ພົບປະແລກປ່ຽນບົດຮຽນ ລະຫວ່າງກົມໂຄສະນາອົບຮົມ ກອງທັບປະຊາຊົນລາວ-ຫວຽດນາມ

ວັນທີ 10 ພະຈິກ 2025 ນີ້, ຢູ່ທີ່ກະຊວງປ້ອງກັນປະເທດ ໄດ້ຈັດກອງປະຊຸມ ແລກປ່ຽນບົດຮຽນວຽກງານໂຄສະນາອົບຮົມ ລະຫວ່າງ ກົມໂຄສະນາອົບຮົມ ກອງທັບປະຊາຊົນລາວ ແລະ ກົມໂຄສະນາອົບຮົມ ກອງທັບປະຊາຊົນຫວຽດນາມ, ຝ່າຍ ສປປ ລາວ ນໍາໂດຍ ສະຫາຍ ພົນຈັດຕະວາ ແກ້ວສຸວັນ ຜາງພິລາວົງ ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນລາວ ພ້ອມດ້ວຍຄະນະ ແລະ ຝ່າຍ ສສ ຫວຽດນາມ ນໍາໂດຍສະຫາຍ ພົນຕີ ຫງວຽນວັນດຶກ ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນ ຫວຽດນາມ ພ້ອມດ້ວຍຄະນະ.
ໃນກອງປະຊຸມ ທັງສອງຝ່າຍໄດ້ປຶກສາຫາລື ກ່ຽວກັບວຽກງານສຶກສາອົບຮົມການເມືອງ-ແນວຄິດໃຫ້ພະນັກງານ ແລະ ຕໍ່ສູ້ຕ້ານແນວຄິດ, ບັນດາທັດສະນະທີ່ຕໍ່ຕ້ານ ຂອງອິດທິກໍາລັງປໍລະປັກ ທາງອິນເຕີເນັດ, ທາງສັງຄົມອອນລາຍ; ທີ່ຕັ້ງ, ພາລະບົດບາດ ລະບົບການຈັດຕັ້ງລາຍງານຂອງນັກຂ່າວ, ບາງ ປະສົບການກ່ຽວກັບການເຄື່ອນໄຫວໂຄສະນາທາງວາຈາ ແລະ ຍົກສູງຄຸນນະພາບ ຂອງຖັນແຖວນັກຂ່າວໃນກົມກອງພື້ນຖານ; ວຽກງານສຶກສາວິທະຍາສາດສັງຄົມ ແລະ ມະນຸດສາດ ໃນໂຮງຮຽນທະຫານ, ເນື້ອໃນ, ແຜນການວິທະຍາສາດສັງຄົມ ແລະ ມະນຸດສາດສຶກສາບັນດາເປົ້າໝາຍ ນັກສຶກສາທະຫານຂອງສອງປະເທດ; ວຽກງານຄຸ້ມຄອງສື່ມວນຊົນ, ໂຄສະນາ ແລະ ຄຸ້ມຄອງສັງຄົມອອນລາຍກອງທັບຂອງສອງປະເທດ; ການປະສານສົມທົບຜັນຂະຫຍາຍວຽກງານວັດທະນະທຳ, ສິລະປະ ລະຫວ່າງ ສອງກອງທັບ ລາວ-ຫວຽດນາມ; ປະສົບການກ່ຽວກັບການຄຸ້ມຄອງການພິມ, ວິຊາການສະເພາະຂະແໜງພິມ-ຈຳໜ່າຍ, ວຽກງານຍ້ອງຍໍ ແລະ ວຽກງານແຜນການສັງລວມ.
ແຫ່ງທີມາຂອງຂ່າວ: ໜັງສືພິມກອງທັບ.