ປະກາດບົ່ງຕົວແຕ່ງຕັ້ງປ່ຽນແທນເລຂາ, ຮອງເລຂາ ແລະ ກຳມະການກວດກາພັກ ໜ່ວຍພັກກົມໂຄສະນາອົບຮົມ

ວັນທີ 4 ທັນວາ 2024, ກົມໃຫຍ່ການເມືອງກອງທັບ ໄດ້ປະກາດບົ່ງຕົວແຕ່ງຕັ້ງປ່ຽນແທນເລຂາ, ຮອງເລຂາ ແລະ ກຳມະການກວດກາພັກ ໜ່ວຍພັກກົມໂຄສະນາອົບຮົມ ກົມໃຫຍ່ການເມືອງກອງທັບ. ໂດຍການເປັນປະທານຂອງ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈໍາພັກ ກະຊວງປ້ອງກັນປະເທດ ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ – ຄະນະບັນຊາ, ກົມກອງອ້ອມຂ້າງ ແລະ ພະນັກງານ – ນັກຮົບກົມໂຄສະນາອົບຮົມ ເຂົ້າຮ່ວມ.
ສະຫາຍ ພັນໂທ ອານຸສິດ ບໍໃບຄໍາ ຫົວໜ້າພະແນກຈັດຕັ້ງພັກ ຫ້ອງການເມືອງ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງວ່າດ້ວຍການບົ່ງຕົວ ແຕ່ງຕັ້ງ ປ່ຽນແທນເລຂາ, ຮອງເລຂາ ແລະ ກຳມະການ ໜ່ວຍພັກກົມໂຄສະນາອົບຮົມ ກົມໃຫຍ່ການເມືອງກອງທັບ ຕົກລົງແຕ່ງຕັ້ງສະຫາຍ ພັນເອກ ແກ້ວສຸວັນ ຜາງພິລາວົງ ເປັນເລຂາໜ່ວຍພັກ, ສະຫາຍ ພັນເອກ ແສງອາລຸນ ແກ້ວສະຫວ່າງ ເປັນຮອງເລຂາ ແລະ ພັນເອກ ປອ ທິມສາວ ດວງຈໍາປາ ເປັນກຳມະການກວດກາພັກ.
ຈາກນັ້ນ, ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄສະນາອົບຮົມ ກົມໃຫຍ່ເມືອງກອງທັບ ໄດ້ຜ່ານຂໍ້ຕົກລົງ ວ່າດ້ວຍການແບ່ງຄວາມຮັບຜິດຊອບຊີ້ນໍາຂອງຄະນະກົມໂຄສະນາອົບຮົມ ດັ່ງນີ້: 1. ໃຫ້ ສະຫາຍ ພັນເອກ ແກ້ວສຸວັນ ຜາງພິລາວົງ ຫົວໜ້າກົມໂຄສະນາອົບຮົມ ນໍາພາ-ຊີ້ນໍາລວມ, ເປັນຜູ້ສັ່ງການເອກ, ຄຸ້ມຄອງນໍາໃຊ້ງົບປະມານ ແລະ ນໍ້າມັນເຊື້ອໄຟຂອງກົມ, ລົງເລິກຊີ້ນໍາພະແນກແຜນການສັງລວມ, ກອງໂທລະພາບກອງທັບ ແລະ ຫໍພິພິທະພັນປະຫວັດສາດກອງທັບ. 2. ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄສະນາອົບຮົມ ຊີ້ນໍາວຽກງານພັກ-ວຽກງານການເມືອງ, ວຽກງານນະໂຍບາຍ, ວຽກງານພິທີການ, ວຽກງານ-ສະຫຼຸບ, ສັງລວມ ແລະ ວຽກງານຂະບວນການຂອງກົມ ລົງເລິກຊີ້ນໍາພະແນກໂຄສະນາ, ພະແນກວິຈິດສິນ, ກອງວາລະສານປ້ອງກັນຊາດ ແລະ ໂຮງພິມກອງທັບ. 3. ສະຫາຍ ພັນເອກ ປອ ທິມສາວ ດວງຈໍາປາ ຮອງຫົວໜ້າກົມໂຄສະນາອົບຮົມ ລົງເລິກຊີ້ນໍາພະແນກອົບຮົມ, ພະແນກສື່ມວນຊົນ, ກອງບັນນາທິການໜັງສືພິມກອງທັບ ແລະ ກອງວິທະຍຸກະຈາຍສຽງກອງທັບ ແລະ 4. ສະຫາຍ ພັນໂທ ໄຊຊະນະ ສະເຫຼີມສັກ ຮອງຫົວໜ້າກົມໂຄສະນາອົບຮົມ. ລົງເລິກຊີ້ນໍາພະແນກວັດທະນະທຳ, ພະແນກຮູບເງົາ-ໂທລະໂຄ່ງ, ກອງສິລະປະກອນກອງທັບ ແລະ ຫໍສະໝຸດກອງທັບ.
ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ໂອ້ລົມຕໍ່ຜູ້ທີ່ຖືກບົ່ງຕົວແຕ່ງຕັ້ງມອບໝາຍໜ້າທີ່ໃຫມ່ໃນຄັ້ງນີ້, ຈົ່ງເພີ່ມທະວີຕໍ່ໜ້າທີ່ການເມືອງຂອງຕົນ, ສຶກສາອົບຮົມການເມືອງນໍາພາ – ແນວຄິດ ເຮັດໃຫ້ພະນັກງານ – ນັກຮົບ ມີຄວາມຮັບຮູ້ເຊື່ອມຊຶມຕໍ່ແນວທາງນະໂຍບາຍຂອງພັກ – ລັດ, ຮັກສາໄດ້ຄວາມສາມັກຄີພາຍໃນໃຫ້ແໜ້ນແຟ້ນ, ສຶບຕໍ່ຮັກສາມູນເຊື້ອອັນດີງາມຂອງຊາດ ຂອງພັກ ຂອງກອງທັບ ແລະ ເປັນເຈົ້າການສຸມໃສ່ວຽກງານວິຊາສະເພາະທີ່ຂັ້ນເທິງມອບໝາຍໃຫ້ສໍາເລັດ, ພ້ອມທັງປັບປຸງແບບແຜນການເຮັດວຽກໃຫ້ມີວິທະຍາສາດ ເພື່ອກໍ່ສ້າງກົມໂຄສະນາອົບຮົມ ໃຫ້ພັດທະນາຂື້ນກວ່າເກົ່າ.
ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