ພາລະກິດປົກປັກຮັກສາ – ສ້າງສາ

ບາງຕອນສຳຄັນ: ຂ​ອງສະຫາຍ ບຸນ​ຍັງ ວໍລະ​ຈິດ ​ເລຂາ​ທິການ​ໃຫຍ່​ຄະນະບໍລິ​ຫານ​ງານ​ສູນ​ກາງ​ພັກ, ປະທານ​ປະ​ເທດ ​ແຫ່ງ ສປປ ລາວ ກ່າວ​ໃນ​ພິທີ​ໂຮມ​ຊຸມນຸມ​ໃຫຍ່ສະ​ເຫຼີ​ມສະຫຼອງ 2 ວັນປະຫວັດສາດ ລາວ-ຫວຽດນາມ ( ວັນ​ເຊັນ​ສົນທິສັນຍາມິດຕະພາບ ​ແລະ ການຮ່ວມມື ຄົບຮອບ 40 ປີ ​ແລະ ວັນ​ສ້າງ​ຕັ້ງ​ສາຍ​ພົວພັນ​ການ​ທູດ ຄົບຮອບ 55 ປີ ) ນະຄອນຫຼວງ​ວຽງ​ຈັນ, ວັນ​ທີ 18 ກໍລະກົດ 2017 ທີ່ນະຄອນຫຼວງວຽງຈັນ. ມື້ນີ້ ເປັນມື້ທີ່ມີຄວາມໝາຍສຳຄັນຍິ່ງທາງດ້ານປະຫວັດສາດຂອງສອງຊາດ ລາວ-ຫວຽດນາມ ທີ່ພວກເຮົາໄດ້ພ້ອມກັນຈັດພິທີໂຮມຊຸມນຸມໃຫຍ່ຂຶ້ນຢູ່ນະຄອນຫຼວງວຽງຈັນ ເພື່ອສະເຫຼີມສະຫຼອງສອງວັນປະຫວັດສາດ ລາວ-ຫວຽດນາມ ຄື: ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດ ຄົບຮອບ 55 ປີ. …

ພິທີພົບປະລະຫວ່າງຄູອາຈານ ສສ ຫວຽດນາມ ກັບນັກສຶກສານາຍທະຫານລາວ ທີ່ ວປກ       ເນື່ອງໃນໂອກາດຈັດຕັ້ງສະເຫຼີມສະຫຼອງວັນສົນທິສັນຍາມິດຕະພາບ ແລະ ການຮ່ວມມືຮອບດ້ານຂອງສອງປະເທດລາວ-ຫວຽດນາມ ຄົບຮອບ 40 ປີ (18.7.1977-18.7.2017/ ວັນສ້າງຕັ້ງສາຍພົວພັນການທູດຄົບຮອບ 55 ປີ (5.9.1962-5.9.2017) ໃນວັນທີ 14 ກໍລະກົດ 2017 ກະຊວງປ້ອງກັນປະເທດແຫ່ງ ສປປ ລາວ ຮ່ວມກັບຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມປະຈໍາລາວ ໄດ້ຈັດພິທີພົບປະອະດີດນັກສຶກສານາຍທະຫານລາວທີ່ເຄີຍສຶກສາຮໍ່າຮຽນຢູ່ ສສ ຫວຽດນາມ ເຊິ່ງແມ່ນວິທະຍາຄານປ້ອງກັນຊາດໄກສອນພົມວິຫານເປັນ. ເຂົ້າຮ່ວມເປັນກຽດໂດຍ ທ່ານ ພົນຕີ ວິໄລ ຫຼ້າຄໍາຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ; ຝ່າຍຫວຽດນາມເປັນກຽດເຂົ້າຮ່ວມ ທ່ານ ເລຫ່ຽນເວິນ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ມີບັນດາເອກລັກຄະລັດຖະທູດ ສສ ຫວຽດນາມປະຈໍາ ສປປ ລາວ, ບັນດາພະນັກງານອະດີດນັກສຶກສາທີ່ຮຽນຈົບຈາກບັນດາວິທະຍາຄານ …

ເນື່ອງໃນໂອກາດສົ່ງທ້າຍປີເກົ່າ ພສ 2559 ແລະ ຕ້ອນຮັບປີໃໝ່ ພສ 2560. ວັນທີ  11 ເມສາ 2017 ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ອວຍພອນປວງ ຊົນລາວ ຫຼິ້ນບຸນປີໃໝ່ລາວດ້ວຍຄວາມເບີກບານມ່ວນຊື່ນ. ພີ່ນ້ອງຊາວລາວ, ເຊື້ອຊາດລາວ ທີ່ຢູ່ທັງພາຍໃນ ແລະ ຕ່າງປະເທດ ທີ່ຮັກແພງທັງຫຼາຍ ! ມື້ນີ້, ເນື່ອງໃນໂອກາດສົ່ງທ້າຍປີເກົ່າ ປີວອກ ພສ 2559 ແລະ ຕ້ອນຮັບປີໃໝ່ ປີລະກາ ພສ 2560, ຂ້າພະເຈົ້າ ມີຄວາມປິຕິຊົມຊື່ນເປັນຢ່າງຍິ່ງ ຂໍສົ່ງພອນອັນປະເສີດມາຍັງພີ່ນ້ອງຮ່ວມຊາດທີ່ຢູ່ທັງພາຍໃນ ແລະ ຕ່າງປະ ເທດ, ຊາວຕ່າງປະເທດ ທີ່ດຳລົງຊີວິດ ແລະ ປະຕິບັດໜ້າທີ່ຂອງຕົນຢູ່ ສປປ ລາວ ຂໍໃຫ້ທຸກໆຄົນຈົ່ງມີແຕ່ …

ຜ່ານຂະບວນວິວັດອັນຍືດເຍື້ອຍາວນານຕໍ່ສູ້ປົດປ່ອຍຊາດແຕ່ລະໄລຍະທີ່ລະອິດລະອ້ຽວ, ດຸເດືອດ,ຂ້ຽວຂາດ ແຕ່ມີໄຊຊະນະເລື້ອຍໆມາ, ກອງທັບປະຊາຊົນລາວ ຍິ່ງຕໍ່ສູ້ກໍ່ຍິ່ງມີບົດຮຽນ ແລະ ນັບມື້ ເຕີບໃຫຍ່ເຂັ້ມແຂງກ້າວຂຶ້ນເລື້ອຍໆ, ເມື່ອກ້າວມາເຖິງວັນຄົບຮອບ 68 ປີ ແຫ່ງວັນສ້າງຕັ້ງກອງທັບປະຊາຊົນລາວ ປີ 2016, ເປັນໄລຍະທີ່ພັກປະຊາຊົນປະຕິວັດລາວ ນໍາພາປວງຊົນລາວກ້າວສູ່ຄວາມ ຈະເລີນຮຸ່ງເຮືອງ ໄດ້ສ້າງໜ້າປະຫວັດສາດຂອງຊາດລາວມີໂສມໜ້າໃໝ່, ເປັນປີທີ່ມີຫຼາຍເຫດການເດັ່ນຢູ່ ສປປ ລາວ ເປັນຕົ້ນແມ່ນກອງປະຊຸມໃຫຍ່ ຄັ້ງທີ X ຂອງພັກ, ການເລືອກຕັ້ງສະມາຊິກສະພາແຫ່ງຊາດ ຊຸດທີ 8, ກອງປະຊຸມລັດຖະມົນຕີປ້ອງກັນປະເທດອາຊຽນ, ກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມປິ່ນອ້ອມອື່ນໆ ທີ່ ສປປ ລາວ ເປັນເຈົ້າພາບ ໄດ້ມີຜົນສໍາເລັດຢ່າງສະຫງ່າງາມ. ທັ້ງໝົດນັ້ນ, ກອງທັບປະຊາຊົນລາວ ໄດ້ປະກອບສ່ວນ ແລະ ເປັນເຈົ້າການເສີມຂະຫຍາຍບົດບາດເປັນກໍາລັງຫຼັກແຫຼ່ງໃນການປະຕິບັດໜ້າທີ່ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ໄດ້ຕັ້ງໜ້າປັບປຸງກໍ່ສ້າງຕົນເອງໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ,ຕັ້ງໜ້າອົບຮົມຫັດແອບກຽມພ້ອມສູ້ຮົບ, ມີລະບຽບວິໄນເຂັ້ມງວດ, ຕັ້ງໜ້າແກ້ໄຂຊີວິດການເປັນຢູ່ໃຫ້ດີຂຶ້ນ, ເຂົ້າຮ່ວມການ …

