ທິດສະດີຊີ້ນຳ

ວັນທີ 12 ທັນວາ 2025 ນີ້, ກະຊວງປ້ອງກັນປະເທດໄດ້ເປີດກອງປະຊຸມ ທາບທາມ ຮ່າງກົດໝາຍ ວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ), ໂດຍການເປັນປະທານຂອງສະຫາຍ ພົນໂທ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີບັນດາຄະນະນໍາ 4 ກົມໃຫຍ່, ຫ້ອງວ່າການກະຊວງປ້ອງກັນປະເທດ, ຫ້ອງວ່າການປະທານປະເທດ, ຫ້ອງວ່າການສູນກາງພັກ, ຫ້ອງວ່າການສຳນັກງານນາຍົກລັດຖະມົນຕີ, ຫ້ອງການຄະນະກໍາມະການ ປກຊ-ປກສ ສູນກາງ, ກະຊວງປ້ອງກັນຄວາມສະຫງົບ, ກະຊວງການເງິນ, ສະຫະພັນນັກຮົບເກົ່າແຫ່ງຊາດລາວ ແລະ ພາກສ່ວນກ່ຽວຂ້ອງເຂົ້າຮ່ວມ. ສະຫາຍ ພົນຕີ ແສງມະນີວອນ ຄຳມະນີ ຮອງຫົວໜ້າກົມໃຫຍ່ການເມືອງກອງທັບ ໄດ້ຜ່ານເນື້ອໃນຮ່າງກົດໝາຍ ວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ) ໂດຍປະກອບມີ VIII ພາກ 7 ໝວດ 55 ມາດຕາ. ຈາກນັ້ນ, ຜູ້ແທນກອງປະຊຸມກໍໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນໃສ່ຮ່າງກົດໝາຍສະບັບດັ່ງກ່າວ ທັງນີ້, ກໍເພື່ອເຮັດໃຫ້ນາຍທະຫານມີຄວາມເຂົ້າໃຈຕໍ່ຂໍ້ກຳນົດ, …

ໃນວັນທີ 12 ທັນວາ 2025 ທີ່ສໍານັກງານນາຍົກລັດຖະມົນຕີ, ທ່ານ ສອນໄຊ ສິດພະໄຊ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ໂຄສົກລັດຖະບານ ໄດ້ຖະແຫຼງຂ່າວ ຕໍ່ສື່ມວນຊົນ ກ່ຽວກັບຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນພະຈິກ 2025 ວ່າ: ກອງປະຊຸມດັ່ງກ່າວ ໄດ້ໄຂຂຶ້ນໃນຕອນເຊົ້າ ຂອງວັນທີ 11 ແລະ ອັດລົງໃນຕອນແລງ ຂອງວັນທີ 12 ທັນວາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ, ຜູ້ຕາງໜ້າກະຊວງ-ອົງການ ເຂົ້າຮ່ວມແບບເຊິ່ງໜ້າ, ການນໍາຂອງນະຄອນຫຼວງວຽງຈັນ ແລະ ບັນດາແຂວງ ເຂົ້າຮ່ວມຜ່ານລະບົບກອງປະຊຸມທາງໄກ ເພື່ອຮັບຟັງ ແລະ ປະກອບຄຳເຫັນ ຕໍ່ການລາຍງານສະພາບພົ້ນເດັ່ນ ປະຈຳເດືອນພະຈິກ ແລະ ທິດທາງແຜນວຽກຈຸດສຸມ ປະຈຳເດືອນທັນວາ 2025. ກອງປະຊຸມຄັ້ງນີ້ …

