ເນື່ອງໃນໂອກາດເດີນທາງມາເຂົ້າຮ່ວມກອງປະຊຸມລັດຖະມົນຕີກະຊວງປ້ອງກັນປະເທດ ບັນດາປະເທດອາຊຽນ-ບວກ ຄັ້ງທີ 11 ທີ່ນະຄອນຫຼວງວຽງຈັນ ສປປ ລາວ, ໃນວັນທີ 20 ພະຈິກ 2024 ນີ້ ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ພົບປະສອງຝ່າຍ ກັບ ສະຫາຍ ພົນໂທ ອາເລັກຊັນເດີ ໂຟມິນ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສະຫະພັນຣັດເຊຍ. ການພົບປະໃນຄັ້ງນີ້, ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບ, ການຮ່ວມມືອັນເປັນມູນເຊື້ອມາແຕ່ດົນນານ ແລະ ໄດ້ຮັບການສືບຕໍ່ເພີ່ມທະວີຮັດແໜ້ນ ແລະ ເສີມຂະຫຍາຍໃຫ້ນັບມື້ຈະເລີນງອກງາມ ແລະ ເລິກເຊິ່ງ ລະຫວ່າງ ສອງກອງທັບລາວ-ຣັດເຊຍ, ຣັດເຊຍ-ລາວ. ພ້ອມດຽວກັນນີ້, ສອງຝ່າຍຍັງໄດ້ຕີລາຄາຄືນເຖິງຜົນສຳເລັດຂອງການຮ່ວມມືທາງດ້ານທະຫານໃນໄລຍະຜ່ານມາ ແລະ ປຶກສາຫາລືແຜນການຮ່ວມມືໃນຕໍ່ໜ້າ. ໂອກາດນີ້, ສະຫາຍ ພົນເອກ ຈັນສະໝອນ …

ກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 18 (ADMM-18) ໄດ້ຈັດຂຶ້ນຢ່າງເປັນທາງການໃນວັນທີ 20 ພະຈິກ 2024, ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ ສປປ ລາວ, ໂດຍການເປັນປະທານ ຂອງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ, ມີ ລັດຖະມົນຕີ, ຮອງລັດຖະມົນຕີປ້ອງກັນປະເທດ ບັນດາປະເທດສະມາຊິກອາຊຽນ, ປະເທດ ຕີມໍແລັດສະເຕ ແລະ ຜູ້ຕາງໜ້າເລຂາທິການໃຫຍ່ອາຊຽນ ເຂົ້າຮ່ວມ. ໃນກອງປະຊຸມ ບັນດາລັດຖະມົນຕີປ້ອງກັນປະເທດອາຊຽນ ໄດ້ແລກປ່ຽນທັດສະນະກ່ຽວກັບແນວທາງແຜນຍຸດທະສາດ ຂອງກອງປະຊຸມລັດຖະມົນຕີປ້ອງກັນປະເທດອາຊຽນ ພາຍຫຼັງປີ 2025 ໃນການແກ້ໄຂສິ່ງທ້າທາຍຕ່າງໆ ຕໍ່ຄວາມໝັ້ນຄົງໃນປັດຈຸບັນ ແລະ ອະນາຄົດ ໂດຍສະເພາະການຮັບມືກັບຜົນກະທົບຈາກການແຂ່ງຂັນຂອງມະຫາອໍານາດ, ການຂະຫຍາຍສະມາຊິກຂອງກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ, ການຮັກສາຄວາມເປັນແກນກາງ ແລະ ຄວາມເປັນເອກະພາບຂອງອາຊຽນ ລວມທັງການປັບປຸງບັນດາກົນໄກ ແລະ …