ຜ່ານພຶດຕິກໍາຕົວຈິງຕະຫຼອດໄລຍະຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານແບບເກົ່າ ແລະແບບໃໝ່ ( ຝຣັ່ງ-ອາເມລິກາ ) ໃນເມື່ອກ່ອນນັ້ນພັກເຮົາສຸດທີ່ຖືສໍາຄັນການກໍ່ສ້າງພື້ນຖານເສດຖະກິດ-ການຜະລິດ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບໃນກໍາລັງປະກອບອາ ວຸດເຮົາ ເພື່ອຕອບສະໜອງຮັບໃຊ້ພາລະກິດຕໍ່ສູ້ປົດປ່ອຍຊາດ ດ້ວຍວິທີການກໍ່ສ້າງຖານທີ່ໝັ້ນຂອງການປະຕິວັດ ແລະ ຖືເອົາເຂດປົດປ່ອຍເປັນບ່ອນທໍາການຜະລິດ ເພື່ອຕອບສະໜອງສະບຽງອາຫານໃຫ້ແກ່ແນວໜ້າ, ຕາມຄໍາຂວັນທີ່ວ່າ: “ທຸກສິ່ງທຸກຢ່າງເພື່ອແນວໜ້າ, ທຸກສິ່ງທຸກຢ່າງ ເພື່ອເອົາຊະນະສັດຕູ”. ການຮັບປະກັນພະລາທິການຂອງ ກອງທັບເຮົາແມ່ນອີງໃສ່ພື້ນຖານປະຊາຊົນເປັນຈຸດໜັກ ສຳລັບກອງທັບເຮົາແມ່ນໄດ້ອີງໃສ່ 4 ແຫຼ່ງເປັນຕົ້ນຕໍຄື: 1. ເພິ່ງຕົນເອງ, ຊອກຫາກຸ້ມຕົນເອງ, ກົມກອງຕັ້ງທັບຢູ່ບ່ອນໃດ ຕ້ອງໄດ້ສູ້ຊົນເຮັດໜ້າ ທີ່ໂຄສະນາປຸກລະດົມກໍ່ສ້າງຮາກຖານການ ເມືອງ ແລະ ເພີ່ມພູນຜະລິດຜົນຫາລ້ຽງກຸ້ມຕົນເອງ, ດ້ວຍການປູກພືດກິນໃບ, ກິນຫົວ, ກິນໝາກ,ເຮັດໄຮ່ເຮັດນາ, ຈັດຕັ້ງໜ່ວຍຫາປາ, ລ່າເນື້ອ ແລະ ຊ່ວຍປະຊາຊົນທໍາການຜະລິດ. 2. ແຫຼ່ງຊ່ວຍເຫຼືອຈາກປະຊາຊົນ: ເຊິ່ງແມ່ນແຫຼ່ງສະໜອງອັນໃຫຍ່ຫຼວງ, ເຊິ່ງກອງທະຫານ ເຮົາເຄື່ອນໄຫວພັກທັບຢູ່ບ່ອນໃດ ແມ່ນໄດ້ ອີງໃສ່ປະຊາຊົນເປັນຜູ້ເບິ່ງແຍງລ້ຽງດູ, ບ່ອນໃດມີເງື່ອນໄຂແມ່ນໄດ້ຈັດແບ່ງກໍາລັງຢາຍຢູ່ນໍາຄອບຄົວຂອງປະຊາຊົນ ເຮືອນໜຶ່ງ 2-3 ຄົນ ປະຕິບັດຄໍາຂວັນ …

ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ໂອ້ລົມຕໍ່ກອງປະຊຸມສະຫຼຸບການຈັດຕັ້ງປະຕິບັດວຽກງານປ້ອງກັນຊາດປະຈໍາປີ  2016  ແລະ   ທິດທາງວຽກງານປະຈໍາປີ   2017   ຂອງກະຊວງປ້ອງກັນປະເທດ ບາງຕອນສໍາຄັນວ່າ: ຕະຫຼອດໄລຍະ 1 ປີທີ່ຜ່ານມາ ທົ່ວພັກ, ທົ່ວກອງທັບທົ່ວປວງຊົນລາວຂອງພວກເຮົາ ໄດ້ສຸມໃສ່ຈັດຕັ້ງຜັນຂະຫຍາຍມະຕິກອງປະ ຊຸມໃຫຍ່ ຄັ້ງທີ         X     ຂອງພັກ. ໃນນັ້ນ,      ຄະນະພັກ ແຕ່ລະຂັ້ນກໍ່ໄດ້ເປັນເຈົ້າການຈັດຕັ້ງເຊື່ອມ ຊຶມເນື້ອໃນຈິດໃຈຂອງມະຕິໄປພ້ອມໆກັບ ຄວາມເປັນເຈົ້າການຄົ້ນຄວ້າຫັນເປັນເນື້ອໃນ ການເຄື່ອນໄຫວຊີ້ນໍາ – ນໍາພາຂອງຕົນໃນແຕ່ ລະຂົງເຂດວຽກງານ, ປຸກລະດົມມະຫາຊົນເຂົ້າ ຮ່ວມການຈັດຕັ້ງປະຕິບັດເປັນຂະບວນຟົດ ຟື້ນໃນທົ່ວປະເທດ ເວົ້າສະເພາະ, ໃນກໍາລັງ ປະກອບອາວຸດຂອງກອງທັບປະຊາຊົນລາວ ຂ້າພະເຈົ້າກໍ່ເຫັນດີກັບບົດສະຫຼຸບຕີລາຄາ ຂອງບັນດາສະຫາຍທີ່ໄດ້ຍົກໃນບົດລາຍງານຂອງສະຫາຍລັດຖະມົນຕີ ແລະ ເຫັນວ່າຕະຫຼອດ 1 ປີ ທີ່ຜ່ານມາ ພາຍໃຕ້ການຊີ້ນໍາ-ນໍາພາຂອງ ຄະນະພັກກະຊວງປ້ອງກັນປະເທດ …

ບາງຕອນສໍາຄັນ: ບົດໂອ້ລົມຂອງສະຫາຍພົນຕີ ວິໄລ ຫຼ້າຄໍາຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບຕໍ່ກອງວາລະສານປ້ອງກັນຊາດ ໃນໂອກາດສະຫຼຸບປີ 2016 ແລະ ພ້ອມທັງຂຶ້ນຫ້ອງການໃໝ່  ( ວັນທີ 3.2.2017 ).    ໃນປີ 2016 ທີ່ຜ່ານມານີ້, ຄະນະພັກ-ຄະນະບັນຊາກອງວາລະສານປ້ອງກັນຊາດ ໄດ້ພະຍາຍາມສຸມທຸກກໍາລັງແຮງດ້ວຍຄວາມຕັ້ງ ໜ້າຜັນຂະຫຍາຍເນື້ອໃນຈິດໃຈມະຕິກອງປະ ຊຸມໃຫຍ່ ຄັ້ງທີ X ຂອງສູນກາງພັກ ກໍ່ຄືມະຕິກອງ ປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງ ປ້ອງກັນປະເທດ, ວ່າດ້ວຍ 4 ໜ້າທີ່ ໃຫຍ່ ແລະ 26 ແຜນງານຂອງຄະນະພັກກະຊວງປ້ອງກັນປະ ເທດວາງອອກ ໄດ້ປະຕິບັດຖືກຕ້ອງ ແລະ ແທດ ເໝາະກັບຕົວຈິງ. ກອງວາລະສານປ້ອງກັນຊາດ ຜ່ານມາໄດ້ຕັ້ງໜ້າເຄື່ອນໄຫວໜ້າທີ່ການເມືອງຂອງຕົນ, ເປັນກະບອກສຽງຂອງພັກ, ລັດໃນ ການໂຄສະນາເຜີຍແຜ່ແນວທາງນະໂຍບາຍ, ມະຕິຄໍາສັ່ງ ກໍ່ຄືຜົນງານຂອງກອງທັບໃນໄລຍະທີ່ຜ່ານມາ …

