງປະຊາຊົນ ລາວເຮົາ. ”ປະເທດຊາດຈະຈາ ລຶກບຸນຄຸນຂອງບັນດາສະຫາຍ ເຫລົ່ານັ້ນຊົ່ວກາລະນານ”! ໃນມື້ລະນຶກວັນປະຫວັດສາດ ອັນສຳຄັນນີ້, ຕາງຫນ້າພັກ-ລັດ, ກອງທັບ ແລະ ປະຊາຊົນລາວ, ຂ້າພະເຈົ້າຂໍສະແດງຄວາມຮູ້ບຸນ ຄຸນອັນເລິກເຊິ່ງຕໍ່ບັນດາປະເທດ ອ້າຍນ້ອງ ແລະ ເພື່ອນມິດທັງຫຼາຍ ເປັນຕົ້ນຕໍ່ກອງທັບ ແລະ ປະຊາຊົນ ຫວຽດນາມ, ກອງທັບ ປົດປ່ອຍປະ ຊາຊົນຈີນ ແລະ ສະຫະພັນຣັດ ເຊຍ ທີ່ໄດ້ໃຫ້ການສະຫນັບສະ ຫນູນອັນແຮງກ້າ, ຊ່ວຍເຫລືອອັນ ໃຫຍ່ ຫລວງລຳ້ຄ່າ ແລະ ມີປະສິດ ທິຜົນຕໍ່ກອງທັບ ແລະ ປະຊາຊົນ ລາວ ໃນພາລະກິດປະຕິວັດຕໍ່ສູ້ ປົດປ່ອຍຊາດກໍຄືພາລະກິດປົກ ປັກຮັກສາ ແລະ ພັດທະນາປະເທດ ຊາດຂອງພວກເຮົາໃນປັດຈຸບັນ. ພິເສດຂໍສະແດງຄວາມຊາບ ຊຶ້ງ ຈາກສ່ວນເລິກຂອງຫົວໃຈ ຕໍ່ພະນັກງານ, ນັກຮົບອາສາສະ ໝັກ, ຊ່ຽວຊານຫວຽດນາມ ແລະ ນັກຮົບສາກົນອື່ນໆ ທີ່ໄດ້ເສຍສະ ຫລະ ເພື່ອພາລະກິດການປະຕິວັດ ລາວ, ຄຸນງາມຄວາມດີຂອງສະ ຫາຍເຫລົ່ານັ້ນ ຈະສືບຕໍ່ຈາລຶກໄວ້ ໃນປະຫວັດສາດຂອງລາວຕະ ຫລອດໄປ. ບັນດາສະຫາຍ ແລະ ເພື່ອນມິດ ທັງຫຼາຍ ! ປະເທດຊາດຂອງພວກເຮົາ ພວມສືບຕໍ່ກ້າວເດີນບົນເສັ້ນທາງ ສູ່ຈຸດໝາຍປາຍທາງທີ່ປະຊາຊົນ ເຮົາໄດ້ເລືອກໄວ້ ພາຍໃຕ້ການ ນຳພາຂອງພັກ, ພວກເຮົາຈະສືບ ຕໍ່ຍຶດໝັ້ນໃນແນວທາງການຕ່າງ ປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມື, ຮັກສາ ແລະ ເສີມຂະຫຍາຍການ ພົວພັນອັນເປັນປົກກະຕິກັບປະ ເທດຕ່າງໆໃນໂລກ, ບັນດາປະ ເທດໃກ້ຄຽງບົນຫລັກການເຄົາ ລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງກັນ, ບໍ່ແຊກແຊງເຂົ້າວຽກ ງານພາຍໃນຂອງກັນ ແລະ ກັນ, ສະເໝີພາບຕ່າງຝ່າຍຕ່າງມີຜົນ ປະໂຫຍດ ແລະ ຢູ່ຮ່ວມກັນໂດຍ ສັນຕິ, ພວກເຮົາກອງທັບປະຊາ ຊົນລາວ ແລະ ປະຊາຊົນລາວເຜົ່າ ຕ່າງໆ ຈະສືບຕໍ່ປະກອບສ່ວນ ຮ່ວມກັບປະຊາຄົມໂລກຕໍ່ສູ້ເພື່ອ ສ້າງສັນຕິພາບ ແລະ ເພື່ອການ ພັດທະນາ, ຈະສືບຕໍ່ສຸມທຸກຄວາມ ສາມາດ ເພື່ອຮັບປະກັນຄວາມ ໝັ້ນຄົງຂອງຊາດ, ສະຖຽນລະ ພາບ ແລະ ຄວາມສະຫງົບຂອງ ບ້ານເມືອງ, ສ້າງເງື່ອນໄຂອຳ ນວຍໃຫ້ແກ່ການພັດທະນາປະ ເທດຊາດ, ກຽມພ້ອມໃຫ້ແກ່ການ ປົກປ້ອງປະເທດຊາດໃນທຸກກໍລະ ນີສະພາບການ. ເພື່ອເຮັດສຳເລັດຫນ້າທີ່ອັນ ສູງສົ່ງ ແລະ ສັກກາລະບູຊາແຫ່ງ ການປົກປັກຮັກສາ ແລະ ສ້າງສາ ປະເທດຊາດ, ຂ້າພະເຈົ້າຂໍຮຽກ ຮ້ອງການຈັດຕັ້ງພັກ, ລັດ, ມະຫາ ຊົນທຸກຂັ້ນກໍຄືທຸກກົມກອງປະ ກອບອາວຸດ, ນາຍ ແລະ ພົນທະ ຫານທຸກສະຫາຍ ຈົ່ງເຊີດຊູນໍ້າໃຈ ຮັກຊາດສູງສົ່ງ ແລະ ສະຕິຊາດ ເອກະລາດ, ເປັນເຈົ້າຕົນເອງ, ພ້ອມທັງສຸມທຸກຄວາມສາມາດ ແຫ່ງກຳລັງວັງຊາ ແລະ ສະຕິປັນ ຍາເຂົ້າໃນການຈັດຕັ້ງປະຕິບັດ ສອງຫນ້າທີ່ຍຸດທະສາດ ໃນເງື່ອນ ໄຂໃໝ່, ສົມທົບແຫນ້ນວຽກງານ ປ້ອງກັນຊາດ-ປ້ອງກັນຄວາມສະ ຫງົບ ກັບການພັດທະນາເສດຖະ ກິດ-ສັງຄົມ, ປົກປັກຮັກສາໝາກ ຜົນຂອງປະຕິວັດ, ປົກປັກຮັກສາ ລະບອບໃໝ່ໄວ້ໃຫ້ໝັ້ນຄົງ. ຄະນະພັກ, ອົງການປົກຄອງ ແລະ ຂະແຫນງການຕ່າງໆແຕ່ສູນ ກາງລົງຮອດທ້ອງຖິ່ນ ຈົ່ງຍົກສູງ ສະຕິຮັບຜິດຊອບຂອງຕົນຕໍ່ການ ປັບປຸງ, ຍົກລະດັບວຽກງານປ້ອງ ກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ ໃຫ້ເປັນຂະບວນການທີ່ເຂັ້ມແຂງ, ເຮັດໃຫ້ວຽກງານດັ່ງກ່າວສອດ ຫ້ອຍ ໄປໃນທຸກຂົງເຂດວຽກງານ ແລະ ຕິດພັນສະໜິດແຫນ້ນກັບ ການພັດທະນາເສດຖະກິດ-ສັງ ຄົມຂອງປະເທດເຮົາ. ໃນນັ້ນຖື ສຳຄັນແຖວຫນ້າການປັບປຸງ-ກໍ່ ສ້າງກອງທັບປະຊາຊົນລາວ ໃຫ້ ໜັກແໜ້ນ- ເຂັ້ມແຂງຮັກສາບົດ ບາດເປັນກຳລັງຫລັກແຫລ່ງແຂງ ແກ່ນ ໃນການປົກປັກຮັກສາເຂດ ນຳ້ແດນດິນ, ອະທິປະໄຕ ແລະ ຄວາມສະຫງົບສຸກຂອງປະຊາ ຊົນກໍຄືໝາກຜົນຂອງການປະຕິ ວັດ. ຄະນະພັກ, ຄະນະບັນຊາທຸກ ຂັ້ນຕະຫລອດເຖິງພະນັກງານ- ນັກຮົບ ໃນກອງທັບປະຊາຊົນ ລາວ ຈົ່ງຕັ້ງຫນ້າເສີມຂະຫຍາຍ ແຂງແຮງທາດແທ້ ແລະ ມູນເຊື້ອ ຕໍ່ສູ້ອາດຫານຊານໄຊ, ນຳ້ໃຈຮັກ ເຊື້ອແພງຊາດ, ຄວາມຈົ່ງຮັກພັກ ດີຕໍ່ປະເທດຊາດ, ຕໍ່ພັກ ແລະ ຕໍ່ ປະຊາຊົນ. ເດັດດ່ຽວແກ້ໄຂປາ ກົດການຫຍໍ້ທໍ້ດ້ວຍການຍູ້ແຮງ ການສ້າງຫນ່ວຍພັກປອດໃສ, ກົມກອງເຂັ້ມແຂງ, ສ້າງສະຕິ ແລະ ເງື່ອນໄຂກຽມພ້ອມທັບ ມ້າງທຸກກົນອຸບາຍມ້າງເພຂອງ ສັດຕູ, ເດັດດ່ຽວປົກປັກຮັກສາ ເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ ຂອງຊາດ, ຮັບປະກັນສະຖຽນລະ ພາບທາງການເມືອງ ແລະ ຄວາມ ເປັນລະບຽບຮຽບຮ້ອຍຂອງສັງ ຄົມ, ຄວາມສະຫງົບສຸກຂອງປະ ຊາຊົນ. ອອກແຮງປັບປຸງ-ກໍ່ສ້າງກຳ ລັງໃຫ້ຫນັກແຫນ້ນເຂັ້ມແຂງ ຕາມທິດກໍ່ສ້າງກອງທັບປະຕິວັດ ທີ່ມີລະບຽບແບບແຜນ ແລະ ທັນ ສະໄໝ, ຍົກລະດັບຄວາມສາມາດ ໃນການນຳພາ, ບັນຊາ, ການ ກຽມພ້ອມສູ້ຮົບກ້າວສູ່ລະດັບສູງ ເປັນຕົ້ນແມ່ນການພັດທະນາບໍ່ຢຸດ ຢັ້ງທາງດ້ານສິລະປະຍຸດ-ຍຸດທະ ວິທີ, ຍຸດທະສາດ-ຍຸດທະບັ້ນຮົບ, ນຳໃຊ້ຄ່ອງແຄ່ວຊຳນິຊຳນານ ໃນທຸກກໍລະນີຂອງການສູ້ຮົບ. ບັນດາກົມກອງ-ເຫລົ່າຮົບ ຢູ່ບ່ອນໃດຕ້ອງເຮັດວຽກງານຂົນ ຂວາຍກໍ່ສ້າງຮາກຖານການ ເມືອງຢູ່ບ່ອນນັ້ນໃຫ້ດີ, ປັບປຸງອົງ ການປົກຄອງທ້ອງຖິ່ນ, ຕາໜ່າງ ປ້ອງກັນຊາດ-ປ້ອງກັນຄວາມສະ ຫງົບທົ່ວປວງຊົນຮອບດ້ານຢູ່ ຮາກຖານໃຫ້ຫນັກແຫນ້ນເຂັ້ມ ແຂງ ທັງໂຄສະນາຂົນຂວາຍປະ ຊາຊົນ ເຊື່ອມຊຶມກຳແຫນ້ນແນວ ທາງນະໂຍບາຍຂອງພັກ, ກົດ ໝາຍຂອງລັດ, ປຸກລະດົມຄວາມ ສາມັກຄີທົ່ວປວງຊົນໃຫ້ຮັກເຊື້ອ ແພງຊາດ, ຮັກບ້ານເກີດເມືອງ ນອນ, ປົກປັກຮັກສາເຂດນຳ້ແດນ ດິນ ແລະ ພັດທະນາບ້ານຊ່ອງຂອງ ຕົນ, ເພີ່ມທະວີຄວາມສາມັກຄີ ລະຫວ່າງພະນັກງານກັບນັກຮົບ, ການພົວພັນລະຫວ່າງກອງທັບ ກັບປະຊາຊົນ ”ຄືປາກັບນໍ້າ” ໃຫ້ ແຫນ້ນແຟ້ນ, ຮັບປະກັນການເບິ່ງ ແຍງລ້ຽງດູທັບເປັນຢ່າງດີ, ກອງ ທັບປະຊາຊົນລາວຕ້ອງບືນຕົວ ພັດທະນາຄວາມສາມາດຂອງ ຕົນເອງໃນທຸກດ້ານ, ເພີ່ມທະວີ ການຄົ້ນຄວ້າທາງວິທະຍາສາດ, ຍົກສູງຄວາມສາມາດຄົ້ນຄິດ, ຜະລິດ ແລະ ນຳໃຊ້ເຕັກນິກໃໝ່ ເປັນກ້າວໆ, ພ້ອມກັນນັ້ນຕ້ອງບັນ ລຸເປົ້າໝາຍ ”ເພິ່ງຕົນເອງ, ກຸ້ມ ຕົນເອງ ແລະ ສ້າງຄວາມເຂັ້ມ ແຂງດ້ວຍຕົນເອງ” ດ້ວຍການ ສ້າງພະລາທິການກັບທີ່, ເປັນ ເຈົ້າການຍົກລະດັບຊີວິດການ ເປັນຢູ່ຂອງພະນັກງານ-ນັກຮົບ ນັບແຕ່ໃນກົມກອງກຳລັງຫລວງ ຈົນເຖິງກຳລັງຂອງທ້ອງຖິ່ນ ຕ່າງໆ. ບັນດາສະຫາຍ ແລະ ເພື່ອນມິດ ທີ່ຮັກແພງ ! ຜ່ານຂະບວນວິວັດອັນຍາວ ນານ ແລະ ການທົດສອບອັນ ຂ້ຽວຂາດໃນຕະຫລອດໄລຍະ 70 ປີມານີ້, ກອງທັບປະຊາຊົນ ລາວໄດ້ຮັບການຊຸບຫລໍ່ໃຫ້ມີ ຄວາມກ້າແກ່ນ ແລະ ເຕີບໃຫຍ່ ຂະຫຍາຍຕົວຢ່າງບໍ່ຢຸດຢັ້ງ ພັກ ແລະ ລັດເຊື່ອໝັ້ນຢ່າງໜັກແໜ້ນ ວ່າກອງທັບປະຊາຊົນລາວຈະສືບ ຕໍ່ປົກປັກຮັກສາ ແລະ ເສີມຂະ ຫຍາຍທາດແທ້ມູນເຊື້ອອັນສະ ຫງ່າງາມຂອງກອງທັບປະຕິວັດ, ຜ່ານຜ່າຄວາມຫຍຸ້ງຍາກ ແລະ ອຸ ປະສັກຕ່າງໆຍາດເອົາຜົນງານ ແລະ ໄຊຊະນະໃໝ່ໃຫຍ່ຫລວງ ກວ່າເກົ່າ. ເພື່ອໄຊຊະນະຂອງພາລະກິດ ປົກປັກຮັກສາ ແລະ ສ້າງສາປະ ເທດຊາດ ເພື່ອຄວາມຢູ່ເຢັນເປັນ ສຸກຂອງປະຊາຊົນລາວບັນດາ ເຜົ່າ, ເພື່ອອະນາຄົດອັນຮຸ່ງເຮືອງ ເຫລືອງເຫລື້ອມຂອງປິຕຸພູມທີ່ ແສນຮັກຂອງພວກເຮົາ, ກອງທັບ ປະຊາຊົນລາວຈົ່ງເຂັ້ມແຂງກ້າວ ຂຶ້ນ! – ສາທາລະນະລັດ ປະຊາທິປະ ໄຕ ປະຊາຊົນລາວ ໝັ້ນຍືນ! – ພັກປະຊາຊົນປະຕິວັດລາວ ຜູ້ ມີກຽດສະຫງ່າ ໝັ້ນຍືນ! – ນຳ້ໃຈວັນທີ 20 ມັງກອນ ໝັ້ນຍືນ ! ຂໍຂອບໃຈ