ພິທີປະດັບຫຼຽນໄຊແຮງງານຊັ້ນ I ຂອງ ສປປ ລາວ ແລະ ຫຼຽນໄຊແຮງງານຊັ້ນ II ຂອງ ສສ ຫວຽດນາມ ໃຫ້ບໍລິສັດສະຕາໂທລະຄົມ ( Unitel ) ໃນໂອກາດສະເຫຼີມສະຫຼອງວັນສ້າງຕັ້ງບໍລິ ສັດຄົບຮອບ 15 ປີ (16 ຕຸລາ 2009–16 ຕຸລາ 2024) ໄດ້ຈັດຂຶ້ນໃນວັນທີ 19 ພະຈິກ 2024, ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ, ໂດຍການເຂົ້າຮ່ວມຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ສປປ ລາວ, ມີ ສະຫາຍ ພົນເອກ ຟານ ວັນ ຢາງ ລັດຖະມົນຕີກະຊວງປ້ອງກັນປະເທດ ແຫ່ງສາທາລະນະລັດ ສັງຄົມນິຍົມຫວຽດນາມ, ມີ …

ສະຫາຍ ພົນຈັດຕະວາ ບຸນມາ ຈັນທະວົງສາ ຫົວໜ້າການເມືອງ ກອງບັນຊາການທະຫານອາກາດ ໄດ້ໃຫ້ສໍາພາດກ່ຽວກັບເຫດການເຮືອບິນກອງທັບ ລົງຈອດສຸກເສີນທີ່ແຂວງຄໍາມ່ວນ ວ່າ: ໃນວັນທີ 14 ພະຈິກ 2024, ເຮືອບິນ MI-17 ຂອງກອງທັບອາກາດ ກອງທັບປະຊາຊົນລາວ ໄດ້ເກີດຂັດຂ້ອງທາງດ້ານເຕັກນິກ ໃນລະຫວ່າງການບິນປະຕິບັດພາລະກິດຕາມປົກກະຕິຂອງກອງທັບ ຈຳເປັນຕ້ອງລົງຈອດສຸກເສີນຢູ່ທົ່ງນາ ບ້ານ ກຸງສີ ເມືອງທ່າແຂກ ແຂວງຄຳມ່ວນ, ຢູ່ໃນເຮືອບິນມີຈຸບິນ 4 ຄົນ ພ້ອມກັບຜູ້ໂດຍສານ 20 ຄົນ, ທຸກຄົນປອດໄພດີ, ບໍ່ມີຜູ້ໄດ້ຮັບບາດເຈັບແຕ່ປະການໃດ. ເຫດການເກີດຂຶ້ນໃນເວລາ 12 ໂມງ ຂອງວັນທີ 14 ພະຈິກ 2024, ພາຍຫຼັງສໍາເລັດການປະຕິບັດໜ້າທີ່ ຢູ່ບ້ານ ໜອງມ້າ, ເຮືອບິນໄດ້ບິນໄປເມືອງທ່າແຂກ ແຂວງຄຳມ່ວນ, ຢູ່ໃນຄວາມສູງ 700 ແມັດ, ຫ່າງຈາກເມືອງທ່າແຂກ 12 ກິໂລແມັດ, …

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ໄດ້ເປິດຂຶ້ນຢ່າງເປັນທາງການໃນວັນທີ 18 ພະຈິກ 2024 ນີ້. ທີ່ ຫໍສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ໂດຍການໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ, ມີທ່ານ ສອນໄຊ ສີພັນດອນ ນາຍົກລັດຖະມົນຕີ, ມີການນຳພັກ-ລັດ, ສະມາຊິກລັດຖະບານ, ສະມາຊິກສະພາແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ. ທ່ານ ໄຊສົມພອນ ພົມວິຫານ ກ່າວວ່າ: ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ຄັ້ງນີ້ ຈະໄດ້ພິຈາລະນາຮັບຮອງບັນຫາສໍາຄັນພື້ນຖານຂອງປະເທດຊາດ ດັ່ງນີ້: 1). …

ໃນວາລະດຳເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ວັນທີ 18 ພະຈິກ 2024 ນີ້ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະ ພາແຫ່ງຊາດ, ທ່ານ ນາງສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ຂຶ້ນຜ່ານການ ຕົກລົງຂອງກອງປະຊຸມ ຄະນະປະຈຳສະພາແຫ່ງຊາດ ສະໄໝວິສາມັນ ໃນວັນທີ 15 ພະຈິກ 2024 ໂດຍອີງຕາມຄໍາສະເໜີຂອງ ທ່ານນາຍົກລັກຖະມົນຕີ ສະບັບເລກທີ 110/ນຍ, ລົງວັນທີ 12 ພະຈິກ 2024 ວ່າດ້ວຍການຍົກຍ້າຍ ແລະ ແຕ່ງຕັ້ງສະມາຊິກຄະນະລັດຖະບານ. ຄະນະປະຈໍາສະພາແຫ່ງຊາດຕົກລົງຮັບຮອງເອົາການຍົກຍ້າຍ ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄປປະຈຳຢູ່ສຳນັກງານນາຍົກລັດຖະ ມົນຕີ ໃນຖານະເປັນຮອງນາຍົກລັດຖະມົນຕີ ເພື່ອຮັບຜິດຊອບວຽກງານໃນລັດຖະບານ. ພ້ອມກັນນີ້, …

ພິທີເປີດການເຝິກຊ້ອມກອບກູ້ໄພພິບັດ 3 ກອງທັບ ກໍາປູເຈຍ-ລາວ-ຫວຽດນາມ ຄັ້ງທີ III ພາຍໃຕ້ຫົວຂໍ້ວ່າ: “ປະຕິບັດການຊ່ວຍເຫຼືອກອບກູ້ໄພພິບັດອາຄານຖະຫຼົ່ມລົງ” ໄດ້ໄຂຂຶ້ນຢ່າງເປັນທາງການ ໃນວັນທີ 18 ພະຈິກ 2024 ນີ້, ຢູ່ທີ່ສູນເຝິກອົບຮົມສາລະວັດທະຫານ ພະນົມໂຈມແສນຮັກເຣຍ ແຂວງກອມປົງສະນັງ ແຫ່ງ ຣາຊະອານາຈັກກຳປູເຈຍ, ໂດຍການເປັນປະທານຮ່ວມຂອງ ທ່ານ ພົນຕີ ແປນ ສຸກຣິດວິດເຍຍ ຫົວໜ້າສໍານັກງານເຝີກອົບຮົມ, ປະທານອະນຸກຳມະການເຝີກຊ້ອມ ກຳປູເຈຍ-ລາວ-ຫວຽດນາມ ແຫ່ງ ກອງທັບຣາຊະອານາຈັກກຳປູເຈຍ, ທ່ານ ພັນໂທ ຄຳຜາຍ ອ້ວນວິໄລ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ, ຫົວໜ້າຄະນະເຝີກຊ້ອມກອບກູ້ໄພພິບັດ 3 ກອງທັບ ແຫ່ງ ກອງທັບປະຊາຊົນລາວ ແລະ ທ່ານ ພັນເອກ ພິເສດ ວໍ້ ວັນ ບ໋າ ຮອງຫົວໜ້າການທະຫານ ກອງບັນຊາການທະຫານເຂດ 5, …

