ກອງປະຊຸມຄັ້ງທີ 47 ຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ປະຈຳປີ 2025 ໄດ້ຈັດຂຶ້ນ ໃນວັນທີ 9 ມັງກອນ 2025 ນີ້, ຢູ່ນະຄອນຫຼວງວຽງຈັນ ໂດຍການເປັນປະທານຊີ້ນຳກອງປະຊຸມຂອງ ສະຫາຍ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ແລະ ສະຫາຍ ຟ້າມ ມິງຈິງ ນາຍົກລັດຖະມົນຕີ ແຫ່ງ ສສ ຫວຽດນາມ, ມີການນຳພັກ, ລັດ, ບັນດາລັດຖະມົນຕີ, ຮອງລັດຖະມົນຕີ ຈາກກະຊວງ, ຂະແໜງການກ່ຽວຂ້ອງ ຂອງທັງສອງປະເທດ ເຂົ້າຮ່ວມ ແລະ ທັງສອງຝ່າຍພ້ອມກັນຕີລາຄາຜົນຂອງການຈັດຕັ້ງປະຕິບັດ ຂໍ້ຕົກລົງຂອງການນໍາຂັ້ນສູງ ກໍຄື …

ວັນທີ 7 ມັງກອນ 2025 ນິ້, ສະຫາຍ ພົນໂທ ສຈ ປອ ວົງຄຳ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກ ແລະ ພົບປະໂອ້ລົມພະນັກງານຫຼັກແຫຼ່ງຢູ່ກອງບັນຊາການທະຫານແຂວງອຸດົມໄຊ, ໂດຍໃຫ້ກຽດຕ້ອນຮັບຢ່າງອົບອຸ່ນຂອງສະຫາຍ ພົນຈັດຕະວາ ຄຳເຜີຍ ໂສມພັນ ຫົວໜ້າການທະຫານ ກອງບັນຊາການທະຫານແຂວງອຸດົມໄຊ, ມີສະຫາຍ ພັນເອກ ຕຸ້ຍ ພົມມີໄຊ ຫົວໜ້າການເມືອງກອງບັນຊາການທະຫານແຂວງອຸດົມໄຊ ພ້ອມດ້ວຍຄະນະພັກ-ຄະນະກອງບັນຊາການ ຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ. ສະຫາຍ ພັນເອກ ຕຸ້ຍ ພົມມີໄຊ ໄດ້ລາຍງານສະພາບການໂດຍຫຍໍ້ ໃນການຈັດຕັ້ງປະຕິບັດບັນດາໜ້າທີ່ວຽກງານ ທີ່ພົ້ນເດັ່ນຢ່າງຮອບດ້ານໃນໄລຍະຜ່ານມາ, ເຊິ່ງຄະນະພັກ-ຄະນະບັນຊາທຸກຂັ້ນ ໄດ້ຖືເອົາວຽກງານສຶກສາອົບຮົມການເມືອງນຳພາແນວຄິດໃຫ້ພະນັກງານ ສະມາຊິກພັກ-ນັກຮົບເປັນກົກ, ນຳເອົາມະຕິ, ຄຳສັ່ງຂໍ້ກຳນົດ, ກົດລະບຽບຂອງພັກ, ກອງທັບ ແລະ ມູນເຊື້ອວັນສຳຄັນຕ່າງໆ ມາຈັດຕັ້ງໂຄສະນາເຜີຍແຜ່ເຊື່ອມຊືມໃຫ້ບັນດາພະນັກງານສະມາຊິກພັກນັກຮົບໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ກຳແໜ້ນຕໍ່ແນວທາງແຜນນະໂຍບາຍຂອງພັກ ລະບຽບກົດໝາຍຂອງລັດ, …

ພິທີປິດຊຸດອົບຮົມໄລຍະສັ້ນໃຫ້ກອງພັນເຄື່ອນທີ່ໄວ ແລະ ໂຮງຮຽນ 303 ໄດ້ຈັດຂຶ້ນໃນວັນທີ 8 ມັງກອນ 2025 ນີ້, ໂດຍການເປັນປະທານຂອງສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຫົວໜ້າກົມ 49, ມີບັນດາຄະນະກົມອ້ອມຂ້າງກະຊວງປ້ອງກັນປະເທດ, ມີຄະນະພັກ-ຄະນະບັນຊາ ກົມກອງຂຶ້ນກັບ, ຄະນະຊ່ຽວຊານຫວຽດນາມ ພ້ອມດ້ວຍແຂກຖືກເຊີນ ເເລະ ນັກເຝິກອົບຮົມເຂົ້າຮ່ວມ. ສະຫາຍ ພັນໂທ ສຸລິພົນ ເລື່ອນສົມຫວັງ ຮອງຫົວໜ້າພະເເນກອົບຮົບ ກົມ 49 ກົມໃຫຍ່ເສນາທິການກອງທັບ ໄດ້ຜ່ານບົດສະຫຼຸບການເຝິກອົບຮົມ-ຫັດແອບໄລຍະສັ້ນ 3 ເດືອນທີ່ທາງກອງບັນຊາການຕີພິເສດຫວຽດນາມ ມາຊວ່ຍເຝິກອົບຮົມໂດຍລົງເລິກ 4 ວິຊາຫຼັກ ຢູ່ກອງພັນ 428, ກອງພັນໃຫຍ່ 497 ແລະ ຊວ່ຍສ້າງໂຄງການຫຼັກສູດການຮຽນການສອນຢູ່ໂຮງຮຽນ 303 ປະຈໍາປີ 2025, ເຊິ່ງເລີ່ມອົບຮົມ-ຫັດແອບ ນັບແຕ່ວັນທີ 21 ຕຸລາ 2024 …

ວັນທີ 8 ມັງກອນ 2025 ນີ້, ຫ້ອງວ່າການກະຊວງປ້ອງກັນປະເທດ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານຮອດດ້ານ ປະຈໍາປີ 2024, ໂດຍການເປັນປະທານຂອງ ສະຫາຍ ພົນຈັດຕະວາ ເດືອນສະຫວັນ ສາຍພິມຄຳປະທຸມ ຫົວໜ້າຫ້ອງວ່າການກະຊວງປ້ອງກັນປະເທດ, ມີຄະນະຫ້ອງວ່າການກະຊວງ, ກົມກອງອ້ອມຂ້າງ , ຫ້ອງການ, ຄະນະອຳນວຍການບໍລິສັດ, ລັດວິສາຫະກິດ ແລະ ພະນັກງານຫຼັກແຫຼ່ງ ຫ້ອງວ່າການກະຊວງປ້ອງກັນປະເທດ ເຂົ້າຮ່ວມ. ສະຫາຍ ພົນຈັດຕະວາ ຂາວມະນີ ສີພອນ ຫົວໜ້າກົມຄົ້ນຄວ້າສັງລວມ ຫ້ອງວ່າການກະຊວງປ້ອງກັນປະເທດ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ປະຈໍາປີ 2024 ເຊິ່ງຕະຫຼອດໄລຍະຜ່ານມາ ຄະນະພັກ-ຄະນະບັນຊາ ຫ້ອງວ່າການກະຊວງປ້ອງກັນປະເທດ ໄດ້ສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ມີຄວາມໜັກແໜ້ນທາງດ້ານການເມືອງ ຕິດພັນກັບການໂຄສະນາປາຖະກະຖາເຊື່ອມຊຶມ ບັນດາມະຕິ-ຄໍາສັ່ງຕ່າງໆ ກໍ່ຄື ແນວທາງນະໂຍບາຍຂອງພັກ-ລັດ, ມູນເຊື້ອວັນສຳຄັນຕ່າງໆຂອງຊາດ, ຂອງພັກ, ຂອງກອງທັບ ແລະ ສ້າງຂະບວນການຂໍ່ານັບຮັບຕ້ອນວັນປະຫວັດສາດສໍາຄັນຕ່າງໆ. ດ້ານວຽກງານວິຊາສະເພາະ …

ວັນທີ 5 ມັງກອນ 2025 ນີ້, ສະຫາຍ ພົນໂທ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ພ້ອມຄະນະ ໄດ້ລົງພົບປະໂອ້ລົມພໍ່ແມ່ປະຊາຊົນກຸ່ມບ້ານມາລີເທົາ ຂຶ້ນກັບເມືອງຍອດອູ ແຂວງຜົ້ງສາລີ. ໂດຍມີອໍານາດການປົກຄອງ, ກຸ່ມບ້ານ, ປະຊາຊົນ ແລະ ນ້ອງນ້ອຍນັກຮຽນໃຫ້ການຕ້ອນຮັບຢ່າງອົບອຸ່ນ. ໂອກາດນີ້, ຕາງໜ້າໃຫ້ກຸ່ມບ້ານມາລີເທົາ ໄດ້ລາຍງານສະພາບໂດຍຫຍໍ້ໃຫ້ຄະນະຮັບຊາບ ເປັນຕົ້ນແມ່ນກຸ່ມບ້ານມາລີເທົາ ແມ່ນກຸ່ມບ້ານໜຶ່ງທີ່ຂຶ້ນກັບເມືອງຍອດອູ ແຂວງຜົ້ງສາລີ ເຊິ່ງປະກອບມີ 5 ບ້ານ ຂຶ້ນກັບ. ປະ ຊາຊົນຍຶດຖື ອາຊີບ ປູກຝັງ-ລ້ຽງສັດ ເປັນຕົ້ນຕໍ ເຊິ່ງໄລຍະຜ່ານມາກຸ່ມບ້ານກໍ່ໄດ້ເປັນເຈົ້າການ ໃນການປະກອບສ່ວນເຂົ້າໃນໜ້າວຽກທີ່ສໍາຄັນ ໂດຍສະເພາະແມ່ນການປຸກລະດົມຂົນຂວາຍພໍ່ແມ່ປະຊາຊົນ ເຮັດແນວຄິດການເມືອງໃຫ້ໜັກແໜ້ນເຂັ້ມແຂງ ເຊື່ອໜັ້ນຕໍ່ການນໍາພາຂອງ ພັກ-ລັດ ປະກອບສ່ວນເຂົ້າໃນວຽກງານ ປກຊ-ປກສ ຂັ້ນບ້ານ ເຮັດໃຫ້ຮາກຖານບ້ານມີຄວາມສະຫງົບປອດໄພ. ສະຫາຍ ພົນໂທ ວົງຄໍາ ພົມມະກອນ ໄດ້ຍ້ອງຍໍຊົມເຊີຍຕໍ່ຄະນະກຸ່ມບ້ານ ຕະຫຼອດຮອດປະຊາຊົນ …