ວັນທີ 3 ທັນວາ 2025 ນີ້, ສະຫາຍ ພົນໂທ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງກອງທັບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງສະຫາຍ ພົນຈັດຕະວາ ຫງວຽນ ເຕີນ ເດ້ ຮອງຫົວໜ້າຄະນະຕິດຕໍ່ປະສານງານທົ່ວປະເທດຫວຽດນາມ ພ້ອມ ຄະນະອະດີດທະຫານອາສາສະໝັກ ເເລະ ຊ່ຽວຊານຫວຽດ ນາມຊ່ວຍເຫຼືອການປະຕິວັດລາວ. ເນື່ອງໃນໂອກາດທີ່ມາຢ້ຽມຢາມ ແລະ ເດີນທາງມາເຂົ້າຮ່ວມພິທີສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ທີ່ນະຄອນຫຼວງວຽງຈັນ. ໂອກາດດັ່ງກ່າວ, ສະ ຫາຍ ພົນຈັດຕະວາ ຫງວຽນ ເຕີນ ເດ້ ໄດ້ສະແດງຄວາມ ຂອບໃຈຕໍ່ສະຫາຍຫົວໜ້າກົມໃຫ່ຍການເມືອງກອງທັບ ພ້ອມດ້ວຍຄະນະ ທີ່ໄດ້ໃຫ້ການຕ້ອນຮັບຢ່າງອົບອຸ່ນ, ພ້ອມທັງ ຍົກໃຫ້ ເຫັນປະຫວັດມູນເຊື້ອແຫ່ງການພົວພັນອັນດີງາມ ຂອງສອງຊາດ ຫວຽດນາມ – ລາວ …

ວັນທີ 28 ພະຈິກ 2025 ນີ້, ສະຫາຍ ພັນໂທ ບຸນໄມ ແສງອາລຸນ ຫົວໜ້າກອງວາລະສານປ້ອງກັນຊາດ ພ້ອມຄະນະ ໄດ້ນຳກະຕ່າຂອງຂວັນອວຍພອນ ສະຫາຍ ພັນໂທ ບຸນມາ ອິນຕາວັນ ອາດີດຫົວໜ້າກອງວາລະສານປ້ອງກັນຊາດ ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 50 ປີ. ໂອກາດນີ້, ສະຫາຍ ພັນໂທ ບຸນໄມ ແສງອາລຸນ ໄດ້ກ່າວອວຍພອນໄຊອັນປະເສີດມາຍັງ ສະຫາຍ ພັນໂທ ບຸນມາ ອິນຕາວັນ ອາດີດຫົວໜ້າກອງວາລະສານປ້ອງກັນຊາດ ທີ່ໄດ້ປະກອບສ່ວນໜ້າທີ່ປ້ອງກັນຊາດອັນສູງສົ່ງທີ່ມີກຽດສະຫງ່າ ເຫັນໄດ້ເຖິງມູນເຊື້ອ ຜົນງານຫຼາຍດ້ານໃນການນຳພາ-ຊີ້ນຳ ສ້າງສາພັດທະນາກົມກອງໃນໄລຍະຜ່ານມາ ໃຫ້ມີຜົນສໍາເລັດໃນໜ້າທີ່ການເມືອງທີ່ພັກ-ລັດ ມອບໝາຍໃຫ້ເປັນຢ່າງດີ, ຈົ່ງມີສຸຂະພາບແຂງແຮງ, ສືບຕໍ່ສຶກສາອົບຮົມ ແລະ ເປັນແວ່ນແຍງໃຫ້ ພະນັກງານ-ນັກຮົບ ຮຸ້ນສືບທອດ ໄດ້ນໍາເອົາຜົນງານມູນເຊື້ອອັນດີງາມມາເປັນບົດຮຽນທີ່ລໍ້າຄ່າ ເພື່ອນໍາມາຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຂອງຕົນ. ໂດຍ: ໄຊຍະເສນ …