ພິທີເປີດການເຝິກຊ້ອມຮ່ວມສອງກອງທັບລາວ-ຈີນ”ຂະບວນລົດໄຟສັນຕິພາບ-2024″ເພື່ອຊ່ວຍເຫຼືອມະນຸດສະທຳ ແລະບໍລິການດ້ານການແພດ ໄດ້ຈັດຂຶ້ນໃນວັນທີ 16 ພະຈິກ 2024 ນີ້, ທີ່ສະໂມສອນກົມໃຫຍ່ພະລາທິການກອງທັບ,ໂດຍການ ເຂົ້າຮ່ວມຂອງສະຫາຍ ພົນຕີ ຄຳເພັດ ສີຊານົນ ຄະນະປະຈຳພັກກະຊວງປ້ອງກັນປະເທດ ຫົວໜ້າກົມໃຫຍ່ພະລາທິການກອງທັບ ຫົວໜ້າຄະນະຊີ້ນໍາການເຝິກຊ້ອມຮ່ວມຂະບວນລົດໄຟສັນຕິພາບລາວ-ຈີນ 2024,ມີສະຫາຍ ພັນເອກ ພິເສດ ຈ້າວຊົງ ຮອງຫົວໜ້າກົມເສນາຮັກ ກົມຮັບປະກັນພະລາທິການ ຄະນະກຳມະການທະຫານສູນກາງ ແຫ່ງ ສ ປຈີນ ຫົວໜ້າຂະບວນລົດໄຟສັນຕິພາບກອງທັບປົດປ່ອຍປະຊາຊົນຈີນ,ມີ ຫ້ອງການທີ່ປຶກສາທູດປ້ອງກັນຊາດ ສປ ຈີນ ປະຈຳ ສປປລາວ, ບັນດາຄະນະຊີ້ນໍາການເຝິກຊ້ອມຮ່ວມຂະບວນລົດໄຟສັນຕິພາບກອງທັບ ລາວ-ຈີນ,ຕາງໜ້າກະຊວງ,ອົງການ, ກອງ ບັນຊາການທະຫານແຂວງວຽງຈັນ, ບັນດາອະນຸກຳມະການ,ແພດໝໍພ້ອມດ້ວຍນັກເຝິກຊ້ອມຫັດແອບສອງເຫຼົ່າຮົບເສນາຮັກກອງທັບ ລາວ-ຈີນເຂົ້າຮ່ວມ. ສະຫາຍ ພົນຈັດຕະວາ ຄໍາແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການກອງທັບປະຊາຊົນລາວ ໄດ້ລາຍງານໃຫ້ຮູ້ວ່າ: ຂະບວນລົດໄຟສັນຕິພາບລາວ-ຈີນ ໄດ້ເລີ່ມຈັດຕັ້ງປະຕິບັດມາແຕ່ປີ 2017 ມາຮອດທ້າຍປີ 2019, 2020, …

ວັນທີ 17 ພະຈິກ 2024 ນີ້,ສະຫາຍ ພົນຈັດຕະວາ ພູມີ ດາລາເພັດ ຮອງຫົວໜ້າກົມໃຫຍ່ການເມືອງກອງທັບ ຜູ້ຊີ້ນໍາວຽກງານການເມືອງ ໄດ້ລົງຢ້ຽມຢາມ,ໂອ້ລົມກຳລັງເຫຼົ່າຮົບເສນາຮັກ ແລະ ພາກສ່ວນຮັບປະກັນພະລາທິການຢູ່ພາກສະໜາມຫັດແອບເຝິກຊ້ອມ ຂະບວນລົດໄຟສັນຕິພາບ-2024 ເພື່ອຊ່ວຍເຫຼືອມະນຸດສະທຳ ແລະ ບໍລິການດ້ານການແພດຮ່ວມສອງກອງທັບລາວ-ຈີນ. ໂອກາດນີ້, ສະຫາຍ ພົນຈັດຕະວາ ພູມີ ດາລາເພັດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ທຸກພາກສ່ວນທີ່ໄດ້ພ້ອມກັນສຸມໃສ່ຫ້າງຫາກະກຽມມາປະຕິບັດໜ້າທີ່ຂອງຕົນຢ່າງຕັ້ງໜ້າຢູ່ພາກສະໜາມດ້ວຍຄວາມຮັບຜິດຊອບສູງ ພ້ອມທັງເນັ້ນໜັກໃຫ້ບັນດານັກເຝິກຊ້ອມເຫຼົ່າຮົບເສນາຮັກທຸກສະຫາຍ ຕັ້ງໃຈໃສ່ເຂົ້າໃນການເຝິກຊ້ອມ ເພື່ອນໍາເອົາບັນດາບົດຮຽນຈາກເພື່ອນຈີນ, ໂດຍສະເພາະທາງດ້ານເຕັກນິກ ແລະ ວິຊາການຕ່າງໆ ໃນການກອບກູ້ຊ່ວຍເຫຼືອຜູ້ທີ່ຖືກບາດເຈັບ, ຜູ້ຖືກເຄາະຮ້າຍຈາກໄພທໍາມະຊາດ, ສະນັ້ນ ການຮ່ວມຫັດແອບເຝິກຊ້ອມເພື່ອຊ່ວຍເຫຼືອຜູ້ປະສົບໄພພິບັດຈາກທຳມະຊາດດ້ານການແພດແມ່ນມີຄວາມສໍາຄັນຫຼາຍ ໃນການກຽມຄວາມພ້ອມຮັບມືກັບເຫດການຕ່າງໆທີ່ອາດຈະເກີດຂື້ນໃນຕໍ່ໜ້າໃຫ້ສາມາດຊ່ອຍເຫຼືອຜູ້ປະສົບໄພໄດ້ທັນເຫດການ, ພ້ອມນັ້ນ ກໍໄດ້ຮຽກຮ້ອງໃຫ້ບັນດາສະຫາຍນັກເຝິກຊ້ອມພ້ອມກັນປະຕິບັດລະບຽບ 7 ລະບອບ 18 ວຽກຂອງກອງທັບໃຫ້ໜັກແໜ້ນເຂັ້ມແຂງ,ເພີ່ມທະວີຄວາມສາມັກຄີເປັນປຶກແຜ່ນໃນການເຝິກຊ້ອມ, ມີຄວາມສາມັກຄີກັບເພື່ອນຈີນ,ຮັກສາໄດ້ຄວາມປອດໄພໃນການເຝິກແອບ,ມີຄວາມອົດທົນສູ້ຊົນຜ່ານຜ່າທຸກຂໍ້ຫຍຸ້ງຍາກໃນການຫັດແອບເພື່ອພ້ອມກັນເຮັດສຳເລັດໜ້າທີ່ການຈັດຕັ້ງໄດ້ມອບໝາຍ. ຈາກນັ້ນ, ສະຫາຍ ຮອງຫົວໜ້າກົມໃຫຍ່ການເມືອງກອງທັບ ກໍໄດ້ຢ້ຽມຢາມ ແລະ ໂອ້ລົມພາກສ່ວນວຽກງານພະລາທິການຢູ່ພາກສະໜາມໃຫ້ເອົາໃຈໃສ່ຢ່າງຮອບດ້ານເປັນຕົ້ນແມ່ນການປຸງແຕ່ງອາຫານໃຫ້ອ້າຍນ້ອງໄດ້ກິນເຂົ້າຄົບສາມຄາບ, ອາຫານແຊບນົວ,ສະອາດ ແລະ ຖືກຫຼັກອະນາໄມ …

