ປະກາດການແຕ່ງຕັ້ງຂັ້ນຮອງລັດຖະມົນຕີ, ຄະນະກົມໃຫຍ່, ຫ້ອງວ່າການກະຊວງປ້ອງກັນປະເທດ

ວັນທີ 15 ມັງກອນ 2025 ນີ້, ກະຊວງປ້ອງກັນປະເທດ ໄດ້ຈັດພິທີປະກາດການແຕ່ງຕັ້ງ ຂັ້ນຮອງລັດຖະມົນຕີ, ຄະນະກົມໃຫຍ່, ຫ້ອງວ່າການກະຊວງປ້ອງກັນປະເທດ, ກອງພົນ ແລະ ກອງບັນຊາການ ທີ່ຂຶ້ນກັບກະຊວງປ້ອງກັນປະເທດ ໂດຍການເປັນປະທານຂອງ ສະຫາຍ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ, ມີ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີບັນດາຄະນະນຳກະຊວງປ້ອງກັນປະເທດ, ແຂກທີ່ຖືກເຊີນ ແລະ ພະນັກງານຫຼັກແຫຼ່ງເຂົ້າຮ່ວມ.
ສະຫາຍ ດອນ ໄພວົງ ກຳມະການຄະນະພັກ, ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຜ່ານດຳລັດຂອງນາຍົກລັດຖະມົນຕີແຫ່ງ ສປປ ລາວ ວ່າດ້ວຍການແຕ່ງຕັ້ງຂັ້ນຮອງລັດຖະມົນຕີ, ຄະນະກົມໃຫຍ່, ຫ້ອງວ່າການກະຊວງ, ກອງພົນ, ກອງບັນຊາການ ຂຶ້ນກັບກະຊວງປ້ອງກັນປະເທດ. ໃນນີ້, ນາຍົກລັດຖະມົນຕີ ອອກ ດຳລັດມາດຕາ 1 ແຕ່ງຕັ້ງ ສະຫາຍ ພົນຕີ ສາຍໃຈ ກົມມະສິດ ເປັນຮອງລັດຖະມົນຕີກະຊວງປ້ອງກັນປະເທດ, ທັງເປັນຫົວໜ້າກົມໃຫຍ່ເສນາທິການກອງທັບ, ສະຫາຍ ພົນຕີ ວົງສອນ ອິນປານພິມ ເປັນຮອງລັດຖະມົນຕີກະຊວງປ້ອງກັນປະເທດ, ສະຫາຍ ພົນຈັດຕະວາ ກົງທອງ ສຸຂະວົງ ເປັນຮອງຫົວໜ້າກົມໃຫຍ່ເສນາທິການກອງທັບ, ສະຫາຍ ພົນຈັດຕະວາ ສີພອນໄຊ ຄຳທອງເຫວີນ ເປັນຮອງຫົວໜ້າກົມໃຫຍ່ເສນາທິການກອງທັບ, ສະຫາຍ ພົນຈັດຕະວາ ເດືອນສະຫວັນ ສາຍພິມຄຳປະທຸມ ເປັນຮອງຫົວໜ້າກົມໃຫຍ່ການເມືອງກອງທັບ, ສະຫາຍ ພົນຈັດຕະວາ ຈັນດີ ສຸລິວົງສັກ ເປັນຫົວໜ້າກົມໃຫຍ່ພະລາທິການກອງທັບ, ສະຫາຍ ພົນຕີ ສົມພອນ ມິດຕະພອນ ເປັນຫົວໜ້າຫ້ອງວ່າການກະຊວງປ້ອງກັນປະເທດ, ສະຫາຍ ພົນຕີ ພັນແສງ ບຸນພັນ ເປັນຮັກສາການຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ, ສະຫາຍ ພົນຈັດຕະວາ ຂວັນມິ່ງ ບິດາສັກ ເປັນຫົວໜ້າກົມວິທະຍາສາດ-ປະຫວັດສາດການທະຫານ, ສະຫາຍ ພົນຈັດຕະວາ ທະນູກອນ ສຸລິຍະແສງ ເປັນຫົວໜ້າການເມືອງ ກອງບັນຊາການທະຫານອາກາດ, ສະຫາຍ ພັນເອກ ອຸ່ນຄຳ ສີແຫວນວົງສັກ ເປັນຜູ້ບັນຊາການກອງບັນຊາການທະຫານຊາຍແດນ, ສະຫາຍ ພົນຈັດຕະວາ ສີ ທະວີໄຊ ເປັນຫົວໜ້າການເມືອງກອງບັນຊາການທະຫານຊາຍແດນ, ສະຫາຍ ພັນເອກ ຄຳຊາວ ລິນທະກຸນແກ້ວ ເປັນຫົວໜ້າການທະຫານກອງພົນທີ 1, ສະຫາຍ ພັນເອກ ສອນເພັດ ຈັນສົມ ເປັນຫົວໜ້າການທະຫານກອງພົນທີ 2, ສະຫາຍ ພົນຈັດຕະວາ ຄຳດີ ໄຊຍະວົງ ເປັນຫົວໜ້າການເມືອງກອງພົນທີ 2, ສະຫາຍ ພັນເອກ ໃຈເພັດ ວົງແສນສົມ ເປັນຫົວໜ້າການເມືອງກອງພົນທີ 4, ສະຫາຍ ພັນເອກ ຄຳກົດ ອີນສີນາ ເປັນຫົວໜ້າການເມືອງກອງພົນທີ 5. ພ້ອມນີ້, ກໍໄດ້ຜ່ານຄຳສັ່ງຂອງນາຍົກລັດຖະມົນຕີ ວ່າດ້ວຍການຍົກຍ້າຍພະນັກງານຂັ້ນນຳພາ-ບັນຊາໄປຮັບໜ້າທີ່ໃໝ່, ໃນນີ້, ນາຍົກລັດຖະມົນຕີ ອອກຄຳສັ່ງຍົກຍ້າຍ ສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ ໄປຮັບໜ້າທີ່
ໃໝ່ຢູ່ແຂວງບໍ່ແກ້ວ. ຈາກນັ້ນ, ຍັງໄດ້ຜ່ານບັນດາມະຕິບົ່ງຕົວແຕ່ງຕັ້ງຄະນະປະຈຳພັກກະຊວງປ້ອງກັນປະເທດ, ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຜ່ານມະຕິແຕ່ງຕັ້ງບົ່ງຕົວເລຂາຄະນະພັກກົມໃຫຍ່, ຫ້ອງວ່າການກະຊວງປ້ອງກັນປະເທດ ຕື່ມອີກຈຳນວນໜຶ່ງ.
ສະຫາຍ ປອ ບຸນທອງ ຈິດມະນີ ໄດ້ກ່າວວ່າ: ຜ່ານມາ, ພວກເຮົາກໍໄດ້ດໍາເນີນການສັບປ່ຽນໜ້າທີ່, ໜູນວຽນບ່ອນປະຈໍາການຂອງ ພະນັກງານການນໍາ ໃນລະບົບການເມືອງ ທັງຢູ່ຂັ້ນສູນກາງ ແລະ ທ້ອງຖິ່ນ ເຊິ່ງເປັນວຽກງານປົກກະຕິ ແລະ ແມ່ນຫຼັກການພື້ນຖານອັນໜຶ່ງໃນວຽກງານພະນັກງານຂອງພັກເຮົາ ເພື່ອປັບປຸງການນໍາພາ-ຊີ້ນໍາ ໃຫ້ດີຂຶ້ນເລື້ອຍໆ, ຍົກສູງຄວາມຮູ້, ຄວາມສາມາດໃນວຽກງານຕົວຈິງ ແລະ ທັງເປັນການເຝິກຝົນ, ທົດສອບພະນັກງານການນໍາຂອງພວກເຮົາ, ສ້າງໃຫ້ໄດ້ພະນັກງານຫຼັກແຫຼ່ງສືບທອດປ່ຽນແທນທີ່ມີຄວາມເຂັ້ມແຂງ, ໜັກແໜ້ນຢ່າງບໍ່ຢຸດຢັ້ງຫຼີກລ້ຽງການມີຮອຍຕໍ່, ບໍ່ໃຫ້ສະດຸດຢຸດຈຶ້ງແຕ່ຢ່າງໃດ, ໃຫ້ບັນດາການນໍາທຸກຂັ້ນຂອງກະຊວງປ້ອງກັນປະເທດ ແລະ ໃນທົ່ວກອງທັບເປັນເອກະພາບສູງເຫດຜົນ, ຄວາມຈໍາເປັນຕໍ່ກັບການຍົກຍ້າຍ, ແຕ່ງຕັ້ງ ແລະ ສັບປ່ຽນໜ້າທີ່ພະນັກງານນຳພາ-ບັນຊາ ຂອງກະຊວງປ້ອງກັນປະເທດ ໃນຄັ້ງນີ້. ບົນພື້ນຖານນັ້ນໃຫ້ນໍາພາແນວຄິດຂອງສະມາຊິກພັກ, ພະນັກງານ, ນັກຮົບຕະຫຼອດເຖິງປະຊາຊົນໃຫ້ຮັບຮູ້ເຂົ້າໃຈທີ່ຖືກຕ້ອງ, ບໍ່ໃຫ້ເປັນຊ່ອງວ່າງໃຫ້ພວກບໍ່ຫວັງດີໂຄສະນາທັບຖົມໂຈມຕີ ແລະ ແບ່ງແຍກພາຍໃນຂອງພວກເຮົາໄດ້, ພ້ອມກັນນີ້ ບັນດາສະຫາຍ ຕ້ອງໄດ້ສືບຕໍ່ຮ່ວມແຮງຮ່ວມໃຈກັນເປັນຈິດໜຶ່ງໃຈດຽວ, ຈັບມືກັນແໜ້ນ, ຊ່ວຍເຫຼືອເຊິ່ງກັນ ແລະ ກັນ ເພື່ອສືບຕໍ່ປະຕິບັດພາລະກິດ, ໜ້າທີ່ການເມືອງອັນສູງສົ່ງທີ່ພັກມອບໝາຍໃຫ້ກະຊວງປ້ອງກັນປະເທດ ກໍຄືກອງທັບໃຫ້ມີຜົນສໍາເລັດ ແລະ ມີການເຕີບໃຫຍ່ເຂັ້ມແຂງຂຶ້ນເລື້ອຍໆ, ສືບຕໍ່ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ສະມາຊິກພັກ, ພະນັກງານ-ນັກຮົບ ເຊື່ອມຊຶມ, ກໍາແໜ້ນແນວທາງນະໂຍບາຍຂອງພັກ, ໜ້າທີ່ການເມືອງຂອງ ກອງທັບ, ມີຄວາມເຊື່ອໝັ້ນຕໍ່ອຸ ດົມການຂອງພັກ, ຈົ່ງຮັກພັກດີ ຕໍ່ປະເທດຊາດ ແລະ ຕໍ່ປະຊາຊົນ, ມີຄວາມເອກອ້າງທະນົງໃຈຕໍ່ມູນເຊື້ອ, ວິລະກໍາການຕໍ່ສູ້ພິລະອາດຫານ ແລະ ສູ້ຮົບມີໄຊ ທີ່ສະຫງ່າອົງອາດ ຂອງກອງທັບ, ທັງຮູ້ຕັ້ງໜ້າເສີມຂະຫຍາຍທາດແທ້ມູນເຊື້ອປະຕິວັດ ຂອງແຕ່ລະ ກົມກອງ ຂອງແຕ່ລະນັກຮົບ, ນາຍ ແລະ ພົນທະຫານ ໃຫ້ສູງ ເດັ່ນຂຶ້ນຢ່າງບໍ່ຢຸດຢັ້ງ, ເພິ່ມທະ ວີຄວາມເອົາໃຈໃສ່ຕໍ່ວຽກງານ ກໍ່ສ້າງພັກ, ພະນັກງານຕາມທິດ ຖືຄຸນນະພາບເປັນກົກ ແລະ ຫັນ ເປັນໜຸ່ມ, ສຸມໃສ່ກໍ່ສ້າງໜ່ວຍ ພັກປອດໄສ ເຂັ້ມແຂງ ໜັກແໜ້ນ, ສະເພາະໜ້ານີ້ ໃຫ້ສຸມໃສ່ກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ ຈັດຕັ້ງດໍາເນີນ ຊີວິດການເມືອງພາຍໃນພັກ ໃຫ້ເລິກເຊິ່ງ ເພື່ອປັບປຸງຄະນະ ພັກ ແລະ ສະມາຊິກພັກ ໃຫ້ເຂັ້ມ ແຂງ; ວຽກງານພະນັກງານ ຕ້ອງສ້າງໃຫ້ໄດ້ພະນັກງານສືບ ທອດບປ່ຽນແທນ ຢູ່ແຕ່ລະກົມ ກອງ ລວມທັງຢູ່ກະຊວງ, ເອົາໃຈ ໃສ່ສ້າງໃຫ້ມີໂຄງປະກອບ ເຜົ່າ ຕ່າງໆ ຢູ່ໃນພະນັກງານຂັ້ນບັງ ຂັບບັນຊາຂັ້ນຕ່າງໆ, ເພີ່ມທະວີ ການຕິດຕາມ, ກວດກາຄວາມ ມີລະບຽບວິໄນ, ການເຄົາລົບ ກົດໝາຍ ແລະ ວິໄນຂອງກອງ ທັບ ໃຫ້ເປັນປົກກະຕິເພື່ອສະກັດ ກັ້ນສະພາບຫຍໍ້ທໍ້ຕ່າງໆ ທີ່ຈະ ເກີດຂຶ້ນ ໃນກອງທັບ ກໍຄືຢູ່ແຕ່ລະ ກົມກອງ ເປັນຕົ້ນແມ່ນ ການສວຍ ໃຊ້ໜ້າທີ່ ກໍຄືບົດບາດຂອງກອງທັບໃນທາງບໍ່ຖືກຕ້ອງ, ການບໍ່ເຂັ້ມງວດໃນການປະຕິບັດລະບຽບວິໄນ ຂອງກອງທັບ, ບໍ່ປະຕິບັດລະບອບປະຈໍາການ, ລະບອບການເວນຍາມ ເປັນ ປົກກະຕິ, ການບໍ່ຕັ້ງໜ້າເຝິກ ຝົນຫຼໍ່ຫຼອມຕົນເອງ ແລະ ອື່ນໆ, ຕັ້ງໜ້າປ້ອງກັນ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆ ພາຍໃນກອງທັບ ຢ່າງເດັດຂາດ ຕິດພັນກັບການຍົກສູງສະຕິລະ ວັງຕົວ ຕໍ່ກົນອຸບາຍລ່ຽມລາຍ ຂອງອິດທິກໍາລັງປໍລະປັກ ແລະ ພວກຄົນບໍ່ດີ, ຕ້ານການປະຕິວັດສີ, ການຫັນປ່ຽນໂດຍສັນຕິ ແລະ ຫັນປ່ຽນໂດຍຕົນເອງ, ພັກເຮົາ, ກອງທັບເຮົາເວລາໃດກໍ ຖືສໍາຄັນ ແລະ ເອົາໃຈໃສ່ຄວາມສາມັກຄີ, ຄວາມເປັນເອກະພາບພາຍໃນ ຕາມແນວທາງ ແລະ ຫຼັກການຂອງພັກໃຫ້ໜັກແໜ້ນຢູ່ສະເໝີ, ຖືບັນຫາດັ່ງກ່າວ ເປັນປັດໄຈສໍາຄັນ, ທັງເປັນກໍາ ລັງແຮງໃນການຄໍ້າປະກັນຜົນ ສໍາເລັດແຫ່ງການ ນໍາພາ-ຊີ້ນໍາ ຂອງພັກ. ດ້ວຍເຫດນັ້ນ ພວກເຮົາ ສືບຕໍ່ປົກປັກຮັກສາ ແລະ ເສີມ ສ້າງຄວາມສາມັກຄີເປັນປຶກ ແຜ່ນ ແລະ ຄວາມເປັນແບບຢ່າງນໍາ ໜ້າຂອງພັກ ໂດຍສະເພາະ ຢູ່ພາຍໃນຄະນະພັກ-ຄະນະປະ ຈໍາພັກກະຊວງ, ຄະນະພັກແຕ່ ລະຂັ້ນ, ໃຫ້ມີຄວາມໜັກແໜ້ນ, ມີຄວາມເປັນເອກະພາບສູງ ເພື່ອສືບຕໍ່ເປັນຫຼັກແຫຼ່ງ, ເປັນຄັນທຸງ ແລະ ເປັນແກນນໍາ ໃນການນໍາ ພາເຕົ້າໂຮມ ຄວາມສາມັກຄີ ໃນ ຖັນແຖວສະມາຊິກພັກ, ພະນັກ ງານ-ນັກຮົບ ໃນທົ່ວກອງທັບ, ເພື່ອໃຫ້ບັນລຸເປົ້າໝາຍດັ່ງກ່າວ ຕ້ອງຖືສໍາຄັນ ແລະ ເອົາໃຈໃສ່ປັບປຸງແບບແຜນວິທີເຮັດວຽກ, ແບບແຜນນໍາພາຂອງຄະນະພັກ, ຄະນະບັນຊາແຕ່ລະຂັ້ນ, ເປີດກວ້າງປະຊາທິປະໄຕເສີມຂະຫຍາຍຫົວຄິດປະດິດສ້າງຂອງໝູ່ຄະນະ ແລະ ມະຫາຊົນ, ແຕ່ຕ້ອງລວມສູນເປັນເອກະພາບ ໃນການຊີ້ນໍາບັນຊາທີ່ເດັດດ່ຽວວ່ອງໄວ, ທັນການ, ສືບຕໍ່ຊີ້ນໍາການປະຕິບັດຍຸດທະສາດຫັນລົງກໍ່ສ້າງຮາກຖານການເມືອງຕິດພັນກັບການພັດທະນາຊົນນະບົດຮອບດ້ານ ແລະ ແກ້ໄຂຄວາມທຸກຍາກຂອງປະຊາຊົນ ຕາມ 4 ເນື້ອໃນ 4 ຄາດໝາຍ, ປະກອບສ່ວນຢ່າງຕັ້ງໜ້າເຂົ້າໃນການແກ້ໄຂສະພາບຫຍໍ້ທໍ້ຕ່າງໆ ຢູ່ ຮາກຖານເປັນຕົ້ນບັນຫາຢາເສບຕິດ, ການຄ້າຂາຍເຖື່ອນ, ອາວຸດເສິກ, ອຸບັດຕິເຫດ, ການມົ້ວສຸມຫຼິ້ນພະນັນ ແລະ ບັນຫາ ຄວາມຫຍຸ້ງຍາກໃນຂົງເຂດການສຶກສາເປັນຕົ້ນແມ່ນການຂາດແຄນຄູສອນ, ນັກຮຽນປະລະການຮຽນ ແລະ ອື່ນໆ, ປັບປຸງ ຮາກຖານການເມືອງໃຫ້ເຂັ້ມແຂງ ແລະ ໜັກແໜ້ນ, ສ້າງທ່າສະໜາມ 3 ຂັ້ນ, ປັບປຸງກໍາລັງກອງຫຼອນ-ກໍາລັງປ້ອງກັນຕົວໃຫ້ເຂັ້ມແຂງ, ແກ້ໄຂບັນດາໜໍ່ແໜງຄວາມບໍ່ສະຫງົບ ໂດຍສະເພາະເຂດຊາຍແດນ, ເຂດຫ່າງໄກສອກຫຼີກຊ່ວຍເຫຼືອປະຊາຊົນພັດທະນາເສດຖະກິດ-ສັງຄົມ ເຮັດໃຫ້ຊີວິດການເປັນຢູ່ທາງດ້ານວັດຖຸ ແລະ ຈິດໃຈ ຂອງປະຊາຊົນດີຂຶ້ນໄປເລື້ອຍໆ, ເອົາໃຈໃສ່ວຽກງານກໍ່ສ້າງກໍາລັງດ້ານການຈັດຕັ້ງໃຫ້ເຂັ້ມແຂງ, ເຮັດແນວໃດໃຫ້ມີກຳລັງກໍຄືກົມກອງກຽມພ້ອມສູ້ຮົບ, ມີຜູ້ເຮັດໜ້າທີ່ກວດກາສະລະເວເວນຍາມ, ສືບຂ່າວຕົວຈິງໃຫ້ຫຼາຍກວ່າຜູ້ທີ່ປະຈຳການຢູ່ກະຊວງ, ສຳນັກກອງພົນ, ກອງບັນຊາການ, ກອງພັນໃຫຍ່; ພ້ອມນັ້ນ, ໃຫ້ຖືສຳຄັນການຝຶກຝົນດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ນ້ຳໃຈຮັກຊາດ, ສ້າງໃຫ້ກຳລັງໃຫ້ຮູ້ໜ້າທີ່ຂອງຕົນ, ຮູ້ເສຍສະຫຼະເຮັດວຽກເພື່ອຊາດ, ເພື່ອປະຊາຊົນ; ສ້າງໃຫ້ມີຄວາມຮູ້ດ້ານສິລະປະຍຸດ, ຍຸດທະວິທີການທະຫານຢ່າງບໍ່ຢຸດຢັ້ງ; ສ້າງໃຫ້ນາຍ ແລະ ພົນທະຫານ ມີຄວາມຮູ້ດ້ານການພັດທະນາ, ຮັບເອົາເຕັກນິກວິທະຍາສາດມາພັດທະນາກຳລັງເພື່ອສ້າງກົມກອງໃຫ້ເຂັ້ມແຂງ, ທັງຊ່ວຍການພັດທະນາຢູ່ທ້ອງຖິ່ນ ໂດຍສະເພາະໝູ່ບ້ານປະຊາຊົນບ່ອນທີ່ຕັ້ງທັບຢູ່, ສ້າງໃຫ້ເກີດມີຄອບຄົວຕົວແບບ, ມີການພົວພັນຊະໜິດແໜ້ນກັບຮາກຖານ, ເອົາປະຊາຊົນເປັນກົກ, ເອົາການສ້າງຊີວິດການເປັນຢູ່ທີ່ດີຂຶ້ນຂອງປະຊາຊົນຢູ່ຮາກຖານເປັນເປົ້າໝາຍ, ຮັກສາມູນເຊື້ອ “ທະຫານ ແລະ ປະຊາຊົນ ຄືປາກັບນ້ຳ” ເຮັດແນວໃດໃຫ້ປະຊາຊົນຮັກ, ມີຄວາມເຊື່ອໝັ້ນ ແລະ ມີຄວາມເຫຼື້ອມໃສສັດທາຢ່າງແທ້ຈິງ, ຍູ້ແຮງການສ້າງເສດຖະກິດ ເອກະລາດເປັນເຈົ້າຕົນເອງ ໃນກອງທັບໃຫ້ຟົດຟື້ນ, ສ້າງການຫັນປ່ຽນໃໝ່ໃນການ “ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ”, ສ້າງພະລາທິການກັບທີ່ເພື່ອສູ້ຊົນສ້າງແຫຼ່ງລາຍຮັບໃຫ້ໄດ້ຫຼາຍ, ປັບປຸງແກ້ໄຂ ແລະ ຍົກລະດັບຊີວິດການເປັນຢູ່ໃນກຳລັງໃຫ້ດີຂຶ້ນເລື້ອຍໆ (ນະໂຍບາຍເສດຖະກິດ ເອກະລາດ ເປັນເຈົ້າຕົນເອງ) ແມ່ນຕິດພັນກັບນະໂຍບາຍຄວາມໝັ້ນຄົງຂອງຊາດ ໃນເງື່ອນໄຂທີ່ປະເທດຊາດ ຍັງປະເຊີນກັບບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນຄືປັດຈຸບັນ; ນອກນັ້ນ, ຍັງຕ້ອງເອົາໃຈໃສ່ຍົກສູງວຽກງານຄຸ້ມຄອງ, ປົກປັກຮັກສານຳໃຊ້ພາຫະນະເຕັກນິກ, ອາວຸດຍຸດໂທປະກອນ, ທຶນຮອນ ແລະ ວັດຖຸອຸປະກອນໃຫ້ດີ ແລະ ປະຢັດ, ປະຕິບັດແນວທາງການຕ່າງປະເທດຂອງພັກ ໃນໄລຍະໃໝ່ ຢ່າງຖືກຕ້ອງ, ຄ່ອງແຄ້ວ, ພົວພັນຮ່ວມມືຢ່າງຕັ້ງໜ້າ ກັບເພື່ອນມິດຍຸດທະສາດ ເປັນຕົ້ນແມ່ນ ສສ ຫວຽດນາມ, ສປ ຈີນ ແລະ ກອງທັບ ສ ຣັດ ເຊຍ, ຍາດແຍ່ງເອົາການສະໜັບສະໜູນ, ຊ່ວຍເຫຼືອຈາກປະເທດເພື່ອນມິດທັງ ຢູ່ໃກ້ ແລະ ຢູ່ໄກ, ໃຫ້ສົມທົບຢ່າງແໜ້ນແຟ້ນ ແລະ ກົມກຽວ ກັບກະຊວງປ້ອງກັນຄວາມສະຫງົບ ແລະ ພາກສ່ວນກ່ຽວຂ້ອງ ໃນການປ້ອງກັນ ແລະ ແກ້ໄຂບັນຫາລຽບຕາມຊາຍແດນ, ບັນຫາອາຊະຍາກຳຂ້າມຊາດໃຫ້ຢູ່ໃນທ່າບຸກຫຼາຍກວ່າເກົ່າ; ເດັດດ່ຽວຕ້ານ, ສະກັດກັ້ນ ແລະ ຕໍ່ສູ້ກັບການລ່ວງລ້ຳ, ລະເມີດຄວາມເປັນເອກະລາດ, ອຳນາດອະທິປະໄຕຂອງຊາດກໍຄືທຸກການກະທຳທີ່ຈະກະທົບຕໍ່ຄວາມສະຫງົບສຸກ, ຕໍ່ຜົນປະໂຫຍດອັນຊອບທຳຂອງປະຊາຊົນ ແລະ ຕໍ່ຄວາມໝັນຄົງຂອງປະເທດຊາດ.
ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