ພິທີເປີດຊຸດເຝິກອົບຮົມວຽກງານຫໍພິພິທະພັນ ແລະ ຫໍມູນເຊື້ອກອງທັບ ຄັ້ງທີ I

ພິທີຊຸດເປີດເຝິກອົບຮົມວຽກງານຫໍພິພິທະພັນ ແລະ ຫໍມູນເຊື້ອກອງທັບ ຄັ້ງທີ I ໃຫ້ພະນັກງານຫໍພິພິທະພັນ-ຫໍມູນເຊື້ອກອງທັບ ເຂດພາກກາງ ທີ່ຫໍພິພິທະພັນມູນເຊື້ອໄຊຊະນະຮ່ວມສໍາພັນສູ້ຮົບລາວ-ຫວຽດນາມ ບໍລິເວນທາງເລກ 9 ໃນວັນທີ 18-27 ທັນວາ 2024 ນີ້, ໂດຍເປັນປະທານຂອງສະຫາຍ ພັນເອກ ແກ້ວສຸວັນ ຜາງພິລາວົງ ກໍາມະການຄະນະພັກກົມໃຫຍ່, ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາກອງບັນຊາການທະຫານແຂວງ, ປກສ ແຂວງ, ກອງບັນຊາການທະຫານເມືອງ ແລະ ອົງການຈັດຕັ້ງທີ່ກ່ຽວຂ້ອງ ພ້ອມດ້ວຍຄູ-ອາຈານ ແລະ ນັກເຝິກອົບຮົມເຂົ້າຮ່ວມ.
ສະຫາຍ ພັນໂທ ສີສຸມັງ ມີໄຊຜົນ ຫົວໜ້າອໍານວຍການຫໍພິພິພທະພັນປະຫວັດສາດກອງທັບ ໃຫ້ຮູ້ວ່າ: ການເປີດຊຸດເຝິກອົບຮົມໄລຍະສັ້ນ ວຽກງານຫໍພິພິທະພັນ, ຫໍມູນເຊື້ອກອງທັບຄັ້ງ I ໃນຄັ້ງນີ້ ເພື່ອແນໃສ່ສ້າງພະນັກງານວິຊາການທາງດ້ານຫໍພິພິທະພັນປະຫວັດສາດກອງທັບໃຫ້ກໍາແໜ້ນມູນເຊື້ອຂອງປະຫວັດສາດການຕໍ່ສູ້ພິລະອາດຫານຂອງກອງທັບ ແລະ ປະຊາຊົນລາວ ເຊິ່ງເອກະສານທີ່ນໍາມາເຝິກອົບຮົມໃນຄັ້ງນີ້ປະກອບມີ 6 ບົດຄື: ຄວາມຮູ້ຟື້ນຖານກ່ຽວກັບວຽກງານພິພິທະພັນຫໍມູນເຊື້ອ, ວຽກງານການຊອກຄົ້ນວັດຖຸພັນ, ວຽກງານການກວດກາບັນຊີ ແລະ ຂຶ້ນທະບຽນວັດຖຸ, ວຽກງານການປົກປັກຮັກສາວັດຖຸ, ວຽກງານການຈັດວາງສະແດງ ແລະ ວຽກງານໂຄສະນາສຶກສາ-ວຽກງານນຳທ່ຽວ; ໃນນີ້ພາກທິດສະດີ 18 ຕອນ, ພາກປະຕິບັດຕົວຈິງ 5 ຕອນ, ມີຈໍານວນພົນເຂົ້າຮ່ວມ 35 ສະຫາຍ, ມາຈາກກອງບັນຊາການທະຫານເມືອງ, 1 ນະຄອນໄກສອນ ພົມວິຫານ ແລະ ພະນັກງານຫໍພິພິທະພັນມູນເຊື້ອຮ່ວມສຳພັນສູ້ຮົບລາວ-ຫວຽມນາມ ບໍລິເວນທາງເລກ 9.
ໂອກາດນີ້, ສະຫາຍ ພັນເອກ ແກ້ວສຸວັນ ຜາງພິລາວົງ ໄດ້ເນັ້ນແຕ່ລະສະຫາຍຈົ່ງພ້ອມກັນເອົາໃຈໃສ່ຊີ້ນຳ, ຕິດຕາມການດຳເນີນວຽກງານການເຝິກອົບຮົມໃຫ້ດີ, ພ້ອມກັນອົດທົນຜ່ານຜ່າຄວາມຫຍຸ້ງຍາກ ຍົກສູງຄວາມຮັບຜິດຊອບຕໍໜ້າທີ່ການເມືອງຂອງຕົນ, ເພື່ອເຮັດໃຫ້ຊຸດເຝິກອົບຮົມໃນຄັ້ງນີ້ດໍາເນີນໄປດ້ວຍຜົນສຳເລັດຜົນຢ່າງຈົບງາມ.
ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