ກົມໂຄສະນາອົບຮົມ ປກສ ເຂົ້າອວຍພອນ ກົມໂຄສະນາອົບຮົມ ກົມໃຫຍ່ການເມືອງກອງທັບ

ວັນທີ 15 ມັງກອນ 2025 ນີ້, ກົມໂຄສະນາອົບຮົມ ປກສ ນໍາໂດຍ ສະຫາຍ ພັນເອກ ປອ ສົມພັນ ສີວົງໄຊ ຫົວໜ້າກົມໂຄສະນາອົບຮົມ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນ ເຂົ້າອວຍພອນ ກົມໂຄສະນາອົບຮົມ ກົມໃຫຍ່ການເມືອງກອງທັບ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ.
ໂອກາດນີ້, ສະຫາຍ ພັນເອກ ປອ ສົມພັນ ສີວົງໄຊ ໄດ້ຕາງໜ້າໃຫ້ກົມໂຄສະນາອົບຮົມ ກະຊວງປ້ອງກັນຄວາມສະຫງົບ ກ່າວຄໍາອວຍພອນໄຊອັນປະເສີດ ມາຍັງຄະນະນໍາ, ພະນັກງານ-ນັກຮົບ ທົ່ວກົມໂຄສະນາອົບຮົມ ກົມໃຫຍ່ການເມືອງກອງທັບ ຈົ່ງມີສຸຂະພາບແຂງແຮງ, ມີຜົນສຳເລັດໃນໜ້າທີ່ວຽກງານ ທີ່ພັກ-ລັດ ແລະ ການຈັດຕັ້ງມອບໝາຍໃຫ້, ອວຍພອນໃຫ້ການພົວພັນ ແລະ ການຮ່ວມມືທີ່ແໜ້ນແຟ້ນ ຂອງສອງກົມໂຄສະນາອົບຮົມ ຈົ່ງໝັ້ນຄົງທະນົງແກ່ນຕະຫຼອດໄປ.
ໂອກາດດຽວກັນນີ້, ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ໄດ້ກ່າວສະແດງຄວາມຂອບໃຈຕໍ່ຫົວໜ້າກົມໂຄສະນາອົບຮົມ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ທີ່ໄດ້ນໍາເອົາກະຕ່າຂອງຂວັນ ແລະ ຄໍາອວຍພອນໄຊອັນຈົບງາມຄັ້ງນີ້ ພ້ອມທັງ, ອວຍພອນຄືນໃຫ້ສະຫາຍ ພ້ອມຄະນະ ຈົ່ງມີສຸຂະພາບເຂັ້ມແຂງ, ເຮັດສຳເລັດໃນໜ້າທີ່ວຽກງານຂອງຕົນ, ສືບຕໍ່ນໍາພາ-ຊີ້ນຳກົມໂຄສະນາອົບຮົມ ກະຊວງປ້ອງກັນຄວາມສະຫງົບໃຫ້ເຕີບໃຫຍ່ເຂັ້ມແຂງ ແລະ ອວຍພອນໃຫ້ສາຍພົວພັນຂອງສອງກົມໂຄສະນາອົບຮົມ ກົມໃຫຍ່ການເມືອງກອງທັບ ແລະ ກົມໂຄສະນາອົບຮົມ ກະຊວງປ້ອງກັນຄວາມສະຫງົບທີ່ມີການພົວພັນກັນຢ່າງສະໜິດແໜ້ນ ແລະ ນັບມື້ໄດ້ຮັບການພົວພັນຮ່ວມມືກັນຢ່າງໃກ້ຊິດ.
ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