ກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 11ຈັດຂຶ້ນປະເທດຟີລິບພາຍໃຕ້ຄຳຂັວນ “ຮ່ວມມືເພື່ອການປ່ຽນແປງ, ຜູກພັນສາກົນ”.

ກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 11ຈັດ​ຂຶ້ນປະເທດຟີລິບພາຍໃຕ້ຄຳຂັວນ “ຮ່ວມມືເພື່ອການປ່ຽນແປງ, ຜູກພັນສາກົນ”.

ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ພ້ອມດ້ວຍຄະນະເຂົ້າຮ່ວມກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 11 (11th ADMM), ກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ຄັ້ງທີ 4 (4th ADMM-Plus) ແລະ ກອງປະຊຸມອື່ນໆທີ່ກ່ຽວຂ້ອງຢູ່ທີ່ເມືອງຄລາກ, ແຂວງ ປາມຝັງງາ, ປະເທດຟີລິບປິນ. (ວັນທີ 22-25 ຕຸລາ 2017)

ເນື້ອໃນສຳຄັນຂອງກອງປະຊຸມ ADMM ຄັ້ງທີ 11 ນີ້ ແມ່ນໄດ້ຮັບຮອງເອົາ 10 ເອກະສານແນວຄວາມຄິດວ່າດ້ວຍ ການຮ່ວມມືລະຫວ່າງບັນດາປະ ເທດອາຊຽນ ແລະ ອາຊຽນ-ບວກ ເຊິ່ງລວມມີ: 1. ແຜນວຽກ 3 ປີ ຂອງກອງປະຊຸມ ADMM; 2. ບົດແນວຄວາມຄິດວ່າດ້ວຍ ແນວຄິດລິເລີ່ມໃນຂອບກອງປະ ຊຸມ ADMM ແລະ ADMM-ບວກ; 3. ບົດແນວຄວາມຄິດວ່າ ດ້ວຍຂໍ້ແນະນໍາສໍາລັບໂຄງການ ແລກປ່ຽນທາງທະເລ; 4. ຫຼັກ ການສໍາລັບການແລກປ່ຽນການ ສຶກສາ ແລະ ເຝິກອົບຮົມຂອງ ບັນດາປະເທດສະມາຊິກ ADMM; 5. ບົດແນວຄວາມຄິດ ວ່າດ້ວຍການປັບປຸງໜ່ວຍງານຜູ້ຊ່ຽວຊານໃນຂອບກອງປະຊຸມ ADMM-ບວກ; 6. ບົດແນວ ຄວາມຄິດວ່າດ້ວຍການຈັດກອງ ປະຊຸມ ADMM-ບວກ ປະຈໍາປີ, 7. ລະບຽບຫຼັກການສໍາລັບການ ຈັດກອງປະຊຸມບໍ່ເປັນທາງການ ກັບປະເທດ-ບວກ; 8. ລະບຽບ ຫຼັກການເພີ່ມເຕີມ ທີ 2 ໃນການ ສ້າງຕັ້ງກອງປະຊຸມ ADMM ແລະ ກອງປະຊຸມ ADMM-ບວກ; 9. ບົດແນວຄວາມຄິດວ່າ ດ້ວຍການເພີ່ມທະວີການສ່ວນ ຮ່ວມລະຫວ່າງກອງປະຊຸມ ADMM ແລະ ກອງປະຊຸມເຄືອ ຂ່າຍສະຖາບັນປ້ອງກັນຊາດ ແລະ ຄວາມໝັ້ນຄົງ (NADI) ແລະ 10. ບົດແນວຄວາມຄິດ ວ່າດ້ວຍການສ້າງຕັ້ງໜ່ວຍງານ ວິຊາການສະເພາະກິດເພື່ອປັບ ປຸງຫຼັກການປະຕິບັດຂອງເຮືອ ບິນທະຫານໃນເວລາປະເຊີນ ໜ້າທາງອາກາດ.

ຈາກນັ້ນ, ບັນດາລັດຖະມົນ ຕີປ້ອງກັນປະເທດອາຊຽນຍັງ ໄດ້ລົງນາມໃນຖະແຫຼງການ ຮ່ວມກອງປະຊຸມ ADMM ຄັ້ງ ທີ 11 ວ່າດ້ວຍ “ການຮ່ວມມື ເພື່ອການປ່ຽນແປງ, ຜູກພັນສາ ກົນ”. ພ້ອມກັນນັ້ນ, ກອງປະຊຸມ ຍັງຮັບຟັງຄວາມຄືບໜ້າຂອງ ການຈັດຕັ້ງສູນແພດທະຫານອາ ຊຽນ ແລະ ແນວຄວາມຄິດລິ ເລີ່ມໃໝ່ຂອງອິນໂດເນເຊຍ ກ່ຽວກັບການຮ່ວມມືຢ່າງໃກ້ຊິດ ໃນການຕິດຕາມການເຄື່ອນ ໄຫວຂອງກຸ່ມກໍ່ການຮ້າຍ. ສິ່ງ ສຳຄັນອີກອັນໜຶ່ງໃນກອງປະ ຊຸມ 11th ADMM ໃນຄັ້ງນີ້, ໄດ້ຮັບຮອງເອົາເອກະສານທີ່ ກອງທັບປະຊາຊົນລາວ ແລະ ກອງກຳລັງປ້ອງກັນຕົນເອງຍີ່ ປຸ່ນ ໄດ້ຮ່າງຂຶ້ນໃນໄລຍະການ ເປັນປະທານຮ່ວມໃນໜ່ວຍງານ ວິຊາການດ້ານການຊ່ວຍເຫຼືອ ມະນຸດສະທຳ ແລະ ບັນເທົາທຸກ ໄພພິບັດ ວ່າດ້ວຍມາດຕະຖານ ການປະຕິບັດງານຂອງສູນປະ ສານງານຫຼາຍຝ່າຍ (MNCC SOP) ເພື່ອສະເໜີໃຫ້ຄະນະກຳ ມະການຄຸ້ມຄອງໄພພິບັດອາ ຊຽນ (ACDM) ພິຈາລະນາ ເອົາເຂົ້າເປັນເອກະສານຊ້ອນ ທ້າຍໃນໜວດທີ່ 6 ຂອງມາດ ຕະຖານການປະຕິບັດງານກ່ຽວ ກັບຄວາມພ້ອມຂອງພາກພື້ນ ແລະ ປະສານງານຮ່ວມກັນເພື່ອ ບັນເທົາທຸກໄພພິບັດ ແລະ ຕອບ ໂຕ້ສຸກເສີນອາຊຽນ(SASOP).