ວັນທີ 21 ພະຈິກ 2025 ນີ້, ສະຫາຍ ພົນຕີ ຈອມເພັດ ໄຊຍະສຸກ ຫົວໜ້າກົມໃຫຍ່ເຕັກນິກກອງທັບ ໄດ້ເຄື່ອນໄຫວຊຸກຍູ້ວຽກງານເສນາເຕັກນິກ, ມີສະຫາຍ ພົນຈັດຕະວາ ຈັນສະໝອນ ລັດສະໄໝ ຫົວໜ້າກົມເສນາເຕັກນິກ, ມີບັນດາພະແນກການຕະຫຼອດຮອດພະນັກງານ-ນັກຮົບເຂົ້າຮ່ວມ. ສະຫາຍ ພົນຈັດຕະວາ ຈັນສະໝອນ ລັດສະໄໝ ໄດ້ລາຍງານໂດຍຫຍໍ້ໃນການຈັດຕັ້ງເຄື່ອນໄຫວວຽກງານເສນາເຕັກນິກໃນໄລຍະຜ່ານມາ, ໂດຍໃຫ້ຮູ້ວ່າ: ຜ່ານມາພະນັກງານຢູ່ໃນກົມເສນາເຕັກນິກໄດ້ຍົກສູງຄວາມຮັບຜິດຊອບໃນການປະຕິບັດໜ້າທີ່ວຽກງານທີ່ໄດ້ມອບໝາຍ, ຫ້າວຫັນເປັນເຈົ້າການປະຕິບັດວຽກງານ ແລະ ລະບຽບວິໄນ, ມີແບບແຜນ, ມີຄວາມເປັນເອກະພາບຕໍ່ແນວທາງຂອງພັກ-ລັດວາງອອກ, ມີຄວາມສາມັກຄີພາຍໃນ ແລະ ຕໍ່ກັບບັນດາກົມກອງອ້ອມຂ້າງໄດ້ດີ, ເປັນເຈົ້າການຄົ້ນຄວ້າເຊື່ອມຊຶມ, ກໍາແໜ້ນບັນດາມະຕິ-ຄໍາສັ່ງແນະນໍາວຽກງານປ້ອງກັນຊາດ, ປ້ອງກັນຄວາມສະຫງົບເຂົ້າໃນການກຽມພ້ອມສູ້ຮົບ ແລະ ສູ້ຮົບ, ຈັດຕັ້ງຜັນຂະຫຍາຍມະຕິ-ຄໍາສັ່ງຢ່າງເຂັ້ມງວດ, ເປັນເຈົ້າການສ້າງ, ກໍານົດສິດປະຈໍາການແຕ່ລະວັນ, ແຕ່ລະເດືອນ ເປັນປົກກະຕິເຮັດໃຫ້ສະພາບຂອງກົມກອງມີຄວາມສະຫງົບປອດໄພດີ, ສຶກສາອົບຮົມການເມືອງ-ນໍາພາແນວຄິດໃຫ້ພະນັກງານສາມະຊິກພັກເປັນຕົ້ນແມ່ນ ຍົກສູງສະຕິເປັນເຈົ້າການປົກປັກຮັກສາຄວາມສະຫງົບ ໃນຂົງເຂດຄວາມຮັບຜິດຊອບ, ຈໍາແນກໄດ້ມິດ ແລະ ສັດຕູ, ຕິດຕາມກວດກາການປະຕິບັດລະບຽບວິໄນ, ກວດກາການປະຈໍາການສາມຂັ້ນ …

ພິທີປະກາດການແຕ່ງຕັ້ງ ຫົວໜ້າການເມືອງກອງພົນທີ 2 ໄດ້ຈັດຂຶ້ນໃນວັນທີ 18 ພະຈິກ 2025 ນີ້, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດ, ມີສະຫາຍ ດວງຕາ ໄຊວຸດ ຮອງເຈົ້າແຂວງ ໄຊຍະບູລີ, ມີຜູ້ຕາງໜ້າຈາກກົມໃຫຍ່ການເມືອງກອງທັບ, ຫ້ອງວ່າການກະຊວງປ້ອງກັນປະເທດ , ແຂກຖືກເຊີນ ຕະຫຼອດຮອດພະນັກງານຫຼັກແຫຼ່ງກອງພົນທີ 2 ເຂົ້າຮ່ວມ. ສະຫາຍ ພົນຈັດຕະວາ ປອ ສອນໄຊ ຈັນຍາລາດ ຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານ ຢູ່ກອງພົນທີ 2 ພັກການກຽມຮັບບໍານານ ໃນນັ້ນ, ຕົກລົງໃຫ້ສະຫາຍ ພົນຈັດຕະວາ ຄຳດີ ໄຊຍະວົງ ຫົວໜ້າການເມືອງກອງພົນທີ 2 ພັກການກຽມຮັບບໍານານ ແລະ ຜ່ານດໍາລັດນາຍົກລັດຖະມົນຕີ ວ່າດ້ວຍການແຕ່ງຕັ້ງ …

ກອງປະຊຸມ ສະຫຼຸບການຈັດຕັ້ງເຄື່ອນໄຫວ ວຽກງານປະກັນສັງຄົມຮອບດ້ານ ທົ່ວກອງທັບ ປະຈຳປີ 2025 ແລະ ທິດທາງແຜນການ ປະຈຳປີ 2026 ໄດ້ຈັດຂຶ້ນໃນວັນທີ 17 ພະຈິກ 2025 ນີ້,ໂດຍການເປັນປະທານຂອງສະຫາຍ ພົນໂທ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີຄະນະກົມ, ຫ້ອງການ, ວິທະຍາຄານ, ກອງພົນ, ກອງບັນຊາການ, ໂຮງຮຽນ, ໂຮງໝໍ, ກອງພັນໃຫຍ່, ບໍລິສັດ-ລັດວິສາຫະກິດ, ອົງການປະກັນສັງຄົມແຫ່ງຊາດ, ຫ້ອງການປະກັນສຸຂະພາບແຫ່ງຊາດ, ກົມປະກັນສັງຄົມ ກະຊວງປ້ອງກັນຄວາມສະຫງົບ ແລະ ບັນດາສະຫາຍທີ່ຮັບຜິດຊອບວຽກງານປະກັນສັງຄົມ ໃນທົ່ວກອງທັບ ເຂົ້າຮ່ວມ. ໃນກອງປະຊຸມ ສະຫາຍ ພົນຈັດຕະວາ ໄຊຍະແສງ ໄມມະນີ ຫົວໜ້າກົມປະກັນສັງຄົມ ໄດ້ຂຶ້ນຜ່ານບົດສະຫຼຸບການຈັດຕັ້ງເຄື່ອນໄຫວວຽກງານປະກັນສັງຄົມ ຮອບດ້ານ ທົ່ວກອງທັບ ປະຈຳປີ 2025 ແລະ ທິດທາງແຜນການປີ …

ວັນທີ 10 ພະຈິກ 2025 ນີ້, ຢູ່ທີ່ກະຊວງປ້ອງກັນປະເທດ ໄດ້ຈັດກອງປະຊຸມ ແລກປ່ຽນບົດຮຽນວຽກງານໂຄສະນາອົບຮົມ ລະຫວ່າງ ກົມໂຄສະນາອົບຮົມ ກອງທັບປະຊາຊົນລາວ ແລະ ກົມໂຄສະນາອົບຮົມ ກອງທັບປະຊາຊົນຫວຽດນາມ, ຝ່າຍ ສປປ ລາວ ນໍາໂດຍ ສະຫາຍ ພົນຈັດຕະວາ ແກ້ວສຸວັນ ຜາງພິລາວົງ ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນລາວ ພ້ອມດ້ວຍຄະນະ ແລະ ຝ່າຍ ສສ ຫວຽດນາມ ນໍາໂດຍສະຫາຍ ພົນຕີ ຫງວຽນວັນດຶກ ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບປະຊາຊົນ ຫວຽດນາມ ພ້ອມດ້ວຍຄະນະ. ໃນກອງປະຊຸມ ທັງສອງຝ່າຍໄດ້ປຶກສາຫາລື ກ່ຽວກັບວຽກງານສຶກສາອົບຮົມການເມືອງ-ແນວຄິດໃຫ້ພະນັກງານ ແລະ ຕໍ່ສູ້ຕ້ານແນວຄິດ, ບັນດາທັດສະນະທີ່ຕໍ່ຕ້ານ ຂອງອິດທິກໍາລັງປໍລະປັກ ທາງອິນເຕີເນັດ, ທາງສັງຄົມອອນລາຍ; ທີ່ຕັ້ງ, ພາລະບົດບາດ ລະບົບການຈັດຕັ້ງລາຍງານຂອງນັກຂ່າວ, ບາງ ປະສົບການກ່ຽວກັບການເຄື່ອນໄຫວໂຄສະນາທາງວາຈາ …

