ມອບ-ຮັບ ໜ້າທີ່ລະຫວ່າງຫົວໜ້າກົມໃຫຍ່ການເມືອງກອງທັບ ຜູ້ເກົ່າ ແລະ ຜູ້ໃໝ

ພິທີມອບ-ຮັບ ໜ້າທີ່ລະຫວ່າງ ສະຫາຍ ພົນໂທ ສຈ ປອ ທອງລອຍ ສິລິວົງ ຫົວໜ້າກົມໃຫຍ່ການເມືອງກອງທັບ ( ຜູ້ເກົ່າ) ແລະ ສະຫາຍ ພົນຕີ ວົງສອນ ອິນປານພິມ ຫົວໜ້າກົມ ໃຫຍ່ການເມືອງກອງທັບ ( ຜູ້ໃໝ່ ), ໄດ້ຈັດຂຶ້ນໃນວັນທີ 24 ທັນວາ 2024 ນີ້, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີຄະນະພັກກະຊວງປ້ອງກັນປະເທດ, ຄະນະນຳ 4 ກົມໃຫຍ່, ຫ້ອງວ່າການກະຊວງປ້ອງກັນປະເທດພ້ອມດ້ວຍບັນດາກົມກອງ ເຂົ້າຮ່ວມ.
ສະຫາຍ ພົນໂທ ສຈ ປອ ທອງລອຍ ສິລິວົງ ຫົວໜ້າກົມໃຫຍ່ການເມືອງກອງທັບ ( ຜູ້ເກົ່າ ) ໄດ້ກ່າວມອບໝາຍໜ້າທີ່ ແລະ ຜ່ານບົດສະຫຼຸບໂດຍຫຍ ໍ້ໃນໄລຍະຜ່ານມາທ ີ່ໄດ້ດຳລົງຕຳແໜ່ງເປັນຫົວໜ້າກົມໃຫຍ່ການເມືອງກອງທັບ ໄດ້ເປັນເຈົ້າການເອົາໃຈໃສ່ນຳພາ-ຊີ້ນຳ ວຽກງານຕາມພາລະບົດບາດ, ໜ້າທີ່ຂອງກົມໃຫຍ່ການເມືອງກອງທັບ ເຊິ່ງສາມາດຍາດໄດ້ຜົນງານຫຼາຍດ້ານ, ບັນດາກົມກອງ ແລະ ສະມາຊິກພັກ-ພະນັກງານມີແນວຄິດການເມືອງໜັກແໜ້ນ, ມີຄວາມຈົງຮັກພັກດີຕ ໍ່ປະເທດ ຊາດ, ຕໍ່ພັກ, ຕໍ່ປະຊາຊົນ ຜົນງານດັ່ງກ່າວກໍຍ້ອນມີການນຳພາຢ່າງໃກ້ຊິຂອງອົງຄະນະພັກກະຊວງປ້ອງກັນປະເທດ ກໍຄືຄະນະພັກແຕ່ລະຂັ້ນ ເຮັດໃຫ້ກົມໃຫຍ່ການເມືອງກອງທັບ ມີຄວາມເຕີບໃຫຍ່ເຂັ້ມແຂງຂຶ້ນເລື້ອຍໆ. ຈາກນັ້ນ, ສະຫາຍ ພົນຕີ ວົງສອນ ອິນປານພິມ ຫົວໜ້າກົມໃຫຍ່ການເມືອງກອງທັບ ( ຜູ້ໃໝ່ ) ກໍໄດ້ກ່າວຮັບໜ້າທີ່ພ້ອມທັງກ່າວວ່າຈະສືບຕໍ່ນຳພາ-ຊີ້ນຳ ກົມໃຫຍ່ການເມືອງກອງທັບ ມີຜົນງານອັນໃໝ່ໃຫຍ່ຫຼວງກວ່າເກົ່າ. ຈາກນັ້ນ, ກໍໄດ້ມີພິທີເຊັນມອບ-ຮັບໜ້າທີ່ລະຫວ່າງ ສະຫາຍ ພົນໂທ ສຈ ປອ ທອງ ລອຍ ສິລິວົງ ຫົວໜ້າກົມໃຫຍ່ການເມືອງກອງທັບ ( ຜູ້ເກົ່າ ) ແລະ ສະຫາຍ ພົນຕີ ວົງສອນ ອິນປານພິມ ຫົວໜ້າກົມໃຫຍ່ການເມືອງ (ຜູ້ໃໝ່).
ໂອກາດນີ້, ສະຫາຍ ພົນໂທ ຄຳລຽງ ອຸທະໄກສອນ ໄດ້ກ່າວສະແດງຄວາມຍ້ອງຍໍຊົມເຊີຍຕ ໍ່ ກັບຜົນງານທີ່ຫົວໜ້າກົມໃຫຍ່ການເມືອງກອງທັບ ຜູ້ເກົ່າ ທີ່ໄດ້ນຳພາ ແລະ ຍາດຜົນງານມາໄດ້ ໃນໄລຍະຜ່ານມາ. ພ້ອມທັງເນັ້ນໜັກໃຫ້ ຫົວໜ້າກົມໃຫຍ່ ການເມືອງກອງທັບຜູ້ໃໝ່ ຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃນການນຳພາ-ຊີ້ນຳຂົງເຂດວຽກງານຕາມພາລະບົດບາດຂອງຕົນດ້ວຍຄວາມຮັບຜິດຊອບສູງ.
ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