ສຳລັບກອງປະຊຸມ ADMM-ບວກ ຄັ້ງທີ 4, ກອງປະຊຸມໄດ້ ຮັບຟັງການລາຍງານຂອງເລ ຂາທິການໃຫຍ່ອາຊຽນ ວ່າດ້ວຍ ຄວາມຄືບໜ້າໃນການປະຕິບັດ ໜ້າທີ່ຂອງສາມເສົາຄໍ້າຂອງປະ ຊາຄົມອາຊຽນຄື: ເສົາຄໍ້າປະຊາ ຄົມການເມືອງ ແລະ ຄວາມ ໝັ້ນຄົງ, ເສົາຄໍ້າປະຊາຄົມເສດ ຖະກິດ ແລະ ເສົາຄໍ້າປະຊາຄົມ ວັດທະນະທຳ-ສັງຄົມ. ບັນດາ ລັດຖະມົນຕີປ້ອງກັນປະເທດອາ ຊຽນ ແລະ ອາຊຽນ-ບວກ ຍັງ ໄດ້ພ້ອມກັນແລກປ່ຽນສະພາບ ຄວາມໝັ້ນຄົງທີ່ພົ້ນເດັ່ນໃນ ພາກພື້ນ ແລະ ສາກົນ, ເຊິ່ງກຳ ລັງຜະເຊີນໜ້າຢູ່ ເປັນຕົ້ນແມ່ນ ສະພາບການໃນແຫຼມເກົາຫຼີ, ການກໍ່ການຮ້າຍ, ໄພພິບັດທາງ ທຳມະຊາດ, ຄວາມໝັ້ນຄົງທາງ ທະເລ ແລະ ໄພຂົ່ມຂູ່ຕໍ່ຄວາມ ໝັ້ນຄົງທີ່ບໍ່ແມ່ນທາງທະຫານ ອື່ນໆ.

ພ້ອມດຽວກັນນັ້ນຄະນະຜູ້ ແທນຈາກ ສປປ ລາວ ຍັງໄດ້ ເຂົ້າຮ່ວມກອງປະຊຸມທີ່ກ່ຽວ ຂ້ອງອື່ນໆຄື: ກອງປະຊຸມພິເສດ ຂອງບັນດາລັດຖະມົນຕີປ້ອງກັນ ປະເທດອາຊຽນ, ກອງປະຊຸມບໍ່ ເປັນທາງການລັດຖະມົນຕີ ຈີນ-ອາຊຽນ, ກອງປະຊຸມບໍ່ເປັນ ທາງການລັດຖະມົນຕີອາເມຣິ ກາ-ອາຊຽນ, ກອງປະຊຸມບໍ່ເປັນ ທາງການລັດຖະມົນຕີ ຍີ່ປຸ່ນ-ອາ ຊຽນ, ພິທີເປີດໂຄງການຕິດຕໍ່ສື່ ສານໂດຍກົງຂອງກອງປະຊຸມ ລັດຖະມົນຕີປ້ອງກັນປະເທດອາ ຊຽນ ແລະ ພິທີມອບໂອນປະ ທານອາຊຽນໃຫ້ແກ່ສິງກະໂປ ເຊິ່ງຈະຮັບໜ້າທີ່ເປັນປະທານອາ ຊຽນ ໃນປີ 2018 ແລະ ກິດຈະ ກຳອື່ນໆ. ນອກຈາກນີ້ ບັນດາ ລັດຖະມົນຕີປ້ອງກັນປະເທດອາ ຊຽນ ແລະ ອາຊຽນ-ບວກ ຍັງ ໄດ້ພ້ອມກັນເຂົ້າຢ້ຽມຂໍ່ານັບພະ ນະທ່ານ ໂຣດຣິໂກ ໂຣດ ດູເຕີເຕ ປະທານາທີບໍດີ ແຫ່ງ ສາທາ ລະນະລັດ ຟີລິບປິນ.

ນອກນັ້ນ ໃນໂອກາດເຂົ້າ ຮ່ວມກອງປະຊຸມໃນຄັ້ງນີ້ ທ່ານ ລັດຖະມົນຕີກະຊວງປ້ອງກັນປະ ເທດ ແຫ່ງ ສປປ ລາວພ້ອມດ້ວຍ ຄະນະຍັງໄດ້ພົບປະສອງຝ່າຍ ກັບຄະນະລັດຖະມົນປ້ອງກັນປະ ເທດອາຊຽນຈຳນວນໜຶ່ງເຊັ່ນ: ຫວຽດນາມ, ຣັດເຊຍ, ກຳປູ ເຈຍ, ຟີລິບປິນ ແລະ ສິງກະໂປ