ວັນທີ 10 ພະຈິກ 2025 ນີ້, ກະຊວງປ້ອງກັນປະເທດ ໄດ້ຈັດກອງປະຊຸມຄົບຄະນະບໍລິຫານງານພັກ ກະຊວງປ້ອງກັນປະເທດ ຄັ້ງທີ 2 ສະໄໝທີ VI ເພື່ອປະກອບຄໍາເຫັນຕໍ່ບັນດາສະຫາຍ ໃນຄະນະບໍລິຫານງານສູນກາງພັກ ສະໄໝທີ XI, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີກະຊວງປ້ອງກັນປະເທດ, ມີບັນດາສະຫາຍກຳມະການຄະນະປະຈຳພັກ ແລະ ກຳມະການຄະນະບໍລິຫານງານພັກ ກະຊວງປ້ອງກັນປະເທດ ເຂົ້າຮ່ວມ. ສະຫາຍ ພົນໂທ ຄຳລຽງ ອຸທະໄກສອນ ມີຄຳເຫັນຊີ້ນຳ ແລະ ກ່າວເປິດກອງປະຊຸມ ວ່າ: ກອງປະຊຸມຄົບຄະນະບໍລິຫານງານພັກ ກະຊວງປ້ອງກັນປະເທດ ຄັ້ງທີ 2 ສະໄໝທີ VI ໃນຄັ້ງນີ້ ເເມ່ນຈະໄດ້ຮັບຟັງການຕີລາຄາ, ການປະກອບຄໍາເຫັນ ຕໍ່ການປະຕິບັດໜ້າທີ່ ແລະ ຄວາມຮັບຜິດຊອບ ຂອງບັນດາສະຫາຍຄະນະບໍລິຫານງານສູນກາງພັກ …

ພິທີປະກາດການແຕ່ງຕັ້ງໜ້າທີ່ ແລະ ຍົກຍ້າຍນາຍທະຫານຂັ້ນສູງ ຢູ່ກະຊວງປ້ອງກັນປະເທດ ໄດ້ຈັດຂຶ້ນວັນທີ 5 ພະຈິກ 2025 ນີ້, ໂດຍການເປັນປະທານຂອງ ສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ, ມີຄະນະນຳກະຊວງ, ຄະນະນຳ 4 ກົມໃຫຍ່, ຫ້ອງວ່າການກະຊວງ, ນາຍທະຫານທີ່ໄດ້ຮັບໜ້າທີ່ໃໝ່ ແລະ ພະນັກງານຫຼັກແຫຼ່ງອ້ອມຂ້າງກະຊວງປ້ອງກັນປະເທດເຂົ້າຮ່ວມ. ສະຫາຍ ພົນຈັດຕະວາ ແສງມະນີວອນ ຄຳມະນີ ກໍາມະການຄະນະປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ ໄດ້ຜ່ານດຳລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງໜ້າທີ່ນາຍທະຫານ ຢູ່ກະຊວງປ້ອງກັນປະເທດ. ນາຍົກລັດຖະມົນຕີ ອອກດຳລັດ: ແຕ່ງຕັ້ງ ສະຫາຍ ພົນຕີ ໄພວັນ ຈັນທະພົມມາ ເປັນຫົວໜ້າຫ້ອງວ່າການກະຊວງປ້ອງກັນປະເທດ, ສະຫາຍ ພົນຈັດຕະວາ ວົງຈັນ ພັນຈັນທະມານ ເປັນຮອງຫົວໜ້າກົມໃຫຍ່ການເມືອງກອງທັບ ແລະ ສະຫາຍ ພົນຈັດຕະວາ ບົວວັນ …