ລະຫວ່າງ ວັນທີ 2-3 ມັງກອນ 2025 ນີ້, ສະຫາຍ ພົນຈັດຕະວາ ກົງທອງ ສຸຂະວົງ ຫົວໜ້າກົມສູ້ຮົບ ກົມໃຫຍ່ເສນາທິການກອງທັບ ພ້ອມດ້ວຍຄະນະ ໄດ້ເຄື່ອນໄຫວພົບປະໂອ້ລົມ ພະນັກງານ-ນັກຮົບ ທີ່ກໍາລັງເຮັດໜ້າທີ່ຢູ່ເຂດທຸລະກັນດ້ານຫ່າງໄກຊອກຫຼີກ. ໂດຍການເຄື່ອນໄຫວຢ້ຽມຢາມພົບປະໂອ້ລົມໃນຄັ້ງນີ້, ສະຫາຍ ພົນຈັດຕະວາ ກົງທອງ ສຸຂະວົງ ໄດ້ສະແດງຄວາມຍ້ອງຍໍຊົມເຊີຍ ແລະ ຢ້ຽມຢາມຖາມຂ່າວ ບັນດາສະຫາຍ ນາຍ ແລະ ພົນທະຫານ ທີ່ກໍາລັງປະຕິບັດໜ້າທີ່ເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ຢູ່ເຂດທຸລະກັນດ້ານຫາງໄກຊອກຫຼີກ ມີຜົນສໍາເລັດສູງໃນຕະຫຼອດໄລຍະຜ່ານມາ ດ້ວຍຄວາມຫ້າວຫັນ ເຊິ່ງບັນດາສະຫາຍໄດ້ສຸມເຫື່ອແຮງສະຕິປັນຍາ ກໍາລັງແຮງກາຍໃຈ ເຮັດໜ້າທີ່ປັກປັກຮັກສາ ອະທິປະໄຕ ເຂດນໍ້າແດນດິນດ້ວຍຄວາມອົງອາດກ້າຫານ. ໃນໂອກາດລົງເຄື່ອນໄຫວຂອງຄະນະຄັ້ງນີ້, ໄດ້ນໍາເອົາເຄື່ອງອຸປະໂພກ-ບໍລິໂພກ ວັດຖຸອຸປະກອນ ສິງຂອງຈໍາເປັນຈໍານວນໜຶ່ງ ມອບໃຫ້ພະນັກງານ-ນັກຮົບ ທີ່ເຮັດໜ້າທີ່ີປະຈໍາການຢູ່ເຂດຕ່າງໆອີກດ້ວຍ. ແຫຼ່ງທີ່ມາຂອງຂໍ້ມູນ: ໜັງສືພິມກອງທັບ

ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ໄດ້ອ່ານສານອວຍພອນ ເນື່ອງໃນໂອກາດສົ່ງທ້າຍປີເກົ່າ ຄສ 2024 ແລະ ຕ້ອນຮັບປີໃໝ່ສາກົນ ຄສ 2025 ເຊິ່ງມີເນື້ອໃນດັ່ງນີ້: ພີ່ນ້ອງຮ່ວມຊາດ, ເພື່ອນມິດສະຫາຍ ທີ່ຢູ່ໃກ້ ແລະ ໄກ ທີ່ນັບຖື ຮັກແພງ ທັງຫຼາຍ. ເນື່ອງໃນໂອກາດສົ່ງທ້າຍປີເກົ່າ ຄສ 2024 ແລະ ຕ້ອນຮັບປີໃໝ່ ຄສ 2025 ນີ້, ຂ້າພະເຈົ້າ ຂໍຕາງໜ້າໃຫ້ການນໍາ ຂອງພັກ ແລະ ລັດ ແລະ ໃນນາມສ່ວນຕົວ ຂໍສົ່ງຄຳອວຍພອນອັນປະເສີດມາຍັງ ພະນັກງານ, ລັດຖະກອນ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ …

ໃນວັນທີ 26 ທັນວາ 2024 ນີ້, ການນຳກະຊວງປ້ອງກັນ ປະເທດ, ນຳໂດຍ ສະຫາຍ ພົນໂທ ສຈ ປອ ທອງລອຍ ສີລິວົງ ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະໄດ້ນຳເອົາກະຕ່າຂອງຂວັນ ແລະ ກະຕ່າດອກໄມ້ເຂົ້າອວຍພອນ ສະຫາຍ ພັນເອກ ຫວໍວັນ ຖົງ ຫົວໜ້າ ຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈຳ ສປປ ລາວ ພ້ອມດ້ວຍຄະນະ ເນື່ອງໃນໂອກາດວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ ( 22 ທັນວາ 1944-22 ທັນວາ 2024 ) ແລະ ສົ່ງທ້າຍປີເກົ່າຕ້ອນຮັບປີໃໝ່ສາກົນ ປີ 2025. ສະຫາຍ ຮອງລັດຖະມົນຕີກະຊວງປ້ອງກັນປະເທດ ໄດ້ຕ່າງໜ້າໃຫ້ການນຳກະຊວງປ້ອງກັນປະເທດ ກໍຄືນາຍ ແລະ …