        ເຫຼົ່າຮົບລົດຕັງ-ຍານເກາະ ແມ່ນໜຶ່ງໃນບັນດາເຫຼົ່າຮົບກອງທັບປະຊາຊົນລາວສ້າງຕັ້ງຂຶ້ນໃນວັນທີ 1/10/1961 ໂດຍໃຕ້ການນຳພາອັນປີຊາສາມາດ ແລະ ສະຫຼາດສ່ອງໃສ ຂອງພັກປະຊາຊົນປະຕິວັດລາວ, ເມື່ອຫວນ ຄືນຫຼັງ ກ່ອນໜ້ານີ້ ໃນໄລຍະຕໍ່ສູ້ປົດປ່ອຍຊາດ ກອງຮ້ອຍວິລະຊົນ 161 ເຊິ່ງເປັນກົມກອງທຳ ອິດຂອງເຫຼົ່າຮົບໄດ້ເຮັດສຳເລັດໜ້າທີ່ຂອງຕົນຢ່າງສະຫງ່າງາມ ໃນການຕີຕ້ານສົງຄາມ ຮຸກຮານຂອງຈັກກະພັດອາເມລິກາ ແລະ ລູກແຫຼ່ງຕີນມືຂອງພວກເຂົາໃຫ້ປະລາໄຊລົງຢ່າງອັບອາຍຂາຍໜ້າ, ໄດ້ປົດປ່ອຍປະເທດຊາດແລະ ສະຖາປະນາສາທາລະນະລັດ ປະຊາທິ ປະໄຕ ປະຊາຊົນລາວ ໃນວັນທີ 2 ທັນວາ ປີ 1975 ຢ່າງມີໄຊ.     55 ປີ ຜ່ານມາ, ເຫຼົ່າຮົບລົດຕັງ-ຍານ ເກາະ ໄດ້ຜ່ານການທົດສອບໃນແປວໄຟສົງ ຄາມອັນດຸເດືອດຂ້ຽວຂາດ ແລະ ເຕັມໄປດ້ວຍ ການເສຍສະຫຼະອັນສູງສົ່ງເຮັດສຳເລັດໜ້າທີ່-ທີ່ພັກ ແລະ ປະຊາຊົນມອບໝາຍໃຫ້, ສ້າງໄດ້ວິລະກຳອັນລ້ຳເລີດຈາລຶກໄວ້ໃນປຶ້ມປະຫວັດສາດຂອງຊາດ ຂອງກອງທັບຢ່າງສະງ່າງາມ.     ພາຍຫຼັງປະເທດຊາດໄດ້ຮັບການປົດປ່ອຍເປັນຕົ້ນມາ, ເຫຼົ່າຮົບລົດຕັງ-ຍານເກາະໄດ້ເພີ່ມທະວີການປັບປຸງກໍ່ສ້າງກຳລັງຂອງຕົນ …

ສະຫາຍ ຫງວຽນ ຟູ ຈ້ອງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມແລະ ສະຫາຍບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