ວັນທີ 16 ພະຈິກ 2024 ນີ້, ຢູ່ທີ່ຫໍປະຊຸມແຫ່ງຊາດ, ກະຊວງປ້ອງກັນປະເທດ ໄດ້ຈັດກອງປະຊຸມລາຍງານຄວາມພ້ອມ ແລະ ກວດກາສະຖານທີ່ຈັດກອງປະຊຸມລັດຖະມົນຕີປ້ອງກັນປະເທດອາຊຽນຄັ້ງທີ 18 ແລະ ອາຊຽນ-ບວກ ຄັ້ງທີ 11 ທີ່ຈະຈັດຂຶ້ນຢູ່ນະຄອນຫຼວງວຽງຈັນ ໃນລະຫວ່າງວັນທີ 19-22 ພະຈິກ 2024 ນີ້, ໂດຍການເປັນປະທານຂອງສະຫາຍ ພົນໂທ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ, ມີສະຫາຍ ພົນຕີ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາທິການກອງທັບຫົວໜ້າເຈົ້າໜ້າທີ່ອາວຸໂສປ້ອງກັນປະເທດອາຊຽນຂອງ ສປປ ລາວ, ພ້ອມຄະນະຮັບຜິດຊອບ, ອະນຸກຳມະການຈາກພາກສ່ວນຕ່າງໆ ແລະ ພະນັກງານວິຊາການເຂົ້າຮ່ວມ. ສະຫາຍ ພັນເອກ ເຟືອງໄຊ ມີລາກົງ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດ, ຫົວໜ້າຫນ່ວຍງານວິຊາ ເຈົ້າຫນ້າທີ່ອາວຸໂສ ທັງເປັນຫົວໜ້າກອງເລຂາກອງປະຊຸມປ້ອງກັນປະເທດອາຊຽນ ໄດ້ລາຍງານຄວາມພ້ອມດ້ານຕ່າງາໆ ເປັນຕົ້ນແມ່ນ ເນື້ອໃນ, ພິທີການ, …