ພາຍຫຼັງທີ່ໄດ້ດຳເນີນມາເປັນເວລາ 2 ວັນ, ກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ຂອງກະຊວງປ້ອງກັນປະເທດປະຈຳປີ 2024 ແລະ ທິດທາງແຜນການປີ 2025, ໄດ້ປິດລົງດ້ວຍຜົນສໍາເລັດອັນຈົບງາມ ໃນວັນທີ 26 ທັນວາ 2024 ນີ້, ໂດຍການເປັນປະທານຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີບັນດາສະຫາຍຄະນະນຳກະຊວງ, ຄະນະນຳບັນດາກົມໃຫຍ່, ຫ້ອງວ່າການກະຊວງ, ຫ້ອງການຄະນະກຳມະການປກຊ-ປກສ ສູນກາງ, ວິທະຍາຄານ, ກອງພົນ, ກອງພັນໃຫຍ່, ກອງບັນຊາການທະຫານແຂວງ ແລະ ນະຄອນຫຼວງວຽງຈັນ, ໂຮງຮຽນ, ໂຮງໝໍ, ລັດວິສາຫະກິດໃນກອງທັບ ພ້ອມດ້ວຍພະນັກງານຫຼັກແຫຼ່ງກົມກອງອ້ອມຂ້າງກະຊວງປ້ອງກັນປະເທດ ເຂົ້າຮ່ວມ. ສະຫາຍ ພົນໂທ ຄຳລຽງ ອຸທະໄກສອນ ໄດ້ກ່າວປິດກອງ ປະຊຸມວ່າ: ກອງປະຊຸມໄດ້ດຳເນີນໄປດ້ວຍ ບັນຍາກາດຟົດຟື້ນ ແລະ ມີຄວາມຮັບຜິດຊອບສູງຂອງບັນດາສະຫາຍ, ໃນວາລະດຳເນີນກອງປະຊຸມ, ແຕ່ລະສະຫາຍ ໄດ້ພ້ອມກັນຄົ້ນຄວ້າຕີລາຄາສະພາບການທີ່ສົ່ງຜົນກະທົບຕໍ່ການຈັດຕັ້ງປະຕິບັດວຽກງານປ້ອງກັນຊາດໃນປີ …

ພິທີມອບ-ຮັບ ໜ້າທີ່ລະຫວ່າງ ສະຫາຍ ພົນໂທ ສຈ ປອ ທອງລອຍ ສິລິວົງ ຫົວໜ້າກົມໃຫຍ່ການເມືອງກອງທັບ ( ຜູ້ເກົ່າ) ແລະ ສະຫາຍ ພົນຕີ ວົງສອນ ອິນປານພິມ ຫົວໜ້າກົມ ໃຫຍ່ການເມືອງກອງທັບ ( ຜູ້ໃໝ່ ), ໄດ້ຈັດຂຶ້ນໃນວັນທີ 24 ທັນວາ 2024 ນີ້, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີຄະນະພັກກະຊວງປ້ອງກັນປະເທດ, ຄະນະນຳ 4 ກົມໃຫຍ່, ຫ້ອງວ່າການກະຊວງປ້ອງກັນປະເທດພ້ອມດ້ວຍບັນດາກົມກອງ ເຂົ້າຮ່ວມ. ສະຫາຍ ພົນໂທ ສຈ ປອ ທອງລອຍ ສິລິວົງ ຫົວໜ້າກົມໃຫຍ່ການເມືອງກອງທັບ ( ຜູ້ເກົ່າ ) ໄດ້ກ່າວມອບໝາຍໜ້າທີ່ …